Maatiyoosi 5:4 - Kafa Linguistics Project

⁴ Tuummii beetinaꞌo diireetinaꞌone; Yeeri boonoshin goggiyemmone.

Maatiyoosi 5:4 ပူးပေါင်းရင်းမြစ်များ

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 57:18

Bi gommon beeggeto taane; tunebaani biin wodiyemmo taane; biin yaabemmo taane; biinnaa biich eeppii beetinaꞌonon goggiyemmo taane.

Isiyaasi 66:10

Yerusaalemin shunnii beetinaꞌote, ittoshi bulli biinna tookki emiri wucwucote. Biich eeppitinaꞌote, ittoshi bulli biinna tookki oogichi emiribote.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Hiziqeeli 7:16

Muriccii woditinaꞌo guudi toommooch beechi bambeexi daabbichoommon boonoshi axaaxoyich shooshemminaꞌone.

Hiziqeeli 9:4

“Yerusaalemi katemoona hambe; bi daggoochaa tuneti ciigiiti mooyoyich ayinii beetinaꞌonaa eeppii beetinaꞌonochi barooch malletoon gede” iye.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Luqaasi 16:25

“Tunebaani Abrahami wochiꞌi, ‘Ta bushoochoo, showee toommooch ne beehooba, deꞌe mooyo bullin ne danoon shalligibe. Ebiyoommon wotta Alazaari showee toommooch bi beehooba, magge iritee toommooch bi beemonoo shalligibe. Tunebaani Alazaari and hiniichaa bi ayinoon shoottitone; newoo xuuxaabeeto neene.

Luqaasi 6:21

And shaacee beetinaꞌote, diireeto ittoshine; michemmo ittoshine. And eeppii beetinaꞌote, diireeto ittoshine; miiccemmo ittoshine.

Luqaasi 6:25

And michii beetinaꞌote, gubb shacemmo ittoshi tunetoyich, ittoshich woowo! And miiccii beetinaꞌote, gubb tuumi eeppemmoo ittoshi tunetoyich, ittoshich woowo!

Luqaasi 7:38

Waa bi gubbaa Yesuusichi baatee gaꞌooch yittaachaa eeppaabee acimoon bi baatooch ukkiyan; bi qelli eexonoo Yesuusichi baatoon hidiyan; hidaꞌa shummahan; are cinnechi shittoonoo bi baatooch huuttahan.

Luqaasi 7:50

Tunebaani Yesuusi ureen “Ta toommooch mulloon ne tooꞌiyoo neen wodiitone. Diggoona hambe” iye.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.