Maatiyoosi 5:30 - Kafa Linguistics Project

³⁰ Ne qanne kishoo axaaxoo ne shuunemmoyich naboo bi tunegaata, kuxiree dufe. Ne ashittino bulli shiweree qaaqqooch duppeyoyee ne ashittinoochee ikkoo shappi gaata gaawiye” iye.

Maatiyoosi 5:30 ပူးပေါင်းရင်းမြစ်များ

Maatiyoosi 11:6

Ta mooyona axiraacheyaano bulli diireetone” iye.

Maatiyoosi 13:21

Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Maatiyoosi 16:23

Tunetaa bekkech Yesuusi guuddii wotteꞌi Pheexiroosin “Hini Sheexaanoocho, ta waanee wohe! Taach xugo tuneto neene. Ashichonalli Yeerichon gabaachine” iye.

Maatiyoosi 17:27

Tunebaani boonoshich xugo no tuneyaachemmoyich, baharooch hamiree haashoon yeshe qamaaxiroon baharooch dufe; shiichii ne yecheti haashee kookkoon ne gaxxigaata, gijjoon danemmo neene; aroon daamiree neennaa taannochi gibiroon qoce” iye.

Maatiyoosi 18:8

Illa ne kishoo woyee ne baatoo axaaxoo ne shuunemmoyich naboo bi tunegaata, kuxiree dufe. Gutte kishoona woyee gutte baatoona beebee, bulli yemeenoon tahaani shiweree qaaqqooch ne duppeyoyee, baata kuxo woyee kisha duroo tuneechii kashee kexooch giyiꞌi beemo neech gaawiye.

Maatiyoosi 22:13

“Arooba taatoo bi naayinaꞌon ‘Hini uroon bi kishoonaa bi baatoonon cuyiree maach manderooch kichi dufote. Aroochaa eefonaa gashee qaayona tunemmone’ iye.

Maatiyoosi 25:20

Uuche makilitoon deqqito giddeꞌi bare uuche makilitoona tookkii immiꞌi tiyii, ‘Ta doonocho, uuche makilitoon taach immeto neene; ebiyoche, bare uuche makilitoon shiijjito taane’ iye.

Maatiyoosi 26:31

Arooba Yesuusi bi dabbeenaꞌoyich ishichiye: “ ‘Yeeri “Qiddoon xoobbemmo taane; bageenaꞌo shacemminaꞌone” iꞌi gettitone’ getaa kooreetone; ebich hanaach xum ittoshi bulli taan qajjemmo ittoshine.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maatiyoosi 5:29

Ebich ne qanne aafo axaaxoo ne shuunemmoyich naboo bi tunegaata, kichiree dufe. Ne ashittino bulli shiweree qaaqqooch bi duppeyoyee ne ashittinoochee ikkoo shappi gaata gaawiye.

Maariqoosi 9:43

Ebich ne kishoo axaaxoo ne shuunemmoyich naboo bi tunegaata, kuxiree dufe. Gutte kishoona beebee [ashi meenon maabeeti hipperoo qitaani,] aaxxo tahaani shiweree qaaqqooch ne gimoyee, kisha kuxo tuneꞌi kashee kexooch giyii beemo neech gaawiye.

Luqaasi 12:5

Tunebaani ittoshi shattemmon ta ittoshich gettemmo taane: Aroo bi wuxitoyee gubb, shiweree qaaqqooch dufon hakkemmi Doonon shatote. Andoo ittoshich gettoye, biin shatote.

Luqaasi 17:2

Are uro hini gishiisheenaꞌo daggoochee ikkoyichona xugo bi tunoyee, ooge yiikke xaqqoon bi qettooch tifaa baharee gejjooch bi duppeto gaata, biich gaawiye.

1 Qorontoosi 8:13

Illa ta maabeeti maayo ta manooyich xugo bi tunesho gaata, biin yexi ta dichaachemmoyich, ta maayemmi meeno ta qitimmi wottoon echebe.

Galaati 5:11

Ta maneenaꞌote! Batt dokireebote iyaꞌa gettaabeeto ta tunegaata, ishigaata and beddaahaa asheenaꞌo taan duꞌii beeto amoyichiye? Ebin ta gettemmo gaata, Kiristoosichi masqalo ashich xugo tuneyaacheshone.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.