Maatiyoosi 4:3 - Kafa Linguistics Project

³ Arooba daabiloosi giddeꞌi, “Yeerichi Bushoo ne gaata, hini xaqqeenaꞌon ‘Koshon tunebote’ gete” iye.

Maatiyoosi 4:3 ပူးပေါင်းရင်းမြစ်များ

Keyo 16:3

ishichiyeete: “Doono Yeeri Gibitsaa noon abo wuxishoo geta! Aroochaa meeno tuneba amee maayoonolla, no qettee wottoon maabeeto noone. Tunebaani hini barahooch noon ittoshi deebito, ebi shaahe iitoo shaacoona ciirebe iꞌiniye” iyeete.

Maatiyoosi 14:33

Markabee toommooch beetinaꞌo “Iberoon Yeerichi Bushoo neene” iꞌi Yesuusich yittii goyinneheete.

Maatiyoosi 16:16

Simoon Pheexiroosi tiyiꞌi, “Ne Kiristoosi, beeyechi Yeerichi Bushoo neene” iye.

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Maariqoosi 1:1

Yeerichi Bushoo Yesuus Kiristoosichon miixeebeeti mishiraachee qaaro hinine.

Maariqoosi 3:11

Wotta yinneenaꞌo biin ciinniꞌi bi aafooch guufeechii, “Ne Yeerichi Bushoo neene!” iibee cookiyeete.

Maariqoosi 5:7

Arooba Yesuusi “Hini yinnoocho, uro toommoochee tibe” iye. Ebich uro oogichii cookiꞌi, “Beshe Nuggishoo Yeerichi Bushoo Yesuuso, ta mooyooch neen amo geddiye? ‘Taan yulliyaahine’ iyaꞌa Yeerina neen yecheto taane” iye.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 22:70

Bi ishichimmona boonoshi bulli tiyiꞌi, “Ishigaata, ne Yeerichi Bushoo neene?” iꞌi echeheete. Biyoo “Ta tunoon gettito ittoshine” iye.

Luqaasi 4:3

Arooba Yesuusin daabiloosi “Yeerichi Bushoo ne gaata, eke hini xaqqoon ‘Kosho tunebe’ getiree tuniibe” iye.

Luqaasi 4:41

Yinneenaꞌoo wotta “Ne Yeerichi Bushoo neene” iꞌi cookiibee asheenaꞌo toommoochee tiyiyeete. Yesuusiyoo hini are yinneenaꞌon noggehe; Kiristoosi bi tunoon arii beetinaꞌo boonoshi tunetoyich, amoonolla boonoshi yibbaatemmoyich daaggaanoone.

Luqaasi 4:9

Ebiyee gubb, daabiloosi Yesuusin Yerusaalem daammii, Yeerichi yaafee kechi guummooch kichii neechiꞌi ishichiye: “ ‘Yeeri neen boonoshi quyemmoyich bi maraakeenaꞌon neecha getiree deejjemmone; ne baatoon xaqqo bi yexaachemmoyich boonoshi kishoona neen tiijjemminaꞌone’ getaa Yaafe Macaafooch kooreetone; ebich Yeerichi Bushoo ne gaata, eke hiniichee dugilla awureeree kindibe” iye.

Yowannisi 1:34

Tawoo ebin ta aafoona beeggeto taane; biyoo Yeerichi Bushoo bi tunoon miixeto taane” iye.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 9:35

Yesuusiyoo uroon Ayihudeenaꞌo kiceebeeti kexoochee boonoshi kichoon waayehe. Biin daneꞌi, “Ashi Bushoo toommooch ne mulloon tooꞌiyenne?” iꞌi echehe.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

2 Qorontoosi 1:19

No, ebi geto Sillaasinaa taanna, Ximootiyoosiyoo, ittoshi daggooch no beehooba, Yeerichi Bushoo Yesuus Kiristoosichon ittoshich no getteto eeha ii beeti qaaroonalli, eeha iichii, wotta toonoone ii beeti gutte heciyoona toonoone.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

1 Tasaloonqi 3:5

Ebich wotta haaꞌiyoo taach hakkeyoo bi qajjitoyich, “Daabiloosi diqqich ittoshin dawushi dichi beeyemmone; no aayo duubo tuno qayaache” iyaꞌa Kiristoosi toommooch ittoshich beeti mullee tooꞌiyoona am shaahoon ittoshi manjito gaata ariyoyich wochaa daachiito taane.

Hibireena'o 12:16

ittoshi daggooch yahiibeeti asho bi daneyaachemmoyich woyee ikke wottoon bi maayemmi maayoyicha iꞌi bi qaabbittinoon kemmiti Esayichoommon, yaafe mooyinaꞌon qallayemmi asho bi daneyaachemmoyich, ittoshi qelloon ariibot!

Hibireena'o 4:14

Illa shimaayoon besheꞌi Yeer waan giyiti, bulliyee beshiti qeeshee guudo, Yeerichi Bushoo Yesuusi nooch bi beetoyich, no miixeti gibenoon manjiiree yeshone.

Hibireena'o 7:3

Meleekitsedeqichi nihoonaa indeenocho, bi shiijjee yoodoochoo kooreeti mooyo aalloone; bi shiijjeti aaboonaa bi qititi aaboonon gettiibeeti mooyo kooreyaanoone; tunebaani Yeerichi Bushoona shaahiitaa bulli yemeenoon qeeshoo tuneree beeyemmone.

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.