Maatiyoosi 5:3 - Kafa Linguistics Project

³ “Ayaanoona girechinaꞌo diireetinaꞌone; shimaajji taatittine boonoshichine.

Maatiyoosi 5:3 ပူးပေါင်းရင်းမြစ်များ

2 Kiinoo 33:12

Minaasi bi xuuxehooba, bi Nuggishoo Doono Yeerichi gaachoon qaawiye. Bi qaabbechinaꞌochi Nuggishoo aafooch bi qelloon oogeton giishiiꞌi corootiye;

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 33:23

Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

2 Kiinoo 7:14

ta shigoona ceekketi ta asheenaꞌo boonoshi qelloon giishiiꞌi boonoshi qollegaata, taan boonoshi qaawigaata, boonoshi gonde gommoochee boonoshi wottegaatoo, shimaayoochaa boonoshi qolloon waayemmo taane; boonoshi axaaxoon maaremmo taane; boonoshi showoonoo wodiyemmo taane.

Iyoobi 42:6

Ebich ta qelloon wochaa hoxaabeeto taane; tulloonaa buttoonooch kotaachaa ta gondoon aannaabeeto taane” iye.

Shoddo 1:1

Gondeenaꞌochi ciicoona hamaani, axaaxechinaꞌochi gommooch neexeyaani, cooqqirechinaꞌochi gabberooch koteyaani, asho diireetone.

Shoddo 112:1

Haleluya! Doono Yeerin shattiibeeto, bi geteenaꞌona oogichii emiriibeeto, diireetone.

Shoddo 128:1

Doono Yeerin shattii beetinaꞌo, bi gommonoo hammii beetinaꞌo diireetinaꞌone.

Shoddo 146:5

Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 34:18

Boonoshi mullo tiishetinaꞌoyich Doono Yeeri katinoone; gibeno kuxxitinaꞌon wodiyemmone.

Shoddo 41:1

Girechon gabiibeeto diireetone; bi xuuxee aabooba Doono Yeeri biin wodiyemmone.

Shoddo 51:17

Yeeri deqqemmi deejjoo tiisheti ayaanoone; Yeero, ne, tiishee giisheti mulloon hoxeyaachine.

Shoddo 84:12

Beshe Mawe Doono Yeero, neen gibeneebeeti asheenaꞌo diireetinaꞌone.

Shaahiyoo 16:19

Geecechinaꞌona tookkii kecoon qoodeyoyee, girechinaꞌona tookkii qelloon giishiiꞌi beemo gaawiye.

Shaahiyoo 29:23

Ashoon bi geecoo giishiihe; tunebaani bi qelloon giishiibeeto, oogoon danemmone.

Shaahiyoo 8:32

“Ta bushiisheenaꞌote, andoo ta waanee ellebote; ta gommon dabbii beetinaꞌo diireetinaꞌone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 11:6

Ta mooyona axiraacheyaano bulli diireetone” iye.

Maatiyoosi 13:16

“Tunetaa ittoshi aafo ciinnii bi beetoyich, ittoshi waamoo waayee bi beetoyich, diireeto ittoshine.

Maatiyoosi 19:14

Tunebaani Yesuusi bi dabbeenaꞌon “Qayote! Shimaajji taatittine tunemmo eboshiyoominaꞌoyichiye; ebich gishiishi bushiisheenaꞌo ta waan wobeete; bajjaahote” iye.

Maatiyoosi 24:46

Bi doono waahaa, bi shuunee toommooch beebee danemmi are wochee bushoo diireetone.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Maatiyoosi 8:11

Ellebote, meetinaꞌo aabi-keyonaa aabi-gimonoochee woyemminaꞌone; Abrahami, Yisaaqinaa Yaaqobina tookki gifiree maayoon maaya shimaajji taatittineech kotemminaꞌone.

Maariqoosi 10:14

Yesuusi ebin beeggii kaareꞌi bi dabbeenaꞌoyich ishichiye: “Qayote! Yeerichi taatittine eboshiyoomminaꞌochine. Ebich gishiishi bushiisheenaꞌo ta waan wobeete; bajjaahote.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Luqaasi 22:29

Ebich ta Nihoo taan bi taatiitoommon, ta wotta ta taatittinoochaa ta madoochee ittoshi maayemmonaa ta xoofoochee ittoshi uchemmonoyich, taatee qeenoochoo koteree aaraa gutte Israꞌeelee yoodeenaꞌo toommooch ittoshi nallemmoyich and ittoshin taatiito taane” iye.

Yowannisi 20:29

Yesuusiyoo “Taan ne beeggetoyichiye ne iberiito; beegaanoon iberii beetinaꞌo diireetinaꞌone” iye.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

Yaaqobi 1:10

gaannecho wotta bi giishoona, geecibe. Ebiyoo gaanno mocee bungoochoommon oojjemmo bi tunetoyichye.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaꞌoo 19:9

Are maraakoo taach ishichiye: “ ‘Bagoochi gaaree gifirooch ceekketinaꞌo diireetinaꞌone’ getiree kooribe” iye. Daakkiꞌinoo taach “Ebi Yeerichi ibere qaaroone” iye.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.

Yaaꞌoo 3:17

‘Gaannecho taane; bedditi gaanno taach beete; baroo amolla taach qaawiyaache’ ii beeto neene; tunebaani xuuxoona yexxeto, ayinikkito, girecho, wolloo, shokkaachoo ne tunoon ariyaano neene.