Maatiyoosi 3:12 - Kafa Linguistics Project

¹² Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Maatiyoosi 3:12 ပူးပေါင်းရင်းမြစ်များ

Iyoobi 21:18

Yongo hidii daammiibeeti maayi tulloon, yubee yongo daammiibeeti maaxxoon, boonoshi tuneti aabo beete?

Shoddo 1:4

Gondeenaꞌo ebiyoomminaꞌo tooneenaꞌone; yongo hidii daammiibeeti maaxxoomminaꞌone.

Shoddo 35:5

Yongo daammiibeeti maaxxoommon tunebeete; Doono Yeerichi maraakoo boonoshin yoohe.

Isiyaasi 1:31

Kupphe asho galloommon, bi shuunoo qaaqqee xeeroommon tunemmone; guttiyona tookki miccemminaꞌone; qaaqqoonoo takkemmo aalloone.

Isiyaasi 17:13

Aageteenaꞌo meeti aacochoommon goohiyeete; tunebaani Yeeri boonoshin kaaretaa, guudi toommoochaa yongo shacciibeeti maaxxoochoommon, yubee yongo tiijjiibeeti quttoochoommon tiyi aallemminaꞌone.

Isiyaasi 27:4

Ebiyee bekk kaareyaachemmo taane; abo angixonaa guccinonoo ta toommooch tibeeta! Boonoshi toommona shaꞌeree ikkooch boonoshin michesho taane.

Isiyaasi 28:28

Koshoyich tunemmi maayo qaddo tunemmi wottoon buchee beetone? Amoommonolla gaarinaa hareshoona bi toommona bi gasheetaanona qaddoon tuneyaanoone.

Isiyaasi 30:24

Ittoshi gochiibeeti gatteenaꞌonaa kureenaꞌona hugaa xalleti, kiihona yoppheeti maayi aafoon maayemminaꞌone.

Isiyaasi 41:16

Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.

Isiyaasi 5:24

Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Isiyaasi 66:24

“Keyi hamibee ta toommooch hukkoon shuuneti asheenaꞌochi dubenoon beeggemminaꞌone; boonoshi hipperoo qitaachemmone; boonoshi qaaqqoo tahaachemmone; meeno taheto bullina ciigeyemmone” iye.

Erimiyaasi 15:7

Ittoshi gonde gommoochee wotto ittoshi qajjitoyich, katemee kello bulliich yooppoona ittoshin shaccehoye; ittoshi bushiishoon wuxaꞌa kishoon tiqqiihoye; ta asho ittoshin aalliihoye.

Erimiyaasi 17:27

Tunebaani shambetee aabo yaafeeto tuniitaa bi quyeyemmoyich, shambetee aabooba shaagoon shaagiree ittoshi giyaachemmoyich ta getteton waayo ittoshi qayigaata, Yerusaalemi katemee kelleenaꞌooch qaaqqoon tuchemmo taane; qaaqqoo Yerusaalemi taatee kexinaꞌon maayemmone; tahishoo getaachemmone” itone’ gete” iye.

Erimiyaasi 4:11

Ebiyooba hini ashoonaa Yerusaaleminoyich ishicheyemmone: “Woqqoyich woyee xalliyoyich tuneyaanoon michiibeeti yongo barahooch beeti hulloo tuneti geppeenaꞌoochee ta asho waan yongemmone.

Erimiyaasi 51:2

Biin boonoshi woqqemmoyich woqqechinaꞌon Baabloonee showooch deejjemmo taane; boonoshiyoo bi showoon shokkoon echiyemminaꞌone; bi xuuxee aabooba bi guudo bulliichaa biin kochemminaꞌone.

Erimiyaasi 7:20

Ebich Nuggishoo Doono Yeeri ishichiye: Ebiyoche ta kaaroonaa ta neboona hini xaaꞌooch, ashoonaa kubbeexi cooxonochi toommooch, mixinaꞌonaa showee toommeexi maayi aafeenaꞌonochi toommooch wonemmone; aaxxemmone; tahishoo getaachemmone” iye.

Hosee'i 13:3

Ebich boonoshi, maaddee quboomminaꞌo, harimmona bekkech shokkeebeeti keetoomminaꞌo, maayi buchi xaaꞌoochee yongo tiijjii daammiibeeti maaxxoomminaꞌo, wottoo mallee kelloona kechiibeeti cufoomminaꞌo tunemminaꞌone.

Amootsi 9:9

Illa ebiyoche, maayo gemoona woqqeyoommon, ta getoona Israꞌeeleenaꞌo woqqeyemmoyich tuniyemmo taane. Woqqaa keyiree aageteenaꞌo daggooch shacceyemminaꞌone; butto maayoochee sheqqetaa keyoommon gonde asheenaꞌo sheqqetaa kechemminaꞌone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 13:30

Dadaddoo teepphoona tookki kashe; qecci goorooba qeccechinaꞌon “Dadaddoon shiichiree macibote; qiriree qaaqqoona michibote; teepphoon wotta ta gotooch gedote” gettemmo taane’ iꞌi gettiye” iye.

Maatiyoosi 13:41

Ashi Bushoo bi maraakeenaꞌon deejjemmone; asheenaꞌoyich xugo tunee beetinaꞌonaa hukkoon shuunee beetinaꞌo bullinon bi taatittinee daggoochee macemminaꞌone;

Maatiyoosi 13:42

qaaqqee sheellooch duppemminaꞌone; aroochaa eefonaa gashee qaayona tunemmone.

Maatiyoosi 13:43

Arooba cadiqeenaꞌo boonoshi Nihoo Yeerichi taatittineechaa aabeechoommon aaxxemminaꞌone. Illa waayeebeeti waajjecho waayebe” iye.

Luqaasi 3:16

Yowannisi tiyiꞌi bullich “Tawoo aacona ittoshin afaallaabeeto taane. Tunebaani bi caammee cuyoon biich ta bedaani tayee beshe kuppho waa beetone; aroo Yaafe Ayaanoonaa qaaqqoona ittoshin afaallemmone.

Luqaasi 3:17

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.