Maatiyoosi 5:44 - Kafa Linguistics Project

^44-45 Tunebaani and ta waanee waayebote! Yeeri bi halliti aabeen deꞌeenaꞌonaa gondeenaꞌonoyich kichii beetone; kaameenaꞌonaa xummeenaꞌonoyich tachiꞌi amiyon dichii beetone. Illa shimaayooch beeti ittoshi Nihooyich bushiishoo ittoshi tunemmoyich, ittoshi shixechinaꞌon shunote; ittoshin duꞌii beetinaꞌoyich corootibote.

Maatiyoosi 5:44 ပူးပေါင်းရင်းမြစ်များ

2 Taateenaꞌo 6:22

Elisayiyoo, “Boonoshin wuxiyaahine; hinoshin qayee, ne goraadoonaa ne maꞌoona ne keccetonolla, wuxoo neech qaawiyaache. Boonoshi maayemmonaa boonoshi uchemmonon boonoshich giddiibe; maa uyiree, boonoshi doono waan hambeete” iye.

Shaahiyoo 19:11

Shalligoo ashoon haaꞌiyecho tuniihe; biin xuqqiton maaroo oogoon danoone.

Luqaasi 23:34

Yesuusiyoo “Ta Nihoocho, boonoshin maaribe; ebi boonoshi shuunee beeton ariyaaneenaꞌone” iye. Ebiyee gubb, bi tahoon ixoo kuxxiꞌi qoodeeheete.

Yowannisi 13:34

“ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

Mishiraachechinaꞌo 16:28

Tunetaa Phawuloosi bi qaaroon oogichiꞌi, “Ne toommooch gondoon shuuneyaahine; no bulli hiniich beeto noone” iꞌi cookiye.

Mishiraachechinaꞌo 7:60

Guteneꞌi, “Ta Doonocho, hini axaaxoon boonoshi toommooch haddiyaahine” iꞌi oogichii cookiye. Ishichiichii qitiye.

Roomi 12:14

Ittoshin duꞌii beetinaꞌon Yeeri diiremmoyich qollebotalli, uppaahote.

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

1 Pheexiroosi 2:23

biin naaggii boonoshi beehooba, wochiꞌi naagaanoone; biin boonoshi xuuxii beehooba, miicheyaanoone; tunebaani cadiqoona nalliibeeti Yeerich bi qelloon beshiiꞌi immiye.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

1 Saameeli 24:17

Biyoo ishichiye: “Neech gondoon ta tuniitaa, ne taach deꞌoon ne tuniitoyich, ne tayee beshi cadiqe asho neene.