Maatiyoosi 5:18 - Kafa Linguistics Project

¹⁸ Iberoon ittoshich gettoye: Showoonaa shimaayoona beshemmi wottoon Muusichi Sheeroo bulli ceenaanoon nappeyoommi mooyiyolla showooch hollaachemmine.

Maatiyoosi 5:18 ပူးပေါင်းရင်းမြစ်များ

Shoddo 102:26

Boonoshi bulliyoo aallemminaꞌone; tunebaani ne beeyemmo neene; boonoshi bulliyoo qoreddoochoommon geenemminaꞌone; geeneti tahoochoommon shaddemmo neene; boonoshiyoo aallemminaꞌone.

Shoddo 111:8

Eboshiyoo bulli yemeenoon manjitinaꞌone; boonoshi icheto iberittinoonaa kaamittinoonane.

Shoddo 119:152

Ne geteenaꞌo bulli yemeenoon boonoshi beeyemmoyich ne tuniyoon, wonnee tiijjaꞌa ne geteenaꞌoochee ariito taane.

Isiyaasi 40:8

Mocoo shoolliye; mocee bungoo oojjiye; tunebaani no Nuggishoochi qaaro bulli yemeenoon manjiree beeyemmone” iye.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 51:6

Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Maatiyoosi 10:15

Iberoon ittoshich gettoye: Nallaa gallooba are katemeexi asheenaꞌoyee Sodoomi katemeexi asheenaꞌonaa Gomoori katemeexi asheenaꞌonoyich gaawiye” iye.

Maatiyoosi 10:23

Arooba ikke katemoochaa ittoshin boonoshi duꞌiigaata, bare katemooch maxxebote. Iberoon ittoshich gettoye: Ashi Bushoo waammi wottoon Israꞌeelee showeexi katemoo bulliich bedaachemmo ittoshine.

Maatiyoosi 10:42

Koniyoona hini gishiisheenaꞌoochee ikkoo ta dabboo bi tunetoyich gare aaconona immiibeeto, iberoon ittoshich gettoye, wojjoon mucceyaachemmone” iye.

Maatiyoosi 11:11

Iberoon ittoshich gettoye: Showee toommooch shiijjetinaꞌo daggoochee Aacona Afaallechi Yowannisiyee beshe asho daneyaanoone; tunebaani shimaajji taatittineechaa bulliyee desho tuneto biyee beshemmone.

Maatiyoosi 13:17

Iberoon ittoshich gettoye: Meeti keemechinaꞌonaa cadiqeenaꞌona ittoshi beeggii beeton beegoyich qaatitinaꞌone; tunebaani beegaaneenaꞌone; ittoshi waayee beetonoo waayoyich qaatitinaꞌone; tunebaani waayeyaaneenaꞌone” iye.

Maatiyoosi 16:28

Iberoon ittoshich gettoye: Hiniich neexee beetinaꞌoochee ikkikkeenaꞌo Ashi Bushoo taateꞌi bi waataa boonoshi beegimmi wottoon, qitaachemminaꞌo beetinaꞌone” iye.

Maatiyoosi 17:20

Yesuusi boonoshich wochiꞌi ishichiye: “Yeeri toommooch mulloon tooꞌiyoo ittoshi qajjitoyichiye. Iberoon ittoshich gettoye: Ittoshi mulloon giishecheenolla Yeeri toommooch ittoshi tooꞌii gaata, hini geppoon ‘Hiniichee tiyiree okk ebiich beshebe’ ittoshi getigaata, beshemmone; ittoshin mawemmi mooyo amolla aalloone.

Maatiyoosi 18:18

“Iberoon ittoshich gettoye: Showoochaa ittoshi cuchiti mooyo shimaayoochaanoo cucheeto tunemmone; showoochaa ittoshi biichiti mooyo shimaayoochaanoo biicheto tunemmone” iye.

Maatiyoosi 18:3

Boonoshichoo ishichiye: “Iberoon ittoshich gettoye, wotto ittoshi qayigaata, gishiishi bushiishoommonoo tuno ittoshi qayigaata, shimaajji taatittineech cir giyaachemmo ittoshine.

Maatiyoosi 19:23

Aree hillooch Yesuusi bi dabbeenaꞌoyich ishichiye: “Iberoon ittoshich gettoye: Gaannechoyich shimaajji taatittineech gimo am shaahe maggoone!

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Maatiyoosi 21:21

Yesuusiyoo wochiꞌi, “Iberoon ittoshich gettoye: Mulloon Yeeri toommooch ittoshi tooꞌiigaata, wotta mulloonoo guttiyoo ittoshi qayigaata, balaasee mixin ta tuniito ikkeeto tuneyaanoon, hini geppoonolla ‘Hiniichee waaxeree baharooch awureebe’ ittoshi getigaata, tunemmone.

Maatiyoosi 21:31

“Gutteenaꞌoochee bi nihoochi wochoon waayeto aabine?” iye. Boonoshiyoo wochiꞌi, “Shiichii bi wochetone” iyeete. Boonoshich Yesuusi ishichiye: “Iberoon ittoshich gettoye: Gabiyee guudeenaꞌonaa yahechinaꞌona Yeerichi taatittineech ittoshiyee shiichiree giyemminaꞌone.

Maatiyoosi 23:36

Iberoon ittoshich gettoye: Ebi bullichi nalloo hini shiijjeroo toommooch kindemmone” iye.

Maatiyoosi 24:2

Tunetaa biyoo wochiꞌi, “Eboshi bullin beeggii beetote? Iberoon ittoshich gettoye: Hini xaqqeenaꞌo happeyaanoon xaqqo xaqqee toommooch keddeeree ebina beetaachemminaꞌone” iye.

Maatiyoosi 24:47

Iberoon ittoshich gettoye: Biich beeto bulli toommooch ukkiriyemmone.

Maatiyoosi 25:12

“Tunetaa woꞌee keno wochiꞌi, ‘Iberoon ittoshich gettoye, ta cir ittoshin ariyaano taane’ iye.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 25:45

“Arooba ‘Iberoon ittoshich gettoye: Bulliyee desho tuneti eboshi daggoochee ikkoyichona ittoshi tuniyee qayo taach tuniyee qayone’ getiree wochemmone.

Maatiyoosi 5:26

Iberoon neech gettoye: Ciireexi duudenona ne qoccemmi wottoon ciroona aroochee keyaachemmo neene” iye.

Maatiyoosi 6:16

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Maatiyoosi 6:2

“Ebich iriteeti ashich ne immaa beegaata, boonoshi maacoon xalloo shaahii beetinaꞌon shaahiyaahine. Boonoshiyoo ashi waanee galletee danoyich Ayihudeenaꞌo kiceebeeti kexonaa gommonoochaa iriteetinaꞌoyich immii beetinaꞌone. Iberoon ittoshich gettoye: Areenaꞌo ashi waanee galletoon danetinaꞌone; Yeer waanee amoonolla daneyaachemminaꞌone.

Maatiyoosi 8:10

Yesuusi ishin waayeꞌi worganehe; biin dabbiibeeti asheenaꞌoyichoo ishichiye: “Iberoon ittoshich gettoye: Ta toommooch ebiyoommi mullee tooꞌiyoon Israꞌeelee showoocheenolla daneyaano taane.

Maariqoosi 10:15

Iberoon ittoshich gettoye: Yeerichi taatittinoon giisheche bushoochoommon deꞌaano arooch cir giyaachemmone” iye.

Maariqoosi 10:29

Yesuusi wochiꞌi ishichiye: “Iberoon ittoshich gettoye: Taannaa ta mishiraachee qaaroonoyicha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito koniyoona beshoon danemmone.

Maariqoosi 11:23

Iberoon ittoshich gettoye: Asho koniyoona mulloon guttiyaanoon bi gettimmi mooyon Yeeri tuniyemmoyich iberiiꞌi, hini geppoon ‘Waaxeree baharee gejjooch awureebe’ bi getigaata, tunemmone.

Maariqoosi 12:43

Aroochee Yesuusi bi dabbeenaꞌon ceeggiꞌi ishichiye: “Iberoon ittoshich gettoye, hini qiicee daggooch gijjoon duppiti meeti asheenaꞌo bulliyee hini girechi xuume ureene beshoon duppeti.

Maariqoosi 13:30

Iberoon ittoshich gettoye: Hini mooyinaꞌo bulli tuneyaanoon hini shiijjeroo besheyaachemmone.

Maariqoosi 14:18

Ikkoochoo koteꞌi maayo giddetaa maa boonoshi beetaa Yesuusi ishichiye: “Iberoon ittoshich gettoye, ittoshi daggoochee ikkoo taan beshiiree immemmone; biyoo and taanna tookkii maa beetone” iye.

Maariqoosi 14:25

Iberoon ittoshich gettoye: Yeerichi taatittineechaa andiroon ta uchemmi aabee wottoon ebiyee damba hini woyinee uyoochee uyaachemmo taane” iye.

Maariqoosi 14:30

Yesuusi “Iberoon neech gettoye: Hanaach xum baakkoo guttaa kuukkaahaa, keejje wottoon taan nookkemmo neene” iye.

Maariqoosi 14:9

Iberoon ittoshich gettoye: Asheenaꞌo hini mishiraachoon boonoshi gettimmi showee toommo aabiichona, biin shalligoyich aree shuuneton wotta gettemminaꞌone” iye.

Maariqoosi 3:28

Iberoon ittoshich gettoye: Asheenaꞌo shuuneebeeti axaaxoonaa boonoshi naageebeeti naago bullina maareyemmone.

Maariqoosi 6:11

Ittoshin iibbiyoo qajjiꞌi, ‘Ittoshi gettii beeton waayeyaache’ ii beeti xaaꞌeexi asheenaꞌoyich, boonoshi toommooch miixoo bi tunemmoyich gommooch keyiree ittoshi baateexi quttoon tebbeechi aroochee keyote” iye.

Maariqoosi 8:12

Ebich Yesuusi bi maacoona ayiniꞌi tiyii, “Hini shiijjeroo malletoon beegoyich bi qaawiibeeto amoyichiye? Iberoon ittoshich gettoye: Hini shiijjeroyich amee malletolla icheyaachemmone” iye.

Maariqoosi 9:1

Yesuusi daakkiꞌi bi dabbeenaꞌonaa bare asheenaꞌonoyich ishichiye: “Iberoon ittoshich gettoye: Hiniich neexee beetinaꞌo daggoochee ikkikkeenaꞌo Yeerichi taatittine ooge hakkoona bi waataa boonoshi beegimmi wottoon qitaachemminaꞌo beetinaꞌone” iye.

Maariqoosi 9:41

Iberoon ittoshich gettoye; Kiristoosicho ittoshi tunetoyich, taacha iꞌi aqqe aacon ittoshich uchimmo bulli wojjoon mucceyaachemmone” iye.

Luqaasi 12:37

Boonoshi doono waahaa, tokketeyaanoon quyeebee danemmi wochee bushiisheenaꞌo diireetinaꞌone. Iberoon ittoshich gettoye: Bi shuunee tahoon taheree madooch boonoshin kotiichi qoomeree maanjemmone.

Luqaasi 13:35

Ebiyoche, ittoshi kexo onoo tuneree echemmone. Ittoshich gettoye: ‘Doono Yeerichi shigoona waabeeto diireebe!’ ittoshi immi wottoon taan cir beegaachemmo ittoshine” iye.

Luqaasi 16:17

Muusichi Sheeroochee ikke giisheche mooyi aalloyee showoonaa shimaayoona bi kotoochee tiyiꞌi aallo kettoone.

Luqaasi 18:17

Iberoon ittoshich gettoye: Yeerichi taatittinoon giisheche bushoochoommon deꞌaano arooch cir giyaachemmone” iye.

Luqaasi 18:29

Yesuusiyoo boonoshich wochiꞌi ishichiye, “Iberoon ittoshich gettoye: Yeerichi taatittineyicha iꞌi bi kexon woyee bi mecheen woyee bi maneenaꞌon woyee bi nihoonaa bi indeenon woyee bi bushiishoon qajjito koniyoona, beshoon danemmone;

Luqaasi 23:43

Yesuusiyoo wochiꞌi, “Neech iberoon gettoye, hanaach yannetooch giyiree taanna tookki kotemmo neene” iye.

Luqaasi 4:24

Yesuusi daakkiꞌi ishichiye, “Iberoon ittoshich gettoye: Amoommo tunetaa keemechochi yibbaatoon bi hajjee showee asheenaꞌo waayeyaacheete.

Yowannisi 1:51

“Iberoon ittoshich gettoye: Shimaayoo qecheetaa, Yeerichi maraakeenaꞌo Ashi Bushoo toommooch keyi kindi boonoshi beetaa, beeggemmo ittoshine” iye.

Yowannisi 10:1

“Iberoon ittoshich gettoye: Bageenaꞌochi maggooch kelloona giyaano, bare gommona capphiꞌi giyimmo, aroo gaayoonaa bokkoonane.

Yowannisi 10:7

Ebich Yesuusi daakkiꞌi boonoshich ishichiye, “Iberoon ittoshich gettoye: Ta, bageenaꞌochi kello taane.

Yowannisi 12:24

Iberoon ittoshich gettoye: Ikke teepphee aafe showooch hollaꞌa bi qitaan gaata, bi ikkeeti echemmine; tunetaa bi qitigaata, wodde aafoon aafemmine.

Yowannisi 13:16

Iberoon ittoshich gettoye: Guuno bi doonoyee beshaanoone; wocheetoo biin wochetoyee beshaanoone.

Yowannisi 13:38

Yesuusiyoo wochiꞌi ishichiye: “Iberoon taacha getiree qitenne? Iberoon neech gettoye: Keejje wottoon taan nookkeyaan ne beetaa, hanaach baakkoo kuuhaachemmone” iye.

Yowannisi 14:12

Iberoon ittoshich gettoye: Bi mulloon ta toommooch tooꞌiimmo ta shuunaabeeti shuunoon aroo wotta shuunemmone; ta, Nihoo Yeer waan hammaa ta beetoyich ebiyee beshe shuunoonolla shuunemmone.

Yowannisi 16:20

Iberoon ittoshich gettoye: Eeppemmo ittoshine; muushenemmo ittoshine; tunebaani alemo oogichi emiremmone. Ittoshi muushenemmo ittoshine; tunebaani ittoshi muusheno emirooch shaddeyemmone.

Yowannisi 16:23

Arooba amoonolla taan echeyaachemmo ittoshine. Iberoon ittoshich gettoye: Nihoo Yeeri ta shigoona ittoshi qollemmo bullin ittoshich immemmone.

Yowannisi 21:18

Iberoon neech gettoye: Gurimaashoo ne beehooba, ne kishoona tahaꞌa ne shunnemmooch hammaa beehine. Tunebaani ne geenehooba, ne kishoon yaggemmo neene; baroo neech tajjemmone; ne shunaanooch neen daammemmone” iye.

Yowannisi 3:11

Iberoon neech gettoye: No arii beeton gettehone; no beeggeton miixehone; tunebaani no miixeton iberiyaachote.

Yowannisi 3:3

Yesuusiyoo wochiꞌi, “Iberoon neech gettoye: Koniyoona bi tunetaa, guttinnoon bi shiijjo qayigaata, Yeerichi taatittineen beegon hakkaachemmone” iye.

Yowannisi 3:5

Yesuusiyoo wochiꞌi ishichiye: “Iberoon neech gettoye: Koniyoona bi tunetaa, aaconaa Ayaanoonoochee shiijjo bi qayigaata, Yeerichi taatittineech gimon hakkaachemmone.

Yowannisi 5:19

Ebich Yesuusi wochiꞌi boonoshich ishichiye, “Iberoon ittoshich gettoye: Nihoo Yeeri tuniibeeto bullin bi Bushoo wotta biichoommon tunii beetone; ebich Nihoo Yeeri tuniitaa bi beeggitonalli, Bushoo bi qelloona amoonolla shuunoon hakkaache.

Yowannisi 6:26

Yesuusi wochiꞌi ishichiye: “Iberoon ittoshich gettoye: Taan ittoshi qaawiibeeto, koshon maaꞌi ittoshi michitoyichalli, malletoon ittoshi beeggitoyich toonoone.

Yowannisi 6:32

Yesuusiyoo “Iberoon ittoshich gettoye: Shimaayoochee ittoshich koshon immito, Muusi toonoone; tunebaani shimaayoochee ibere koshon ittoshich immiibeeto Yeeri ta Nihoone.

Yowannisi 6:47

Iberoon ittoshich gettoye: Bi mulloon ta toommooch tooꞌiibeeto, bulli yemeenee kashechone.

Yowannisi 6:53

Ebich Yesuusi boonoshich ishichiye, “Iberoon ittoshich gettoye: Ashi Bushoo meenon ittoshi mamo qayigaata, bi damoonoo ittoshi uyo qayigaata, ittoshi qelloona kasho ittoshich aalloone.

Yowannisi 8:34

Yesuusi ishichiꞌi boonoshich wochiye, “Iberoon ittoshich gettoye: Axaaxoon shuuneebeeto bulli axaaxee guunone.

Yowannisi 8:51

Iberoon ittoshich gettoye: Ta gettaa beeton ceechiibeeto koniyoona bi beegaata, cir qitaachemmone” iye.

Yowannisi 8:58

Yesuusiyoo “Iberoon ittoshich gettoye: Abrahami shiijjoyee aaf, ta beeto taane” iye.

1 Pheexiroosi 1:25

Tunetaa Doono Yeerichi qaaro bulli yemeenoon beetone.” Ittoshichoo mishiraachee qaaroochaa getteeti wocho ebine.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.