Maatiyoosi 5:19 - Kafa Linguistics Project

¹⁹ Illa Yeeri tuniibote iꞌi bi gettiti hini sheereenaꞌoochee ikke giishecheyichona ‘Deꞌa getaache’ ii bareenaꞌonoo ‘Deꞌa gettaahote’ iꞌi dojjiibeeti asho koniyoona shimaajji taatittineechaa bulliyee desho tunemmone; tunetaa deꞌa ii beetonaa bareenaꞌon ‘Deꞌa getote’ iꞌi dojjii beetona koniyoona shimaajji taatittineechaa oogo tunemmone.

Maatiyoosi 5:19 ပူးပေါင်းရင်းမြစ်များ

Shoddo 119:128

Ebich ne geteenaꞌo bullin dabbiyoye; koote gommo bullinoo shixxehoye.

Shoddo 119:6

Ne getoochee ta aafoon bariyoo ta qayigaata, yeelleyaachemmo taane.

Daaneeli 12:3

Yiiteenaꞌo gumeexi bekkoochoommon (acacoochoommon), meeti asheenaꞌon gonde gommoochee kaame gommooch wochii beetinaꞌo xojjenoochoommon, bulli yemeenoon aaxxemminaꞌone.

Maatiyoosi 11:11

Iberoon ittoshich gettoye: Showee toommooch shiijjetinaꞌo daggoochee Aacona Afaallechi Yowannisiyee beshe asho daneyaanoone; tunebaani shimaajji taatittineechaa bulliyee desho tuneto biyee beshemmone.

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Maatiyoosi 20:26

Tunetaa ittoshi daggooch ebiyoommon tunaaye. Ittoshi daggoochee koniyoona ‘Oogoo tunebona’ ito, wochee bushoochoommon ittoshich shuunebe.

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Luqaasi 11:42

“Tunebaani hini Fariseenaꞌote, kefoonaa caddiraammoonoochee, daaddeexi cinnechi bechoo bulliichee asraatoon Yeerich kichiyote; tunebaani tachiꞌi nalloonaa Yeerin shunonon qajjitote; are Yeerich ittoshi kichii beeton qayaanoon, eboshinoo wotta tuniiya bedo ittoshine. Ebich ittoshich woowo!

Luqaasi 9:48

boonoshich ishichiye: “Koniyoona taacha iꞌi ebiyoommi giisheche bushoon bi shunigaata taan shunnii beetone; wotta koniyoona taan bi shunigaata, taan deejjiti Yeerin shunnii beetone; ittoshi bulli daggoochee giishecho bulliyee besho tunemmone” iye.

Mishiraachechinaꞌo 1:1

Teefilooso, Yesuusi kaacciꞌi bi wocheti mishiraachechinaꞌoyich Yaafe Ayaanee giidoona gettiichii, shimaajj bi kechimmi wottoon, bi shuuneti shuunoonaa bi dojjiti mooyo bullinon batti batti ta macaafooch koorito taane.

Roomi 3:8

Wotta ikkikkeenaꞌo “Gaawe mooyo woyemmoyich gondoon shuunebone” ii beeton shaahiiꞌi no shigoon gondii beetinaꞌone. Eboshi toommooch kindemmi nalloo tatoone.

Roomi 6:1

Illa ama getona? Yeerichi wojjoo woddemmoyich axaaxoon shuune beebona?

Roomi 6:15

Illa amo tuneba? Yeerichi wojjoyich hajjeebeeto noani, sheeroyich hajjeebeeto tuno no qajjetoyich, axaaxoon shuunebona? Ciroona tuneyaache!

Yibbaatoo 12:32

“Ebi neech ta getteti mooyo bullin tuniibe. Ebi arooch amoonolla daakkiyaahine. Wotta ebi aroochee amoonolla shappiiyaahine.

Yibbaatoo 27:26

“ ‘Hini sheeree qaaroo bullin ceechiꞌi quyeyaano uppeton tunebe’ geteete. “Asheenaꞌo bulliyoo ‘Ameena’ geteete” iye.

1 Ximootiyoosi 6:11

Tunebaani haano Yeerichi ashoocho, ebi mooyo bulliichee wohe. Cadiqoon, Yeerin oogiibeeti beemon, Kiristoosi toommooch mullee tooꞌiyoona manjoon, maneenaꞌon shunon, haaꞌiyoon, shiimecho tunoonoo dabbiree yeshe.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

1 Pheexiroosi 5:4

Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.

1 Yowannisi 3:4

Axaaxee shuuno sheeroon shaaddo bi tunetoyich, axaaxoon shuuneebeeto bulli Yeerichi sheeroon shaaddee beetone.

Yaaꞌoo 2:20

“Tunebaani neen ta ittibatemmi mooyo beetone: Ebiyoo ta guuninaꞌoyich shunee mamonaa shahalloyich deejjeya basheeti meenon mamonon dojjaa beetinaa muriccii beetina, ‘Keemechi taane’ ii beeti ure Elizabeelin cikkii qajjeto neene.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.