Maatiyoosi 27:4 - Kafa Linguistics Project

⁴ “Xalle uroon qitoyich beshii ta immetoyich, xuqqeto taane” iye. Boonoshiyoo “Noon amo qaaqqiye? Aroo ne qelli mooyone” iyeete.

Maatiyoosi 27:4 ပူးပေါင်းရင်းမြစ်များ

1 Taateenaꞌo 21:27

Akaabi ebi qaaroon waayeꞌi, bi tahoon keexxiye; dookoon taheꞌi coomiye; dookoochoo qeyiye. Qumittimiꞌinoo hammii beehe.

2 Taateenaꞌo 24:4

Ebiyee baroo wotta, Minaasi xalle ashi damoon bi ukkee naboonane; Yerusaalemin xalle ashi damoona tajjitone. Ebich Doono Yeeri biin maaroyich daaggaanoone.

Iyoobi 13:4

Tunebaani ittoshi iberoon kootoona qerito ittoshine; ittoshi bulli wodiyoon hakkaani aakumo ittoshine.

Iyoobi 16:2

“Ebiyoommi meeti mooyon waayeto taane; ittoshi bulli qaakkiibeeti goggiyecho ittoshine.

Shoddo 94:21

Boonoshi, cadiqeenaꞌo toommooch koceeheete; xalle ashi toommooch qitee nalloon nalliyeete.

Keyo 12:31

Farooniyoo Muusinaa Harooninon xumoona ceekkiiꞌi, ishichiye: “Ittoshinaa ittoshi asho bullina ta asheenaꞌo daggoochee keyote. Hiniichee tiyi hambote. Ittoshi qaawitoommon, Doono Yeerich goyinne maddebote.

Keyo 9:27

Aroochee Farooni Muusinaa Harooninon ceekkiiꞌi, boonoshich ishichiye: “And gondeto taane. Doono Yeeri tatoone; tunebaani taannaa ta asheenaꞌona gondeto noone.

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Erimiyaasi 26:15

Tunebaani ebi bulli qaaroon ittoshich ta gettemmoyich iberoochaa taan wocheto Doono Yeeri bi tunetoyich, taan ittoshi wuxigaata, xalle damee hiishoo ittoshi toommooch, hini katemee toommooch, arooch beetinaꞌo toommooch bi tunoon ariibote” iye.

Yoonaasi 1:14

Boonoshiyoo ishichiꞌi Doono Yeer waan cookiyeete: “Doono Yeero, hini uroochi kashee naboyich noon wuxi aalliyaahine; xalle ashi damee mangoonoo no toommooch deebaahine! Doono Yeero, ebi bulli tunemmoyich daaggito neene” iyeete.

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Luqaasi 23:22

Keejjinnoon “Amoyichiye? Bi gondochi amoone? ‘Qitibe’ getiree ta nallemmoyich bi toommoochee ta daneti gondo aalloone. Ebich sheeriree biichemmo taane” iye.

Luqaasi 23:41

No, no shuunooniye no deqqaabeeto; ebich no toommooch nalleeti nalloo tatoone; tunebaani hini uro bi shuuneti gonde mooyo amolla aalloone” iꞌi noggehe.

Luqaasi 23:47

Areegaata balle ginee iraashoo ebi tuneti mooyon beeggiꞌi, “Hini uro iberoon cadiqoone” iꞌi Yeerin oogiihe.

Yowannisi 19:7

Ayihudeenaꞌo wochiꞌi, “Nooch sheeroo beetone; bi qelloon Yeerichi Bushoo bi tuniitoyich, no sheeroochaa qita beddiye” iyeete.

Mishiraachechinaꞌo 13:28

Qitooch bechimmi naboon bi toommoochee boonoshi dano qajjitaanona, Phelaaxoosi biin bi wuxemmoyich qolleheete.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

1 Ximootiyoosi 4:2

Ebiyoommi doyoo bi waa beeto, gaamiti xuuroona micciti ashittino dingiraatoommon, boonoshi mullo dingiraateti, maacaa xalloo shaahiibeeti kooteenaꞌo waaneeniye.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

1 Yowannisi 3:12

Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.

1 Saameeli 15:24

Saaꞌooliyoo Saameelich “Axaaxoon shuuneto taane. Doono Yeerichi getoonaa ne qaaroonon shaaddeto taane. Asheenaꞌon ta shattetoyich, boonoshi getoon ceechito taane.

1 Saameeli 15:30

Saaꞌooliyoo wochiꞌi, “Axaaxoon shuuneto taane. Tunebaani ta asheenaꞌochi ukkireenaꞌonaa Israꞌeeleenaꞌo bullinochi aafooch taan oogiibe; ne Nuggishoo Doono Yeerich ta goyinnemmoyich taanna tookki wottebe” iye.

1 Saameeli 19:5

Daawiti Gooliyaadin bi wuxito, bi kashoon qitooch beshiiꞌi imonane. Doono Yeeriyoo Israꞌeeleenaꞌo worganikkiti wudoon boonoshi danemmoyich tuniihe. Newoo ebin beeggaꞌa emirihine. Ishigaata, ikke naboo aalloon Daawitin wuxoona xalle ashi toommooch gonde mooyon ne shuuneya iyaabeeto, amoyichiye?” iye.