Maatiyoosi 5:39 - Kafa Linguistics Project

³⁹ Tunebaani and ta waanee waayebote! Ittoshi toommooch gondoon shuuneebeeto toommooch nichoon kichiyaahote. Tunebaani ne qanne gaakkoon tappemmoyich yoochoon bajjaahine.

Maatiyoosi 5:39 ပူးပေါင်းရင်းမြစ်များ

1 Taateenaꞌo 22:24

Aroochee Kenanaahi bushoo Sedeqiyaasi Mikiyaas waan giddeꞌi, bi gaakkooch tappeechii, “Doono Yeerichi Ayaano neen bi yibbaatiito, ta waanee aabina besheꞌiniye?” iye.

Iyoobi 16:10

Asheenaꞌo taan cooneheete; cooqqiriibee ta gaakkooch tappeheete; ikkooch kiceeꞌi taan giichiyeete.

Shaahiyoo 20:22

“Gondee kaalloon wochemmo taane” gettaahine; Doono Yeerin quyebe; bi neen gaachemmone.

Shaahiyoo 24:29

“Taach bi shuunetoommon biich shuunemmo taane; bi shuunoon biich qoccemmo taane” gettaahine.

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Shoosho 3:30

Bi gaakkoonoo tappemmoyich bekkiibe; naaggoonoo miye.

Leweenaꞌo 19:18

“ ‘Ne asheenaꞌo daggoochee koni toommoochona nichoon kichiyaahine. Mooyon shaaccaahine. Neenoommi ne manoon neenna tachiree shune. Ta, Doono Yeeri taane.

Mikiyaasi 5:1

Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.

Maatiyoosi 5:40

Wotta ukkiroo toommooch neen taggeꞌi, ‘Ne kootoon taach imbe’ immoyich ne kutoon daakkiree imbe.

Luqaasi 22:64

Bi aafoon kaappiichii tappeebee, “neen tappeto konine? Eke keemecho ne gaata, gete” iꞌi eche beeheete.

Luqaasi 6:7

Muusichi Sheeree dojjechinaꞌonaa Fariseenaꞌona “Eke shambetooba bi wodiigaata beegone” iꞌi Yesuusin taggoyich quyee beeheete.

Yowannisi 18:23

Yesuusiyoo wochiꞌi, “Gondoon ta getteto gaata, ta gondoon miixebe; ta getteto tato gaata, amoyich taan tappenne?” iye.

1 Qorontoosi 6:7

Illa ittoshinaa ittoshina taggeebeeto tunegaata, ittoshi kittinnee qocoon muriccito ittoshine. Ebiyee cikkiꞌi ittoshi xukkeyoo ittoshich gaaweyaache? Bokkeyoo ittoshich gaaweyaache?

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

Hibireena'o 12:4

Damoon ittoshi ukkimmi wottoon axaaxoona tookkii batt qiicceyaano ittoshine.

Yaaqobi 5:6

Cadiqo tuneti ashi toommooch nalliꞌi biin wuxito ittoshine; biyoo cikkii qajjiye.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.