Maatiyoosi 3:6 - Kafa Linguistics Project

⁶ Boonoshi axaaxoon boonoshi aannaa, Yoordaanoosi aacoochaa boonoshin Yowannisi afaallii beehe.

Maatiyoosi 3:6 ပူးပေါင်းရင်းမြစ်များ

Iziri 10:1

Iziri yaafee kechi maachi godooch guufeꞌi, eeppiibee corootii, aannii bi beetaa, Israꞌeeleenaꞌoochee anaaminaꞌo, maacheenaꞌonaa bushiisheenaꞌona, dofee iitoo ikkotteꞌi bi waan kiceehe; boonoshiyoo wotta oogichii eeppiyeete.

Shoddo 32:5

Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Daaneeli 9:4

Ta Nuggishoo Doono Yeer waan no axaaxoon aanniibee corootiyo. Tawoo ishichiyo: “Ta Doonocho, oogoonaa shattiitona tuneti Nuggishoo neene. Neen shunnii, ne getoon ceechii beetinaꞌoyich kuxeyaani ne shunoon bekkiibeeto, ne wogoyichoo gibeneeto neene.

Leweenaꞌo 16:21

Ebi are emmishoochi qellooch bi gutte kishoon kotiichi, aree toommoochaa Israꞌeeleenaꞌochi gondo bullin, xuꞌo bullinaa axaaxoo bullinon aannibe; emmishoochi qelloochoo shaakkiibe. Aroochee emmishoon daamoyich qanniti uroochi kishoona barahooch daachiibe.

Leweenaꞌo 26:40

“ ‘Tunebaani boonoshi xuꞌoon boonoshi aannigaata, boonoshi qaabbechinaꞌo taach gibeneyoon qajjii taan shixxiꞌi, boonoshi shuuneti xuꞌoonoo boonoshi aannigaata,

Haddoo 5:7

Bi shuuneti axaaxoon aannibe; bi deqqiti mooyo bullin, wotta are bi deqqiti moochi toommooch uuche kishoochee ikkoon daakkiree bi xuqqiti uroyich imbe.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Maariqoosi 1:5

Arooba Yihudee showoonaa Yerusaaleminoochee dofee asheenaꞌo bi waan waa beeheete; boonoshi axaaxoon aannii boonoshi miixetaa, Yowannisi boonoshin Yoordaanoosi aacona afaallii beehe.

Luqaasi 1:16

Israꞌeelee yoodoochee meetinaꞌon boonoshi Doono waan wochemmone.

Luqaasi 3:16

Yowannisi tiyiꞌi bullich “Tawoo aacona ittoshin afaallaabeeto taane. Tunebaani bi caammee cuyoon biich ta bedaani tayee beshe kuppho waa beetone; aroo Yaafe Ayaanoonaa qaaqqoona ittoshin afaallemmone.

Mishiraachechinaꞌo 1:5

Yowannisi asheenaꞌon aacona afaallitone; tunebaani and giisheche aaboyee gubb Yaafe Ayaanoona afaalleyemmo ittoshine” iꞌi gettiye.

Mishiraachechinaꞌo 11:16

Arooba Doono Yesuusi gettiti qaaro ta mullooch tipphimiye; aroo ‘Yowannisi aacona asheenaꞌon afaallitone; tunebaani ittoshi Yaafe Ayaanoona afaalleyemmo ittoshine’ iꞌi bi gettitone.

Mishiraachechinaꞌo 19:18

Boonoshi mulloon Yesuusi toommooch tooꞌiiti meeti asheenaꞌo waaꞌi, gonde boonoshi shuunoon aanniyeete.

Mishiraachechinaꞌo 22:16

Andoo yagaanoon tiyiree bi shigoon ceegiree, aacona afaalleebe; ne axaaxoocheenoo xallebe’ iꞌi taach gettiye” iye.

1 Qorontoosi 10:2

Muusina tookkii ikkottoyich, are quboonaa baharee aacona afaalleeheete.

Qolaasiyaasi 2:12

Aacona afaalleyoona Kiristoosina tookkii duukkehote; wotta qitoochee biin tiijjiti Yeerichi shuunee toommooch mulloon ittoshi tooꞌitoyich Kiristoosina tookkii kashechon tunehote.

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.