Maatiyoosi 27:54 - Kafa Linguistics Project

⁵⁴ Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Maatiyoosi 27:54 ပူးပေါင်းရင်းမြစ်များ

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Maatiyoosi 27:36

Aroochee koteꞌi biin quyee beeheete.

Maatiyoosi 27:40

“Yaafee kexon happiichi wochiree keejje qemona haggeshocho! Eke ne qelloon wodiibe! Yeerichi Bushoo ne gaata, masqalee toommoochee kindibe!” iyeete.

Maatiyoosi 27:43

Yeerin gibenetone; wotta ‘Yeerichi Bushoo taane’ itone. Illa Yeeri biin shunniibeeto bi tunegaata, and wodiibe” iyeete.

Maatiyoosi 27:51

Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye; showee qewahan; xaqqee guudinaꞌoo gaaheheete.

Maatiyoosi 4:3

Arooba daabiloosi giddeꞌi, “Yeerichi Bushoo ne gaata, hini xaqqeenaꞌon ‘Koshon tunebote’ gete” iye.

Maatiyoosi 8:5

Yesuusi Qifirinaahi katemooch bi shaggimmona balle ginee iraashoo bi waan waaꞌi,

Maariqoosi 15:39

Areegaata masqalee ciinooch neexeꞌi beeti balle ginee iraashoo Yesuusi aabichii [cookiꞌi] bi kasho abbeteto gaata beeggiꞌi, “Iberoon hini uro Yeerichi Bushoone” iye.

Luqaasi 22:70

Bi ishichimmona boonoshi bulli tiyiꞌi, “Ishigaata, ne Yeerichi Bushoo neene?” iꞌi echeheete. Biyoo “Ta tunoon gettito ittoshine” iye.

Yowannisi 19:7

Ayihudeenaꞌo wochiꞌi, “Nooch sheeroo beetone; bi qelloon Yeerichi Bushoo bi tuniitoyich, no sheeroochaa qita beddiye” iyeete.

Mishiraachechinaꞌo 10:1

Arooba Qesaariyi katemooch Qorineloosi getteebeeti ikke uro beehe. Biyoo Xaaliyaanee ginee naayinaꞌochi guuphi daggooch balle ginee iraashoone.

Mishiraachechinaꞌo 2:37

Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.

Mishiraachechinaꞌo 21:32

Biyoo bekkech ginee naayinaꞌo bullin ginee iraasheenaꞌona tookkii yechiꞌi are asheenaꞌo waan wocciye. Asheenaꞌoo hume ginee iraashoonaa ginee naayinaꞌonon beeggiꞌi, Phawuloosin yexon qajjiyeete.

Mishiraachechinaꞌo 23:17

Phawuloosiyoo balle ginee iraasheenaꞌo daggoochee ikkoon ceeggiꞌi, “Hini bushoo hume ginee iraashoyich bi gettemmi mooyo beetone; daamiree biinna daniibe” iꞌi gettiye.

Mishiraachechinaꞌo 23:23

Ebiyee gubb, hume ginee iraashoo balle ginee iraasheenaꞌo daggoochee gutteenaꞌon ceeggiꞌi, “Xumee keejje saatooch tiyiree, Qesaariya hammemmi gutte balle ginee naayinaꞌon, shabe hareshechinaꞌon, gutte balle ginee awurechinaꞌonoo qanniibote.

Mishiraachechinaꞌo 27:1

Xaaliyaanee showooch markaboona no hammemmoyich bi maaccetoyee gubb, Phawuloosinaa bare qoppeenaꞌonon Roomi taatoochi ginee naayinaꞌo daggooch beeti, Yuuliyoosi getteebeeti balle ginee iraashoo kishooch guudiiheete.

Mishiraachechinaꞌo 27:43

Tunetaa balle ginee iraashoo Phawuloosin wodiiya bi qaawitoyich, boonoshi echeyoon gaakkiꞌi, “Waakkoon arii beetinaꞌote, shiichi baharooch capphi giyiree showoo beetooch keyote.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.