Maatiyoosi 3:10 - Kafa Linguistics Project

¹⁰ Andoo asho gonde mixon cammona waaxxii bi aalliyoommon, Yeeri biich deꞌa getaaneenaꞌon waaxiree aalliiya qannitone. Illa asho deꞌe aafoon aafeyaani mixo bullin kuxxiꞌi qaaqqee daggooch bi dufoommon, Yeeriyoo boonoshin ebiyoommon duppemmone.

Maatiyoosi 3:10 ပူးပေါင်းရင်းမြစ်များ

2 Saameeli 23:7

Tunebaani angixon yechiibeeto koniyoona, xuuree qiicoon woyee ginee yaaboon yechiye; bi beeti xaaꞌoochaanoo qaaqqoona michaa ciroona aallemmone” iye.

Shoddo 1:3

Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

Shoddo 140:10

Qaaqqee buno boonoshi toommooch kindibe; oppooch dupperee aroochee kechaayeete.

Shoddo 92:12

Cadiqeenaꞌo yeebbee mixochoommon waarwaariyemminaꞌone; Libanoosee yigoochoommon diccemminaꞌone.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Erimiyaasi 17:8

Aroo aachi gocooch becheeti, bi cammon aacooch awureebeeti, gaamoo waataa shataani, showoo shuuꞌiyooba keqqaani, bi waamoo waarwaariibeeti, kuxaanoon aafaabeeti mixoommone.

Daaneeli 4:14

Biyoo bi qaaroon oogichiꞌi ishichiye: ‘Ebi mixon qecceree dichibote; bi qaakkoon qendebote; bi waamonoo caabote; bi aafoonoo shacote. Ebin tuniyoona, bi yiirooch beeti cooxinaꞌonaa gijjeenaꞌona, bi qaakkooch beeti yoobbereenaꞌoo shace aallemmoyich tuniibote!

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 21:19

Gommi gashooch ikke balaasee mixin beeggiꞌi bi waan hammiye; tunebaani waamoyee damba aafoon cir daneyaanoone. Ebich balaasee mixin “Guttinnoon aafoon aafaaye” iꞌi uppiye. Are balaaseyoo bekkech shoolliyan.

Maatiyoosi 7:19

Deꞌe aafoon aafeyaani mixo bullin kuxxii qaaqqooch duppiyeete.

Luqaasi 23:31

Gaare michi toommooch ebin boonoshi tuniitoyee, shuuꞌi michi toommooch aabicheheete?” iye.

Luqaasi 3:9

And qofiyo mixinaꞌochi xepphooch kotetone; illa gaawe aafoon aafeyaani mixo bulli kucheree qaaqqooch duppeyemmone” iye.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.

Yowannisi 15:6

Koniyoona taanna beetaano bi tunegaata, kuxxii maaxooch dufaa shuuqqiibeeti ateenaꞌoommon tunemmone; boonoshinoo kiciree qaaqqooch duppemminaꞌone; michishoo gettemminaꞌone.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 6:8

tunebaani angixonaa guccinonon bi colliigaata, gaacaalleene; Yeerina uppeyaniye bi ii beeto; ciiroochaanoo qaaqqoona miccemmine.