Maatiyoosi 5:22 - Kafa Linguistics Project

²² Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maatiyoosi 5:22 ပူးပေါင်းရင်းမြစ်များ

Halloo 37:4

Boonoshi nihoo Yooseefin boonoshiyee beshoon bi shunon bi maneenaꞌo beeggiꞌi, Yooseefin shixxiyeete. Gaawe noonoona biinna tookkii yibbaato qajjiyeete.

Halloo 37:8

Bi maneenaꞌoo “Iberoon no toommooch taateree noon hajjiyane ne gabaabeeto?” iyeete. Bi gumichonaa bi gettiti mooyochonoyich aafichoyee beshoon biin shixxiyeete.

2 Saameeli 16:7

Biyoo uppiibee, “Hiniichee aallebe; hiniichee aallebe; hini damee ashoocho! Gaacaalli uroocho!

2 Saameeli 6:20

Aroochee Daawiti bi kechi asheenaꞌon diiriya bi kexooch wottehe. Saaꞌooli bushee Mikaali biinna daneya kechaꞌa, “Qellaalli asheenaꞌo yeelleyaanoon boonoshi achoon bekkiyoommon, Israꞌeelee taatoo shokke qeddoon tuneꞌi bi naayinaꞌochi shaajjeteenaꞌo aafooch bi achoon bi bekkiyoo biin am shaahoon oogiite” iyan.

1 Taateenaꞌo 21:4

Yezireelee asho Nabooti, “Ta qaabbechinaꞌo waanee ta woraashiti showoon neech imaache” bi itoyich, Akaabi ippee kaareꞌi bi kexooch hammiye; bi aafoon daabbo waan wochiꞌi, bi qeenooch teeqqehe; maayoonoo mahehe.

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

2 Kiinoo 19:5

Mishigechi Yihudee katemoo bulliich woraaferasheenaꞌon ukkiriihe.

Nehimi 5:8

Boonoshich ishichiyo: “Aageteenaꞌoyich kecheti, Ayihudo tuneti no maneenaꞌon, nooch bi hakkeetoommon, biishehone; ittoshiyochi ittoshi maneenaꞌon ittoshi kemmiibeeto, wochinnoon no biishemmoyichiye?” iyaꞌa boonoshich getteho. Boonoshiyoo boonoshi gettemmon mucceꞌi cikkii qajjiyeete.

Shoddo 109:3

Ta guudoon guuddiꞌi taan shixona yibbaateheete; naboo aalloon taanna koyeheete.

Shoddo 14:1

Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubetinaꞌone; boonoshi shuunoo ciigeetone; gaawe mooyon tuniibeeto ikkolla aalloone.

Shoddo 25:3

Neen gibenee beetinaꞌo yeelleyaachemminaꞌone; baad cikkii dawushii beetinaꞌo yeellemminaꞌone.

Shoddo 35:19

Baad cikkii taan shixxii beetinaꞌo ta toommooch emiraayeete; naboo aalloon taan shixxii beetinaꞌo ta toommooch xayishaayeete.

Shoddo 37:8

Ippoochee wohe; kaaree shiixxoon qaye; gondooch neen bechemmo bi tunetoyich ippeyaahine.

Shoddo 49:10

Shalligechinaꞌochi qitoo, tuusheenaꞌonaa mullaalleenaꞌonochi aallo, aricheti mooyone; boonoshi gaannoon bareenaꞌoyich dufi hammemminaꞌone.

Shoddo 69:4

Naboo aalloon taan shixxii beetinaꞌo, ta qelli eexoyee beshi meetinaꞌone; koote mooyona taan aalliiya ii beeti ta etteenaꞌo meetinaꞌone; ta gaayaani mooyon wochoo taach qaawiihe?

Shoddo 92:6

Yeexere asho ariyoon bi hakkaani, mullaalli asho shalligoon bi hakkaani, mooyo beete;

Shaahiyoo 14:16

Mullechi asho shattiye; gondoocheenoo wottehe; tunebaani mullaallo amoonolla aaxxiyaani afaafinechone.

Shaahiyoo 18:6

Tuushe ashi yibbaatoo kaaroon deebiye; bi noonoo gumboon ataalliye.

Erimiyaasi 17:11

Tateyaani gommona gaannoon kiciibeeti asho, bi gabexeyaanoon guuppaabeeti akkeyoommone; bi eeni gutte daggaa, ebi gaannoon muccemmone; tuushoo bi tuno ciiroochaa xalla bekkemmone.

Shoosho 3:52

Naboo aalloon taach etto tunetinaꞌo, kafoochoommon taan kambeheete.

Daaneeli 3:13

Ebich taatoo Nabukadinatsori oogeti ippoona Sidiraaqin, Misaaqinaa Abidinaginon deebi bi aafooch boonoshi neechemmoyich tuniihe.

Daaneeli 3:19

Aroochee Nabukadinatsori Sidiraaqi, Misaaqinaa Abidinaginochi toommooch oogeton ippee shinehe; bi aafoo aaqqiye. Ebi qaaqqee sheelloo bi gaamooch shabaatte kishoon daakkiree bi gaamemmoyich bi asheenaꞌoyich gettiye.

Abidiyi 1:10

“Ne manoo Yaaqobichi shiijjereenaꞌon ne xuqqetoyich, oogichi yeellemmo neene; bulli yemeenoonoo aallemmo neene.

Abidiyi 1:12

Gonde mooyo ne maneenaꞌo toommooch shagiyooba, diiga bedaano neene; boonoshi aallee aabooba, Yihudee asheenaꞌo toommooch emira bedaano neene; boonoshi duꞌee aabooba geeca bedaano neene.

Maatiyoosi 10:17

Tunebaani nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ebich ashi waanee ittoshi qelloon quyebote!

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 12:24

Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 18:21

Arooba Pheexiroosi Yesuus waan giddeꞌi, “Ta Doonocho, ta manoo taan bi xuꞌigaata, ambiche wottooniye biin ta maaremmo? Shabaatte wottoon maaribote?” iye.

Maatiyoosi 18:35

“Illa ittoshi ikkikkoo bi manoon bi mulloochee tiijjiꞌi bi maaroo qayigaata, shimaayeexi ta Nihoo ebiyoommon bi toommooch tuniyemmone” iye.

Maatiyoosi 23:15

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Ikke uroon ittoshi waan wochoyich baharoonaa showoonon guuddiyote. Ashoon ittoshi danetoyee gubb ittoshi toommooch kindemmoyee beshe shiweree qaaqqee nalloon bi toommooch kindiihote.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 26:59

Arooba qeeshee ukkireenaꞌonaa kaacheti Ayihudee nallechinaꞌo bullina Yesuusin wuxiiya bi toommooch koote miixeenaꞌon qaawiyeete.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Maatiyoosi 5:34

Tunebaani and ta waanee waayebote! Ne mookkoon wogoona cir mookkeyaahine. Shimaayoona getiree wogeyaahine; Yeerichi taatittinee xaaꞌoone.

Maatiyoosi 5:44

Tunebaani and ta waanee waayebote! Yeeri bi halliti aabeen deꞌeenaꞌonaa gondeenaꞌonoyich kichii beetone; kaameenaꞌonaa xummeenaꞌonoyich tachiꞌi amiyon dichii beetone. Illa shimaayooch beeti ittoshi Nihooyich bushiishoo ittoshi tunemmoyich, ittoshi shixechinaꞌon shunote; ittoshin duꞌii beetinaꞌoyich corootibote.

Maariqoosi 14:55

Arooba qeeshee ukkireenaꞌonaa kaacheti Ayihudee nallechinaꞌo bullina Yesuusin wuxiiya bi toommooch miixemmon qaawiyeete; tunetaa daneyaaneenaꞌone.

Maariqoosi 15:1

Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.

Luqaasi 12:5

Tunebaani ittoshi shattemmon ta ittoshich gettemmo taane: Aroo bi wuxitoyee gubb, shiweree qaaqqooch dufon hakkemmi Doonon shatote. Andoo ittoshich gettoye, biin shatote.

Luqaasi 22:66

Showoo harimmona, Ayihudee nallechinaꞌo, eboshiyoo showee geeneenaꞌo, qeeshee ukkireenaꞌonaa Muusichi Sheeree dojjechinaꞌona ikkooch kiceeheete. Yesuusi yeshaa bi waammona, “Kiristoosi neene? Eke nooch gete” iꞌi echeheete. Tunebaani aroo wochiꞌi ishichiye: “Ittoshich ta gettetaa, iberiyaachote;

Yowannisi 11:47

Ebich qeeshee ukkireenaꞌonaa Fariseenaꞌona Ayihudee nallechinaꞌon kiciꞌi, “Aabichibona? Hini uro meeti malletoon bekkii beehe amoone!

Yowannisi 15:25

Ebi tuneto, boonoshi Sheeree Macaafoochaa ‘Naboo aalloon taan shixxiyeete’ getaa kooreeto bi ceennemmoyichiye.

Yowannisi 7:20

Asheenaꞌo wochiꞌi, “Yinno ne toommooch beetone. Konine neen wuxoyich qaawiibeeto?” iyeete.

Yowannisi 8:48

Ayihudeenaꞌo wochiꞌi, “Shamaarecho ne tunoon, yinnoo ne toommooch beemon no geto iberoo toone?” iyeete.

Mishiraachechinaꞌo 17:18

Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete.

Mishiraachechinaꞌo 22:30

Dechara hume ginee iraashoo Ayihudeenaꞌo Phawuloosin taggeti naboo amo gaata iberoon ariiya qaawiꞌi, qeeshee ukkireenaꞌonaa Ayihudee nallechinaꞌo bullinon ceeggiꞌi kiciye; Phawuloosin biichii, daammiꞌi boonoshi aafooch neechiye.

Mishiraachechinaꞌo 23:1

Arooba Phawuloosi Ayihudee nallechinaꞌon manjii ciinniꞌi, “Ta maneenaꞌote! Hanaach beddaahaa Yeeri aafoochaa ta shuuneti shuunoyich ta mullo taan ittibateyaache” iye.

Mishiraachechinaꞌo 24:20

Woyee Ayihudee nallechinaꞌo aafooch ta neexehooba, ta aalliiti mooyon boonoshi daneto gaata hiniich beeti asheenaꞌo geteete.

Mishiraachechinaꞌo 4:15

Ebich Ayihudee nallechinaꞌo Pheexiroosinaa Yowannisinon “Maaxooch keyote” iꞌi boonoshi kiceeti kexoochee maach boonoshi kichitoyee gubb, boonoshinaa boonoshina

Mishiraachechinaꞌo 5:21

Mishiraachechinaꞌo ishin waayeꞌi maaddoona yaafee kexooch giyiꞌi, Yeerichi qaaroon asheenaꞌoyich dojjiyeete. Tunebaani qeeshee guudoonaa biinna tookkii beetinaꞌona, kaacheti nallechinaꞌon, Israꞌeelee showee geeneenaꞌo bullinoo ceeggiꞌi, ikkooch kiciyeete. Mishiraachechinaꞌon boonoshi deebemmoyich asheenaꞌon cuyee kexooch wocheheete.

Mishiraachechinaꞌo 5:27

Mishiraachechinaꞌon deebiꞌi, Ayihudee nallechinaꞌo aafooch neechiyeete. Aree hillooch qeeshee guudo boonoshin,

Mishiraachechinaꞌo 6:12

Ebichi gommona asheenaꞌon, geeneenaꞌonaa Muusichi Sheeree dojjechinaꞌonon ippiiheete. Boonoshiyoo hammii Isxifanoosin yechiꞌi, kiceeti Ayihudee nallechinaꞌo waan deebiyeete.

Mishiraachechinaꞌo 6:15

Areegaata nalloyich koteti Ayihudeenaꞌo bulli Isxifanoosin manjii boonoshi ciinnimmona, bi aafo maraakee aafoon shaahiye.

Mishiraachechinaꞌo 7:37

“Israꞌeeleenaꞌon ‘Yeeri, taanoommi keemechon ittoshi maneenaꞌochi daggoochee ittoshich kaaciree neechemmone’ iꞌi gettito hini are Muusine.

Roomi 12:10

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

1 Qorontoosi 6:6

Kittinnoo kittinnoon taggehe? Ebiyoo wotta Kiristoosi toommooch mulloon tooꞌiyaaneenaꞌo toommoochaa tunehe?

Yibbaatoo 15:11

Girechinaꞌo are showoochee aalleyaachemminaꞌone. Ebich girecho tuneꞌi gaacheyoon qaawiibeeti Israꞌeelee asho tuneti ne manoyich ne kishoon maggiiree ne immemmoyich, neech gettaabeeto taane.

Yibbaatoo 16:18

Muusi Israꞌeeleenaꞌoyich ishichiye: “Ne Nuggishoo Doono Yeeri neech bi immimmi katemoo bulliich, ne yoodi yoodoyich, woraaferasheenaꞌonaa bare iraasheenaꞌonon ukkiriibe. Boonoshiyoo asheenaꞌochi toommooch kaachi nallibeete.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

Titoosi 3:2

koninolla oonaaneenaꞌo, hayoochee wokkitinaꞌo, shiimechinaꞌo, asho bulli aafooch boonoshi qelloon giishii beetinaꞌo boonoshi tunemmoyich shalligichibe.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Yaaqobi 2:20

Hini mullaalloocho! Mullee tooꞌiyoo shuunaalloon duubo bi tunoon ariyoon qaawaa beetine?

Yaaqobi 3:6

Heciyoo qaaqqoommone; heciyoo no ashittinee quumeenaꞌo daggooch beeti gondoyich hajjeeti alemoone; no ashittino bullin eeꞌii beetone; no kashee gommo bullin michii beetone; shiweree qaaqqoochoo miccemmone.

1 Pheexiroosi 2:23

biin naaggii boonoshi beehooba, wochiꞌi naagaanoone; biin boonoshi xuuxii beehooba, miicheyaanoone; tunebaani cadiqoona nalliibeeti Yeerich bi qelloon beshiiꞌi immiye.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

1 Yowannisi 2:9

“Bekkooch beeto taane” iibee bi manoon shixxiibeeto, and beddaahaa manderoochiye bi beeto.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.

Yihudi 1:9

Maraakeenaꞌochi iraashoo tuneti Mikaꞌeeliyolla daabiloosina tookkii Muusichi caheechon bi taggehooba, “Doono Yeeri neen kaarebe” iyalli, naageebee nalloyich aafoon kuppheyaanoone.

Yaaꞌoo 20:14

Qitoonaa Siꞌooloona qaaqqee baharooch duppeheete; ebi qaaqqee baharooch duppo guttinnee qitoone.