Maatiyoosi 4:1 - Kafa Linguistics Project

¹ Yesuusi aacona bi afaalleetoyee gubb, daabiloosi Yesuusin gondoon shuuniiya bi qiiccemmoyich, Yaafe Ayaano barahooch biin daammiye.

Maatiyoosi 4:1 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

2 Taateenaꞌo 2:16

Boonoshiyoo biich, “Ebiyoche, aache kupphe asho ne guuno noonna tookkii hiniich beetone. Diqqich Doono Yeerichi Ayaano ne doonon daammii, guudi toommooch woyee bambooch dufi beeyemmone. Eke hamiree boonoshi qaawemmoyich ne daaggemmoyich neen qollehone” iyeete. Biyoo boonoshich, “Daachiyaahote” iye.

Hiziqeeli 11:1

Ayaano kaama taan tiijjiye; aroochee Doono Yeerichi yaafee kechi aabi-keyo waani kellooch taan deebiye; tawoo uxeree kellooch beeti hiyaa uuche asheenaꞌon beeggeho; boonoshi daggoochoo macceenaꞌochi ukkireenaꞌo tuneti Azuurichi bushoo Yazaniyinaa Beenayichi bushoo Felaaxiyina beemon beeggeho.

Hiziqeeli 11:24

Ebi taach bekketi yaaꞌoona Yeerichi Ayaano taan kaama tiijjiꞌi Baabloonee showooch beeti keceenaꞌo waan deebiye. Aroochee ta beeggeti yaaꞌoo ta waanee kuxehe.

Hiziqeeli 3:12

Aroochee Yeerichi Ayaano kaama taan tiijjiye; ta gubbaanoo “Doono Yeerichi oogo bi xaaꞌoochaa diireebe” iibee gigeebeeti qaaroon waayeho.

Hiziqeeli 3:14

Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.

Hiziqeeli 40:2

Yeerichi yaaꞌoona Israꞌeelee showooch deebiꞌi, ooge guudi toommooch taan kotiihe; aroochoo meeti kexinaꞌo shuuneeti katemoommi mooyon deshi-waanee ciinneho.

Hiziqeeli 43:5

Areegaata Ayaano taan tiijjii maaci addibaabooch daammiye; Doono Yeerichi oogee yiiroo yaafee kexooch ceennitone.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Yowannisi 14:30

Hini alemoon hajjiibeeti taatoo waabeeto bi tunetoyich, ebiyee gubb, ittoshina tookki woddii yibbaateyaachemmo taane. Tunetaa aroo taan hajjoon hakkaachemmone.

Mishiraachechinaꞌo 8:39

Aacoochee boonoshi kechimmona, Doonochi Ayaano Filipphoosin diqqoona tiijjiꞌi daammiye. Uroo guttinnoon biin beegaanoone; emiriibee bi gommon yechiye.

Roomi 8:14

Yeerichi Ayaano boonoshin yaabii beetinaꞌo bulli eboshi Yeerichi bushiisheenaꞌone.

Hibireena'o 2:18

Yesuusi bi qelloona phireeꞌi xuuxoon bi beeggitoyich, and phireebeeti asheenaꞌon gaachoon hakkiye.

Yaaqobi 1:14

Tunebaani asho bi ikkikkoon axaaxoon shuuneya bi gabiibeeto, gonde bi qaatoo dawushiꞌi biin bi geechenane.