Maatiyoosi 5:11 - Kafa Linguistics Project

¹¹ “Ta naboyich ittoshin boonoshi naageteenoo, boonoshi duꞌiiteenoo, gonde mooyon ittoshi toommooch koottiꞌi boonoshi yibbaateteenoo diireeto ittoshine.

Maatiyoosi 5:11 ပူးပေါင်းရင်းမြစ်များ

Shoddo 35:11

Gonde asheenaꞌo ta toommooch miixeheete; ta ariyaani mooyon taan echeheete.

Shoddo 44:22

Ne naboyich qemi qemona noon wuxii beeheete; guureyemmi bagoon shaahiiꞌi noon haddiyeete.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Erimiyaasi 37:14

Erimiyaasiyoo “Ebi kootoone; Baabloonee showooch aallaa hammaa toonoone ta beeto” iye. Tunebaani Iriyaahi biichon waayemmon qajjiye; Erimiyaasin yechiꞌi iraasheenaꞌo waan deebiye.

Maatiyoosi 10:18

Ta naboyich iraasheenaꞌonaa taateenaꞌonochi aafooch ittoshin neechemminaꞌone; ebi bi tunemmo boonoshinaa Aageteenaꞌonoyich miixoo ittoshi tunemmoyichiye.

Maatiyoosi 10:22

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone.

Maatiyoosi 10:25

Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.

Maatiyoosi 10:39

Bi kasheen wodiyoyich qaawiibeeto muccemmone; tunebaani bi kasheen taacha iꞌi mucceebeeto, danemmone” iye.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 24:9

“Arooba ittoshin xuuxiyemminaꞌoyich beshiiree immemminaꞌone; wuxemminaꞌone; ta naboyich aageteenaꞌo bulli ittoshin shixxemminaꞌone.

Maatiyoosi 27:39

Aroona besheebeeti gommechinaꞌo boonoshi qelloon shuurikkiibee Yesuusin naageheete.

Maariqoosi 13:13

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone” iye.

Maariqoosi 13:9

“Illa ittoshi qelloon quyebote; nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ta miixoo ittoshi tunemmoyich ta naboyich iraasheenaꞌonaa taateenaꞌonochi aafooch neexemmo ittoshine.

Maariqoosi 4:17

Tunetaa cammon yeshaaneenaꞌo boonoshi tunetoyich yagaachemminaꞌone; Yeerichi qaaree naboona iritoo woyee duꞌo waahooba bekkech giinnii dihechinaꞌone.

Luqaasi 21:12

“Tunebaani ebi bulliyee shiichiree, ta naboyich ittoshin yechemminaꞌone; duuꞌiyemminaꞌone; Ayihudeenaꞌo kiceebeeti kechi nallechinaꞌoyich ittoshin beshiiree immemminaꞌone; boonoshiyoo ittoshin cuchiyemminaꞌone; taateenaꞌonaa iraasheenaꞌonochi aafoochoo ittoshin neechemminaꞌone.

Luqaasi 21:17

Asheenaꞌo bulli ta naboyich ittoshin shixxemminaꞌone.

Luqaasi 6:22

Asheenaꞌo Ashi Bushoo naboyich ittoshin shixxiteenoo, boonoshi shiqqiiteenoo, boonoshi naaggiteenoo, ittoshi shigoon tiijjoo ciigeꞌi boonoshi sheeneteenoo, diireeto ittoshine.

Yowannisi 15:21

Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Yowannisi 9:28

Boonoshiyoo biin naaggiibee, “Ne bi dabboo neene; tunetaa no Muusichi dabboo noone.

Mishiraachechinaꞌo 9:16

taachon miixeya ambiche xuuxoon bi beeggemmo gaata ta biich bekkiyemmo taane” iye.

Roomi 8:36

Ebiyoo, “Ne naboyich heeyi xumoon wuxee miichoon no toommooch miicheheete; guureyemmi bagoon shaahiiꞌi noon haddiyeete” getaa bi kooreetoommoniye.

1 Qorontoosi 4:10

Kiristoosicha iyaꞌa tuushoo no tunetaa, ittoshi Kiristoosina mullecho tunehote; no niretaa, ittoshi kupphehote; no hoxeetaa, ittoshi naadeehote.

2 Qorontoosi 4:11

Yesuusichi kashee giidoo wotta qitemmi no ashittinoochaa bi bekkemmoyich, kashechi no, Yesuusichi naboona bulli aaboon qitooch beshiitaa ichaabeeto noone.

1 Pheexiroosi 2:23

biin naaggii boonoshi beehooba, wochiꞌi naagaanoone; biin boonoshi xuuxii beehooba, miicheyaanoone; tunebaani cadiqoona nalliibeeti Yeerich bi qelloon beshiiꞌi immiye.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

Yaaꞌoo 2:3

Haaꞌiito neene; ta naboyicha getona duꞌeto neene; ebi bullina taahaano neene.