Maatiyoosi 3:7 - Kafa Linguistics Project

⁷ Tunebaani Fariseenaꞌonaa Saduuqeenaꞌonochi daggoochee meeti asheenaꞌo aacona afaalleyoyich bi waan boonoshi womon Yowannisi beeggiꞌi, boonoshich ishichiye: “Hini xekerechi bushiisheenaꞌote! Yeer waanee kindemmi kaaree shiixxoochee ittoshi wokkemmoyich, konine ittoshich gettito?

Maatiyoosi 3:7 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Shaahiyoo 28:4

Sheeroon qajjiibeeti asheenaꞌo gondeenaꞌon naadiyeete; tunebaani sheeroon quyee beetinaꞌo gondeenaꞌon shixxiyeete.

Isiyaasi 59:5

Dingeree gabexoon qoppiyeete; dooyidabbee woshiqoon yokkeheete; ebi gabexoon maammo qitemmone; aroochee ikkoon qofigaata dingero kechemmone.

Erimiyaasi 51:6

“Baablooni daggoochee keyi aallebote; ittoshi ikkikkoona ittoshi kashoon wodiibote; bi xuꞌee naboona aalleyaahote; hini Doono Yeerichi nichoon gaacci aaboone; bi kaalloon biich wochemmone.

Erimiyaasi 6:10

Ta getaa waayemmo koni beete? Konich kupphii getote? Boonoshi waamo hichetone; elloon hakkaaneenaꞌone; ebiyoche Doono Yeerichi qaaro cooqqireetone; boonoshinoo emirikkaanoone.

Maatiyoosi 12:24

Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.

Maatiyoosi 12:34

Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye.

Maatiyoosi 15:12

Arooba bi dabbeenaꞌo Yesuus waan giddeꞌi, “Fariseenaꞌoyich hini boonoshi waayeti qaaro xugo bi tunoon ariitine?” iyeete.

Maatiyoosi 16:1

Ebiyee gubb, Fariseenaꞌonaa Saduuqeenaꞌonoochee ikkikkeenaꞌo Yesuusin muriciiya ii bi waan giddeꞌi, “Eke shimaayoochee malletoon nooch bekkiibe” iꞌi echeheete.

Maatiyoosi 16:6

Yesuusi boonoshin “Fariseenaꞌonaa Saduuqeenaꞌonochi bukee shittoochee ittoshi qelloon quyebote” iye.

Maatiyoosi 22:15

Ebiyee gubb, Fariseenaꞌo hammiꞌi, “Aabichiree hini Yesuusin bi yibbaatoon muriciibona?” iꞌi echeeheete.

Maatiyoosi 22:23

Ebi arooba “Qititinaꞌo tiyaachemminaꞌone” ii beeti Saduuqeenaꞌo daggoochee ikkikkeenaꞌo Yesuus waan waaꞌi ishichii echeheete:

Maatiyoosi 22:34

Aree hillooch Yesuusi Saduuqeenaꞌon wochemmi noonee bi mucciyoon Fariseenaꞌo waayeꞌi ikkooch kiceeꞌi bi waan waaheete.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Maatiyoosi 5:20

Andoo ellebote! Ittoshi cadiqittino Muusichi Sheeree dojjechinaꞌonaa Fariseenaꞌonochi cadiqittinoyee beshoo bi qayigaata, shimaajji taatittineech ciroona giyaachemmo ittoshine” iye.

Maariqoosi 12:13

Ebiyee gubb, Yesuusichi noonoochee muricoon boonoshi danemmoyich, Fariseenaꞌonaa Heroodisinochi asheenaꞌona daggoochee ikkikkeenaꞌon bi waan wocheheete.

Maariqoosi 12:18

Wotta “Qititinaꞌo tiyaachemminaꞌone” ii beeti Saduuqeenaꞌo daggoochee ikkikkeenaꞌo Yesuus waan waaꞌi ishichii echeheete:

Maariqoosi 8:15

Yesuusi boonoshin, “Fariseenaꞌonaa Heroodisinochi bukee shittoochee ittoshi qelloon quyebote” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Luqaasi 18:11

Hini are Farisoo yaafee kexooch neexeechii ishichiꞌi bi mulloona corootiye: ‘Yeero, bare asho bullichoommon, boggecho, xumme moochechonaa shunimaayoona woyee hini gabiyee guudoommonolla tuno ta qajjetoyich, neen galletehoye.

Luqaasi 7:30

Tunebaani Fariseenaꞌonaa Muusichi Sheeree dojjechinaꞌona “Ebi nooch toonoone” iꞌi Yeerichi daaggoon hoxeꞌi Yowannisina afaalleyoon qajjiyeete.

Yowannisi 1:24

Arooba Fariseenaꞌo waanee wocheetinaꞌo

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Yowannisi 9:40

Biinna tookkii arooch beetinaꞌo daggoochee ikkikke Fariseenaꞌo ishin waayeꞌi, “No wotta aaf doogo noone?” iꞌi echeheete.

Mishiraachechinaꞌo 15:5

Areegaata Fariseenaꞌo daggoochee boonoshi mulloon Yesuusi toommooch tooꞌiitinaꞌo arooch beeheete. Boonoshi daggoochee ikkikkeenaꞌo tiyiꞌi, “Aageteenaꞌon dokiriyoonaa ‘Muusichi Sheeroon ceechibote’ iꞌi getona ittoshich qaawiihe” iyeete.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

Mishiraachechinaꞌo 26:5

Yeerich no maddaabeeti gommona Muusichi Sheeroon manjiiꞌi quyeebeeti Farisoo tunaꞌa ta beemon xepphoochee tiijjiꞌi arii beetinaꞌone; ebich boonoshi qaawigaata, ta shuunoon miixoon hakkiyeete.

Mishiraachechinaꞌo 5:17

Arooba qeeshee guudoonaa biinna tookkii beeti Saduuqee guuphi asheenaꞌo bullina oogeti qanaatoona mishiraachechinaꞌo toommooch tiyiyeete.

Roomi 1:18

Yeerichi ibere mooyo aricheyaachemmoyich boonoshi gondoona qeriibeeti asheenaꞌochi axaaxoonaa gondo bullinochi toommooch Yeeri bi kaaree shiixxoon shimaayoochee kindiyemmone.

Roomi 5:9

Ebich and bi damoona cadiqito noone; Kiristoosichi gommonoo Yeerichi kaaree shiixxoochee wodemmo no tuno manjoone.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

Hibireena'o 6:18

Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.