Maatiyoosi 27:29 - Kafa Linguistics Project

²⁹ Angixonoo gengiꞌi bi qellooch taatee malletoon tuneti gubbichoon ukiiheete; bi qanne kishooch shimeree gumboon yechiiheete; bi aafooch guteneꞌi, “Ayihudeenaꞌochi taatoocho, ne taatittino manjibe” iibee cooneheete; cudonoo bi toommooch cuddiyeete;

Maatiyoosi 27:29 ပူးပေါင်းရင်းမြစ်များ

Shoddo 69:7

Ne naboyich naagoon haaꞌiito taane; yeello ta aafoon kaappitone.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Erimiyaasi 20:7

Doono Yeero, taan dawushihine; tawoo dawusheeto taane; ne tayee kuppho neene; ta toommoochoo giidehine; heeyo bullin cooneehoye; bulliyona taan coonehe.

Maatiyoosi 20:19

Aagetee asheenaꞌoyichoo beshiiree immemminaꞌone; boonoshiyoo biin coonemminaꞌone; arengoonoo xoobbemminaꞌone; aroyee gubb yooddemminaꞌone. Tunetaa keejje qemooba qitoochee tiyemmone” iye.

Maatiyoosi 26:49

Yihudi bekkech Yesuus waan giddeꞌi, “Dojjechocho, diggoo neech tunebe” iꞌi shummiye.

Maatiyoosi 27:37

“Hini Yesuusi Ayihudeenaꞌochi Taatoone” getaa kooreeti taggee malletoon biyee tookk xogiyeete.

Maariqoosi 15:17

Yesuusich damere tahoon tajjiyeete; taatee malletoon tuneti gubbichoon angixoochee gengiꞌinoo bi qellooch ukiiheete.

Maariqoosi 15:18

Aroochee “Ayihudeenaꞌo taatoocho, ne taatittino manjibe” iibee mooꞌee diggiyoon diggiiheete.