Maatiyoosi 27:31 - Kafa Linguistics Project

³¹ Eechiꞌi boonoshi coonetoyee gubb boonoshi tajjiti ceelle tahoon shoottiichii, biichon tajjiꞌi yoodoyich daammiyeete.

Maatiyoosi 27:31 ပူးပေါင်းရင်းမြစ်များ

1 Taateenaꞌo 21:10

Gutte gaacaalli asheenaꞌon bi ciinooch ittoshi kotiitaa, ‘Yeerinaa taatoonon naaggitone’ geti bi toommooch miixebeete. Ebiyee gubb, biin katemoyee maach kichiree, xaqqoona yexi wuxibote” iyan.

1 Taateenaꞌo 21:13

Gutte gaacaalli asheenaꞌoo waaꞌi bi ciinooch koteheete. Ebi gaacaalli asheenaꞌo, asheenaꞌo aafoochaa, “Nabooti Yeerinaa taatoonon naaggitone” iꞌi bi toommooch miixeheete. Ebich asheenaꞌo biin katemoyee maach kichiꞌi, xaqqoona yexxii wuxiyeete.

Isiyaasi 53:7

Xuuxehe; qaakkehe; ebi tunetaanoona bi noonoon wochaanoone; guureyooch yaabaa hammiibeeti bagoochoommon, bi eexon caggii beetinaꞌo aafoochaa cikkii qajjiibeeti bagoochoommon, bi noonoon wochaanoone.

Haddoo 15:35

Doono Yeeri Muusich ishichiye: “Uro qitibe. Israꞌeelee iitoo bulli kaamboyee maach kichi xaqqoona yexi wuxibe” iye.

Maatiyoosi 20:19

Aagetee asheenaꞌoyichoo beshiiree immemminaꞌone; boonoshiyoo biin coonemminaꞌone; arengoonoo xoobbemminaꞌone; aroyee gubb yooddemminaꞌone. Tunetaa keejje qemooba qitoochee tiyemmone” iye.

Maatiyoosi 21:39

Ebina bushoon yechii, woyinee goyoyee maach kichiꞌi wuxiyeete.

Maatiyoosi 26:2

“Gutte qemoyee gubb Beshee Baaroo bi tunoon ariibeeto ittoshine; Ashi Bushoon yooddiyoyich beshiiree immemminaꞌone” iye.

Maariqoosi 15:20

Eechiꞌi boonoshi coonetoyee gubb, boonoshi tajjiti damere tahoon shoottiichii, biichon tajjiꞌi yoodoyich daammiyeete.

Yowannisi 19:16

Ebich arooba Phelaaxoosi Yesuusin boonoshi yooddemmoyich beshiiꞌi immiye.

Yowannisi 19:27

Are bi dabboon “Meni ne indeene” iye. Aroochee tiyiꞌi are bi dabboo Yesuusichi indeen bi kexooch daammiye; are bi kexooch beehan.

Mishiraachechinaꞌo 7:58

Biin geechii katemoyee maach kichiyeete. Miixeenaꞌo boonoshi tahoon kichiꞌi, Sawuli getteebeeti ikke gurimaashoo aafooch geddiichii, Isxifanoosin xaqqoona yexooch giyiheete.

Hibireena'o 13:12

Ebich Yesuusi wotta bi hajjee damoona asheenaꞌon yaafiya katemee kelloyee maach kichaa xuuxoon beeggiye.