Maatiyoosi 5:12 - Kafa Linguistics Project

¹² Yeeri ooge wojjoon shimaayoochaa ittoshich immemmo bi tunetoyich, emiribote; emiroona wucwucote. Ittoshiyee aaf beeti keemechinaꞌon ebiyoommon duꞌiitinaꞌone” iye.

Maatiyoosi 5:12 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

1 Taateenaꞌo 18:13

Ta doonocho, Elizabeeli Doono Yeerichi keemechinaꞌon bi wuxiihooba, amoon ta tuniito gaata waayeyaano neene? Doono Yeerichi keemechi balle asheenaꞌon daammaꞌa, aachi aachoon gutte xaqqee gofooch aachaachaa, koshonaa aaconon boonoshich immehoye.

1 Taateenaꞌo 18:4

Elizabeeli Doono Yeerichi keemechinaꞌon bi wuxiihooba, Abidiyi keemechi balle asheenaꞌon daammiꞌi, aachi aachoon gutte xaqqee gofooch aachiichii, koshonaa aaconon immii beehe.

1 Taateenaꞌo 19:2

Elizabeeliyoo, “Ebi keemechinaꞌo toommooch ne tuniitoommon, yaach ebi goora ne toommooch tuniyoo ta qayigaata, nuggisheenaꞌo ta toommooch ebin tuniibeete; ebinoo daakkibeete” iyaꞌa Eliyaas waan wocheyechon daachiihan.

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

2 Taateenaꞌo 1:9

Aroochee taatoo aache ginee iraashoon aache bi ginee naayinaꞌona tookkii Eliyaas waan daachiihe. Aache ginee iraashoo Eliyaasi koteꞌi beeti geppee toommooch kechiꞌi biich, “Yeer ashoocho, neen taatoo, ‘Waa kindibe’ itone” iye.

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

2 Kiinoo 36:16

Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 19:11

Ne guuno aroona guyeehe; boonoshin bi quyoonoo oogichii gaachehe.

Shoddo 58:11

Ebiyooba asheenaꞌo “Iberoochaa cadiqe ashich bi shuunee gatiyoo beetone; showee toommooch nallechi Nuggishoo beetone” gettemminaꞌone.

Shaahiyoo 11:18

Gonde asho daneebeeti mooyo gaacaalloone; tunebaani deꞌe mooyon tuniibeeto, gaawe gatiyoon danehe.

Isiyaasi 3:10

Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 26:8

Erimiyaasiyoo asho bullich bi gettemmoyich Doono Yeeri biich gettiton bi ciichiyee, qeesheenaꞌo, keemechinaꞌonaa asho bullina biin yechiꞌi, “Qitemmo neene.

Erimiyaasi 37:14

Erimiyaasiyoo “Ebi kootoone; Baabloonee showooch aallaa hammaa toonoone ta beeto” iye. Tunebaani Iriyaahi biichon waayemmon qajjiye; Erimiyaasin yechiꞌi iraasheenaꞌo waan deebiye.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 6:16

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Luqaasi 6:23

“Ebiyee aaf boonoshi qaabbechinaꞌo ebiyoommon keemechinaꞌon duꞌiitinaꞌone; ebich ooge wojjoon shimaayoochaa Yeeri ittoshich immemmo bi tunetoyich, ittoshin boonoshi duꞌiimmi aabooba emiroona wucwucote; caphebote.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Mishiraachechinaꞌo 16:25

Tunetaa xumee gutte qellimooch Phawuloosinaa Sillaasina corootiibee shoddoona Yeerin galletee beeheete; arooch beeti qoppeenaꞌoo ellee beeheete.

Mishiraachechinaꞌo 5:41

Ebich mishiraachechinaꞌo Yesuusichi shigoyich hoxeyoyich bedditinaꞌo tuneꞌi boonoshi haddeetoyich emiriibee Ayihudee nallechinaꞌo aafoochee kechiyeete.

Roomi 5:3

Tunebaani ebi ikkeetona baach toonoone; iritoo haaꞌiyoon, haaꞌiyoo qocee gaawoon, qocee gaawoo gibenoon immemmo bi tunoon ariibee, no iritoonoo wotta geeciyone.

1 Qorontoosi 3:8

Yaroon shookkitonaa aacon kittii uchitona ikkeenaꞌone. Yeeri boonoshi qelli qelloona boonoshi shuunetoommon boonoshich wojjemmone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Qolaasiyaasi 1:24

Andoo ittoshi naboyich ta toommooch shaggiti iritoyich emiriyoye; ebiyoo Kiristoosichi ashittino tuneti kittinnee guuphochi naboyichiye; Kiristoosi xuuxetoommon bi shuunee naboona ta toommooch shaggiibeeti xuuxoon haaꞌiibee bi xuuxoon ceechiibeeto taane.

Qolaasiyaasi 3:24

Doono Yeeri ittoshich bi qanniiti shuunee gaacee iristoon danemmo ittoshi tunoon ariibeeto ittoshine; ittoshi maddeebeeto Doono Kiristoosichiye.

1 Tasaloonqi 2:15

Ebi are Ayihudeenaꞌo Doono Yesuusin, keemechinaꞌonoo wuxitinaꞌone; noonoo duꞌiitinaꞌone; Yeerinoo emirikkiton shuuneyaaneenaꞌone; wotta asho bullin shixxii beetinaꞌone.

Hibireena'o 10:34

Qoppeenaꞌoyich ariqqehote; bulli yemeenoon beeyemmi beshe gaanno ittoshich beemon ariiꞌi, ittoshi hajjito bullin bareenaꞌo bogaa cikkii emiroona ciinniyote.

Hibireena'o 11:33

Ebi asheenaꞌo mulloon Yeeri toommooch boonoshi tooꞌitoyich, taatee showeenaꞌon kochii wochiyeete; dayinnetoona qeejjiyeete; Yeeri boonoshich gibenikkiti mooyon daneheete; daahereenaꞌochi gaakkoon hicciyeete;

Hibireena'o 11:6

Asho koniyoona mulloon Yeeri toommooch tooꞌiyaanoon Yeerin emirikkoon hakkaache; Yeer waan giddeebeeti asho Yeeri beemon, biin qaawii beetinaꞌoyichoo bi wojjoon wojjiibeeto bi tunoon iberiyoo biich qaawiihe.

Yaaqobi 1:2

Ta maneenaꞌote! Baribare iritoo ittoshi toommooch bi shagiyooba, Kiristoosi toommooch mulloon tooꞌiyoona ittoshi manjoo haaꞌiyoon immiibeeto bi tunoon ariiree, ebiyoommi iritoon ceeni emiroommon shaahiree ciinote.

Yaaqobi 5:10

Ta maneenaꞌote! Doono Yeerichi wochoon gettiti keemechinaꞌon shalligibote. Boonoshiyoo xuuxoon haaꞌiyoona nooch shaahiyoon tunetinaꞌone.

1 Pheexiroosi 4:13

Tunebaani bi oogee yiiroo gaxxeehooba oogichi ittoshi emiremmoyich, and kiristoosichi xuuxee qoodeyecho ittoshi tunetoyich emiribote.

Ruuti 2:12

Ebi ne tuniiti deꞌe mooyoyich Yeeri neech deebe; bi quyoon qaawaꞌa bi qoshee dechiich ne giyeti, Israꞌeelee Nuggishoo Doono Yeeri gaawe mooyon neech ceenoona imbe” iye.