Maatiyoosi 4:4 - Kafa Linguistics Project

⁴ Yesuusiyoo wochiꞌi, “ ‘Asho Yeerichi noonoochee kechiibeeti qaaro bullinalli, kosho ikkeetona kashoona beetaachemmone’ getaa Yaafe Macaafooch kooreetone” iye.

Maatiyoosi 4:4 ပူးပေါင်းရင်းမြစ်များ

Keyo 16:15

Israꞌeeleenaꞌo ebin boonoshi beeggiyooba, amo gaata bi tunoon boonoshi tuushitoyich, boonoshinaa boonoshina “Hini amoone?” iyeete. Muusiyoo boonoshich ishichiye: “Ebi ittoshi maayemmoyich Doono Yeeri immiti koshone.

Keyo 16:35

Israꞌeeleenaꞌo boonoshi beeyemmi showoo Kanaan boonoshi giyimmi wottoon, aabbe naton mannoon maaheete.

Keyo 16:8

Muusiyoo daakkiꞌi, “Bi toommooch ittoshi guruuxoon bi waayetoyich, xum ittoshi maayemmi meenon, maaddoona ittoshi qettee wottoon ittoshi maayemmi koshon ittoshich immemmo Doono Yeeriyani no amo noone? No toommooch ittoshi guruuxito, Doono Yeeri toommooch guruuxoone” iye.

Keyo 23:15

Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch maacheeti baaree aabooba, shabaatte qemon shittoo giyaani koshon mame. “Koniyoona shokke kishoon ta aafooch giddaaye.

Maatiyoosi 15:11

Ashoon eeꞌiibeeto kookkoona giyiibeeti maayo toonoone; tunetaa ashoon eeꞌiibeeto ashi noonoochee kechiibeeti mooyone” iye.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maatiyoosi 4:7

Yesuusiyoo “Wotta ‘Asho bulli “Eke, Doono Yeeri taan bi wodiyoon beegona” getiree gondoon shuunaaye’ getaa Yaafe Macaafooch kooreetone” iye.

Maariqoosi 7:20

Wotta Yesuusi ishichiye: “Ashoon eeꞌiibeeto ashi mulloochee kechiibeeti mooyone.

Luqaasi 4:12

Yesuusiyoo wochiꞌi, “ ‘ “Eke Nuggishoo Doono Yeeri taan bi wodiyoon beegona” getiree gondoon shuunaaye’ getaa kooreetone” iye.

Luqaasi 4:4

Yesuusiyoo wochiꞌi, “ ‘Asho kosho ikkeetona kashoona beetaachemmone’ getaa Yaafe Macaafooch kooreetone” iye.

Luqaasi 4:8

Arooba Yesuusi wochiꞌi, “ ‘Ne Nuggishoo Doono Yeerich goyinnebe; biich baach maddebe’ gettaa Yaafe Macaafooch kooreetone” iye.

Yowannisi 15:26

“Nihoo Yeer waanee ittoshich ta deejjemmi Kupphiyecho, iberoon bekkiibeeti Ayaano, Nihoo Yeer waanee kechiꞌi bi waahooba, aroo taachon miixemmone.

Yowannisi 6:63

Kashoon immiibeeto Yeerichi Ayaanoone; ashi giidoo amoonolla hallaache. Ta ittoshich getteti qaaro ayaanoonaa kashoonane.

Roomi 15:4

Yaafe Macaafoochee no danaabeeti haaꞌiyoonaa goggoona gibeno nooch bi beeyemmoyich, shiichiꞌi Yaafe Macaafooch kooreeto bulli nooch dojjiya kooreetone.

Efesooni 6:17

Yeeri immiibeeti wodiyoon xuuree ukoochoommon ukebote. Yaafe Ayaano immiibeeti goraadoonoo yeshote; aroo Yeerichi qaaroone.

Yibbaatoo 8:3

Asho Doono Yeerichi noonoochee kechiibeeti mooyo bullinalli kosho ikkeetona baach kashoona beetaachemmo bi tunoon neech arichiyoyich, neen shaaciyoona biich deꞌa ne gettemmoyich tuniihe; newoo tuneb ne qaabbechinaꞌo maa ariyaani mannoon neech maanjiye.