Maatiyoosi 4:23 - Kafa Linguistics Project

²³ Ebiyee gubb, Yesuusi Ayihudeenaꞌo kiceebeeti kexoochaa dojjiibee, Yeerichi taatittinee mishiraachee qaaroon gettiibee, biiyo bulliichee asheenaꞌon wodiibee, Galiilee showoo bullina guuddii beehe.

Maatiyoosi 4:23 ပူးပေါင်းရင်းမြစ်များ

Shoddo 103:3

Ne axaaxoo bullin maariibeeto ne biiyo bullin wodiibeeto,

Shoddo 74:8

Boonoshi mulloona, “Boonoshin neexi hajjemmo noone” iyeete; showee toommeexi yaafe xaaꞌoo bullin michiyeete.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 12:9

Yesuusi aroochee besheꞌi Ayihudeenaꞌo kiceebeeti kexooch giyiye.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Maatiyoosi 13:54

Bi dicciti showooch waaꞌi asheenaꞌo worganemmi wottoon Ayihudeenaꞌo kiceebeeti kexoochaa asheenaꞌoyich dojjiye. Boonoshiyoo ishichiyeete: “Hini uro ebi ariyoonaa gaakkechi shuunee shuunoonon amoochee danehe?

Maatiyoosi 14:14

Yesuusi markabeechee kindiibee dofee asheenaꞌon beeggiꞌi bi maacoona ayiniye. Boonoshi daggooch beeti biiyechinaꞌon wodiihe.

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Maatiyoosi 9:35

Ebiyee gubb, Yesuusi Ayihudeenaꞌo kiceebeeti kexoochaa dojjiibee, Yeerichi taatittinee mishiraachee qaaroon gettiibee, asheenaꞌo toommooch beeti biiyo bullin wodiibee, katemoonaa gafoo bullinooch guuddii beehe.

Maariqoosi 1:14

Yowannisi yeshaa cucheetoyee gubb, Yesuusi Yeerichi mishiraachee qaaroon gettiibee, “Yemeeno katinnitone; Yeerichi taatittine ittoshi kellooch shaggetine; ebich ittoshi axaaxee gommoochee Yeer waan wotteree, Yeerichi wocho tuneti mishiraachee qaaroon iberiibote” iibee Galiilee showooch waahe.

Maariqoosi 1:21

Yesuusinaa biin dabbii beetinaꞌona Qifirinaahi katemooch shaggiyeete. Aroyee gubb shambetoo shagaa, Yesuusi Ayihudeenaꞌo kiceebeeti kexooch giyiꞌi dojjiye.

Maariqoosi 1:39

Aroyee gubb Ayihudeenaꞌo kiceebeeti kexooch Yeerichi qaaroon gettiibee, yinnoon ashi toommoochee yookkiibee Galiilee showoo bulliich beddiye.

Maariqoosi 6:2

Shambetoo shagaa, Yesuusi boonoshi kiceebeeti kexooch giyiꞌi asheenaꞌon dojjooch giyiye. Bi dojjiton meeti asheenaꞌo waayeꞌi worganeebee, “Hini uro ebi mooyon amoochee danehe? Biich icheeti ariyoo amoommone? Beeggaa no ariyaani gaakkechi shuunoon aabichiꞌiniye bi shuuneebeeto?

Maariqoosi 6:6

Bi toommooch mulloon tooꞌiyoo boonoshi qajjitoyich worganehe. Ebiyee gubb, Yesuusi gafee toommona guuddiꞌi asheenaꞌoyich dojjii beehe.

Luqaasi 10:9

are katemooch beeti biiyechinaꞌon wodiibote; arooch beeti asheenaꞌoyichoo ‘Yeerichi taatittine ittoshi kellooch shaggetine’ getote.

Luqaasi 13:10

Shambetooba Ayihudeenaꞌo kiceebeeti kexinaꞌoochee ikkoochaa Yesuusi boonoshich dojjii beehe.

Luqaasi 16:16

“Muusichi Sheeroonaa keemechinaꞌochi macaafeenaꞌona Aacona Afaallechi Yowannisi yemeenooch beddaahaa gettee beeheete. Aroochee tiijjiꞌi ikka getaa Yeerichi taatittinee mishiraachee qaaro gettee beetone; asho bulliyoo Yeerichi taatittineech giya qiiccee beetone.

Luqaasi 20:1

Ikke areddoon Yesuusi yaafee kexooch giyiꞌi dofee asheenaꞌoyich dojjiibee Yeerichi mishiraachee qaaroon gettii bi beetaa, qeeshee ukkireenaꞌonaa Muusichi Sheeree dojjechinaꞌona showee geeneenaꞌona tookkii bi waan giddeꞌi,

Luqaasi 4:14

Yesuusiyoo Yaafe Ayaano immiti giidoona Galiilee showooch wottee hammiye. Bi shigo are showoo bulliich waayeehe.

Luqaasi 5:17

Ikke areddoon, Yesuusi asheenaꞌoyich dojjii bi beetaa, Galiilee showoonaa Yihudee showoonooch beeti gafeenaꞌo bulliichee, wotta Yerusaalemeenoo waati Fariseenaꞌonaa Muusichi Sheeree dojjechinaꞌona arooch kotee beeheete. Yesuusi biiyechinaꞌon bi wodiyemmi Doonochi giidoo bi toommooch beetone.

Luqaasi 6:17

Yesuusi aaraa gutte bi dabbeenaꞌona tookkii geppoochee kindiꞌi naqqe xaaꞌooch neexehe; arooch biin dabbiibeeti bare dofee asheenaꞌo beeheete; wotta bi waanee waayoonaa boonoshi biiyoochee wodoonoyich Yihudee showoo bulliichee, Yerusaalemee, baharee gaꞌooch beeti Xiroosinaa Sidooninoochee waati dofee asheenaꞌo beeheete.

Luqaasi 6:6

Bare shambetooba wotta Yesuusi Ayihudeenaꞌo kiceebeeti kexooch giyiꞌi asheenaꞌoyich dojjiye. Aroochoo qanne kishoo qometi uro beehe.

Luqaasi 7:21

Arooba Yesuusi meeti asheenaꞌon iritiibeeti biiyoonaa naxo bullinoochee wodiihe; yinneenaꞌonoo meetinaꞌo toommoochee yookkiye; meeti aaf doogeenaꞌo aafoonoo ciichiihe.

Luqaasi 7:22

Yesuusi are wocheetinaꞌoyich wochiꞌi, “Hamiree ittoshi beeggiton, ittoshi waayetonoo Yowannisich getote. Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Luqaasi 8:1

Aroyee gubb Yesuusi Yeerichi taatittinee mishiraachoon gettiibee, awaajjiibeenoo, katemoonaa gafoo bullinooch guuddii beehe; aaraa gutte bi dabbeenaꞌo biinna tookkii guuddii beeheete.

Luqaasi 9:11

Tunetaa dofee asheenaꞌo ebin ariiꞌi biin dabbiyeete; bi waan giddiiꞌi Yeerichi taatittineechon boonoshich gettiye; biiyoona iritee beetinaꞌonoo wodiihe.

Luqaasi 9:60

Yesuusi wochiꞌi, “Qiteenaꞌo qititi boonoshi asheenaꞌon duuheete; tunetaa ne Yeerichi taatittineechon ashich hamiree gete” iye.

Yowannisi 18:20

Yesuusiyoo wochiꞌi, “Asheenaꞌo bullich kaacha getteto taane; Ayihudeenaꞌo kiceebeeti kexonaa boonoshi bulli ikkooch kiceebeeti yaafee kexonoochaa bulli aaboon dojjito taane; aashoona gettaa ariyaano taane.

Yowannisi 6:59

Ebin bi dojjito, Qifirinaaha beeti Ayihudeenaꞌo kiceebeeti kexoochaanane.

Yowannisi 7:1

Ebiyee gubb, Yesuusi Ayihudee ukkireenaꞌo biin wuxiya boonoshi qaawii beetoyich, Yihudee showoona shaꞌoon shunaanoone; ebich Galiilee showoona shaꞌee beehe.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 18:4

Shambeti shambetooba Ayihudeenaꞌo kiceebeeti kexooch giyiꞌi, boonoshina tookkii yibbaatee beehe; arooch beeti Ayihudeenaꞌonaa Giriikeenaꞌona bi yibbaateebeeti mooyo iberoo bi tunoon boonoshi iberiyemmoyich qiiccee beehe.

Mishiraachechinaꞌo 20:25

“Ta ittoshi bulli daggooch guuddaabee, Yeerichi taatittineechon dojjito taane; ebiyee gubb illa ta aafoon beegaachemmo ittoshi tunoon ariibeeto taane.

Mishiraachechinaꞌo 28:31

Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.

Roomi 10:15

Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone” getaa bi kooreetoommoniye.