Maatiyoosi 3:9 - Kafa Linguistics Project

⁹ Wotta ittoshinaa ittoshina ‘Abrahamichi bushiishoo noone’ getiree yebeneyaahote. Ittoshich gettoye: Hini xaqqeenaꞌoochee Yeeri Abrahamich bushiishoon halloon hakkiye.

Maatiyoosi 3:9 ပူးပေါင်းရင်းမြစ်များ

Hiziqeeli 33:24

“Ashi bushoocho, Israꞌeelee showooch, happeeti xaaꞌooch koteti asheenaꞌo ishichii beetinaꞌone: ‘Abrahami ikke asho tuneebee showoon woraashiye; tunebaani no meeto no tunetoyich showoo no iristo bi tuno xiisheetone’ ii beetinaꞌone.

Maariqoosi 7:21

Ashi mulloochee kechii beetinaꞌo, gonde gaboo, yahoo, gaayo, wuxoo,

Luqaasi 12:17

Bi shagaa, biyoo ‘Hini ta maayoon ta geddemmi gotoo bedaache; ebich aabichibote?’ iꞌi woddoo gaabbiibee,

Luqaasi 16:24

Biyoo cookiibee, ‘Abrahami ta nihoocho, hini qaaqqooch xuuxaabeeti taach ariqqeree Alazaarin ne deejjaa, bi kishee yapheroon aacooch haciree ta heciyoon aqqiibe’ iye.

Luqaasi 19:40

Yesuusi wochiꞌi “Ittoshich gettoye: Hinoshi cikkii qayigaata, xaqqeenaꞌolla cookemminaꞌone” iye.

Luqaasi 3:8

Illa ittoshi axaaxee gommoochee Yeer waan ittoshi wottoon bekkiibeeti shuunoon shuunebote. Wotta ittoshi mulloona ‘Abrahamichi bushiishoo noone’ getiree yebeneyaahote. Ittoshich gettoye: Hini xaqqeenaꞌoochee Yeeri Abrahamich bushiishoon halloon hakkiye.

Luqaasi 5:22

Tunebaani Yesuusi boonoshi mulloona ishichii boonoshi gaboon ariiꞌi, “Ittoshi mulloona amoyich ebin shalligiyote?

Luqaasi 7:39

Yesuusin ataalliti Farisoo ebin beeggiꞌi, bi mulloona “Hini keemecho bi gaata, hini bi baatoon yechaabeeti ure koni bi gaata, bi shuunoo amoommo gaata ariyeshone; biyoo axaaxechine” iꞌi gabiye.

Yowannisi 8:33

Boonoshiyoo wochiꞌi, “Abrahamichi yaroo noone; konichona cir guuno tuneyaano noone. ‘Guuchittinoochee kechemmo ittoshine’ iyaꞌa aabichaꞌa noon gettenne?” iyeete.

Yowannisi 8:37

Abrahamichi yaroo ittoshi tunoon ariibeeto taane; tunebaani ta getteti qaaroon iberiyoo ittoshi qajjitoyich, taan wuxoyich qaawiyote.

Yowannisi 8:53

Iberoon ne no nihoo Abrahamiyee beshenne? Bi qititone; keemechinaꞌo wotta qititinaꞌone; ne koni taane iiniye ne beeto?” iyeete.

Mishiraachechinaꞌo 13:26

“Andoo hini Abrahamichi yaroo tuneti ta maneenaꞌote, wotta no daggooch beeti, Yeerich hajjeebeeti Aageteenaꞌote, Yeeri hini no wodemmi qaaroon nooch deejjitone.

Mishiraachechinaꞌo 15:14

Yeeri shiichiꞌi Aageteenaꞌo daggoochee bi hajjoo tunemmi asheenaꞌon bi kichoona boonoshin bi shunon aabichiꞌi bi bekkiito gaata, Simooni and gettitone.

Roomi 4:1

Illa meenona no qaabbecho tuneti Abrahami ebi mooyoyich amoon danete getote?