Maatiyoosi 5:46 - Kafa Linguistics Project

⁴⁶ Ittoshin shunnii beetinaꞌon baach ittoshi shunigaata, Yeer waanee amee wojjoon danehote? Gabiyee guudeenaꞌo ebin tuniyaacheete?

Maatiyoosi 5:46 ပူးပေါင်းရင်းမြစ်များ

Maatiyoosi 11:19

Ashi Bushoo maabee, uchiibee bi waataa, boonoshi ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyeete. Tunetaa shalligoo tate bi shuunoona arichehe” iye.

Maatiyoosi 18:17

Boonoshi getaa waayo bi qayigaata, kittinnee guuphoyich gete. Wotta kittinnee guupho getaa waayo bi qayigaata, Aagetoonaa gabiyee guudoonon tuniiree ciine.

Maatiyoosi 5:47

Ittoshi maneenaꞌon baach diggiibeeto ittoshi tunegaata, bareenaꞌoyee amoona beshehote? Yeerich qeyaaneenaꞌolla ebin tunii beetinaꞌone.

Maatiyoosi 6:1

“Yeerich ittoshi shuuneebeeti deꞌe shuunoon ashi beꞌenoyich ittoshi shuuneyaachemmoyich, ittoshi qelloon ariibote! Shimaayooch beeti ittoshi Nihoo Yeer waanee wojjoon cir daneyaachemmo ittoshine.

Maariqoosi 2:15

Aroyee gubb Yesuusi Lewi kexoochaa maayoon maa bi beetaa, meeti gabiyee guudeenaꞌonaa axaaxechinaꞌona biinnaa bi dabbeenaꞌona tookkii maa beeheete; eboshi daggoochee biin dabbitinaꞌo meetinaꞌone.

Maariqoosi 2:16

Arooba Muusichi Sheeree dojjechinaꞌonaa Fariseenaꞌona Yesuusi gabiyee guudeenaꞌonaa axaaxechinaꞌona tookkii maa bi beetaa beeggiꞌi, bi dabbeenaꞌon “Gabiyee guudeenaꞌonaa axaaxechinaꞌona tookkii amoyichiye maa uchii bi beeto?” iꞌi echeheete.

Luqaasi 15:1

Gabiyee guudeenaꞌonaa axaaxechinaꞌonochi daggoochee meetinaꞌo “Yesuusi gettimmon waayebone” iibee bi waan waa beeheete.

Luqaasi 18:13

“Wotta hini are gabiyee guudo yaafee kexooch neexee beetinaꞌoyee wohooch neexeechii bi aafoon kaama tiijjiꞌi shimaajj ciinonolla shunaanoone; tunebaani bi getoon qicciibee, ‘Yeero, axaaxechi taan maaribe’ iibee Yeerin qollehe.

Luqaasi 19:2

Arooch Zakiyoosi getteebeeti gabiyee guudeenaꞌochi ukkiroo beehe; biyoo gaannechone.

Luqaasi 19:7

Arooba are asheenaꞌo bulli beeggiꞌi, “Axaaxecho kexooch iibbiitaa giyitone” iꞌi guruuxiyeete.

Luqaasi 3:12

Arooba gabiyee guudeenaꞌo wotta aacona aafaalleya bi waan waaꞌi, “Dojjechocho, no wotta amoon hallibona?” iꞌi echeheete.

Luqaasi 5:29

Aroyee gubb Lewi bi kexooch oogeti gifiroon Yesuusich qanniihe. Arooba Yesuusinaa Lewina tookkiꞌi madooch koteti gabiyee guudeenaꞌonaa bare asheenaꞌona meetinaꞌone.

Luqaasi 5:30

Ebich Fariseenaꞌonaa boonoshi guuphinaꞌo tuneti Muusichi Sheeree dojjechinaꞌona “Amoyichiye gabiyee guudeenaꞌonaa axaaxechinaꞌona tookkiꞌi maa uchii ittoshi beeto?” iꞌi Yesuusichi dabbeenaꞌo toommooch guruuxeeheete.

Luqaasi 7:29

Ebin waayeti asheenaꞌo bulli, Yowannis waan waaꞌi aacona afaalleeti gabiyee guudeenaꞌolla echeyaanoon, Yeeri cadiqo bi tunoon miixeheete.

Luqaasi 7:34

Ashi Bushoo maabee, uchiibeenoo bi waataa, ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyote.