Maatiyoosi 27:51 - Kafa Linguistics Project

⁵¹ Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye; showee qewahan; xaqqee guudinaꞌoo gaaheheete.

Maatiyoosi 27:51 ပူးပေါင်းရင်းမြစ်များ

2 Kiinoo 3:14

Shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shippeti qoreddoochee maccillaatoon shuuniihe. Ebi qoreddee toommooch kiruubo shuuneetone.

Shoddo 18:15

Doono Yeerichi noggoochee, bi muddoochee bi kachiti kaaree cufoochee tiyitona, baharee dechi ducho bekkehe; showee tuugeenaꞌoo shokkaachoon echeheete.

Shoddo 18:7

Showoo qewehe; shuuriinoo iye; guudi koteenaꞌo shuuriyeete; qeweenoo iyeete; ebiyoo Yeeri kaaretoyichiye.

Keyo 40:21

Taabootoon yaafee duukkaanee daggooch giijjiꞌi, qeremmi maccillaatoon tongafiye; ebina miixee taabootoon qeriye. Ebi bullin Doono Yeeri biich gettitoommon tuniiꞌi shuunehe.

Isiyaasi 25:7

Ebi are guudi toommoochaa asho bullin qeriti maccillaatoon, aageteenaꞌo aafoon kaappiti qeroonoo shoottemmone.

Leweenaꞌo 16:2

Biichoo ishichiye: “Axaaxoon maariyee guufee toommooch quboona ta danaa beetoyich, ne manoo Harooni bi qitaachemmoyich, maccillaatee maac, Yaafe Xaaꞌeexi Yaafooch, taabootee toommooch beeti, axaaxoon maariyee guufo beetooch, gimoyich bi qaawimmi aabo bullin bi giyaachemmoyich gete.

Leweenaꞌo 21:23

Tunebaani bache mooyo bi achooch bi beetoyich, yaafeeti mooyinaꞌon bi eeꞌiyaachemmoyich, maccillaatoo beetooch woyee deejjee gudo beetooch giddaaye. Boonoshin yaafiibeeti Doono Yeeri taane’ itone gete” iye.

Imbaaqoomi 3:10

Guudinaꞌo neen beeggiꞌi, qeweheete; ambamboo showoon machiꞌi beshee hammiye; baharee aacoo goohiye; aachi aayoo kaama tiyiye.

Imbaaqoomi 3:13

Ne asheenaꞌon wodiyoyich, ne huutteton wodiyoyich, kechehine. Gonde ashi kexon guummoochaa happihine; gaxxaꞌa bi godoon xalla bekkiihine.

Haddoo 4:5

Kaamboon waaxxii hamma ittoshi tiyiyooba, Harooninaa bi bushiisheenaꞌona duukkaanooch giyiree qeriibeeti maccillaatoon kindiibeete. Aroona wogee taabootoon kaafeete.

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Maatiyoosi 28:2

Diqqoona oogeti showee qewo tunehe; Doonochi maraakoo shimaayoochee kindii xaqqoon maashee oppee kelloochee gederikkiꞌi aree toommooch kotehe.

Maariqoosi 15:38

Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye.

Luqaasi 23:47

Areegaata balle ginee iraashoo ebi tuneti mooyon beeggiꞌi, “Hini uro iberoon cadiqoone” iꞌi Yeerin oogiihe.

Hibireena'o 6:19

Shuuraanoon no beeyemmoyich, ebi no gibenaabeeti gibeno no kashoon quyee beetone; ebi are no gibeno Yesuusine; biyoo shimaajji yaafee kechi maaci Yaafe Xaaꞌooch maccillaatoon beshee giyitone.

Hibireena'o 9:3

Maccillaatoyee bekk beeti maaci gato Yaafe Xaaꞌeexi Yaafoo gettee beehe.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.