Maatiyoosi 27:2 - Kafa Linguistics Project

² Cuchiꞌi daammii iraashoo Phelaaxoosich beshiiꞌi immiyeete.

Maatiyoosi 27:2 ပူးပေါင်းရင်းမြစ်များ

Halloo 22:9

Yeeri gettiti xaaꞌoochoo shaggiyeete. Abrahamiyoo arooch deejjee gudoon shuunehe; baddetaa waati mixonoo arooch qeenniye. Bi bushoo Yisaaqichi kishoonaa baatoonon cuchiꞌi, deejjee gudooch bi qeenniti michi toommooch qeejjiye.

Maatiyoosi 20:19

Aagetee asheenaꞌoyichoo beshiiree immemminaꞌone; boonoshiyoo biin coonemminaꞌone; arengoonoo xoobbemminaꞌone; aroyee gubb yooddemminaꞌone. Tunetaa keejje qemooba qitoochee tiyemmone” iye.

Maatiyoosi 28:14

Ishi iraashoo Phelaaxoosich waayee gaata, gondo ittoshicho tunee qayon no gettemmo noone; ittoshi toommooch iritoo waataachemmoyich tuniyemmo noone” iyeete.

Luqaasi 13:1

Arooba asheenaꞌo Yesuus waan waaꞌi, “Galiilee asheenaꞌo daggoochee ikkikkeenaꞌo deejjoon boonoshi deejjii beetaa, Phelaaxoosi boonoshin wuxiꞌi boonoshi damoon deejjoona baccitone” iꞌi gettiyeete.

Luqaasi 20:20

Hini are qeeshee ukkireenaꞌonaa Muusichi Sheeree dojjechinaꞌona Yesuusi toommooch nallemmi Yihudee iraashoo kishooch beshiiꞌi imoyicha iꞌi holloon quyeebee, iberoon shaahiibee, bi noonoochee hollimmi gonde mooyon macemminaꞌon bi waan daachiiheete.

Luqaasi 23:1

Hini are nallechinaꞌo bulli tiyii Phelaaxoos waan Yesuusin daammiꞌi,

Luqaasi 23:12

Ebiyee aaf Heroodisinaa Phelaaxoosina kaarechinaꞌone; tunebaani arooba shuneheete.

Luqaasi 3:1

Xibaaroosi Qesaari taateti aaraa uuche natooba, Fantoosechi Phelaaxoosi Yihudee iraashoo tuneꞌi bi beehooba, Heroodisiyoo Galiilee iraashoo tuneꞌi bi beehooba, bi manoo Filipphoosiyoo Ixuriyaasee showoonaa Xirakonidoosee showoonochi iraashoo tuneꞌi bi beehooba, Lisanoosiyoo Abilaanee iraashoo tuneꞌi bi beehooba,

Yowannisi 18:12

Arooba hume ginee iraashoonaa bi ginee naayinaꞌona Ayihudee yaafee kechi kellechinaꞌona tookkii Yesuusin yechii cuchiyeete;

Yowannisi 18:24

Aroochee Haanni Yesuusin bi cucheetona qeeshee guudo Qeyaaf waan daachiihe.

Yowannisi 18:28

Yesuusin Qeyaaf waanee Yihudee iraashoo kibbooch daammiyeete. Showoo batt maaddoone; Ayihudeenaꞌo “Iraashoo kibbooch giyaꞌa no eeꞌegaata Beshee Baaree maayoon mamon hakkaachemmo noone” iꞌi boonoshi shattitoyich, iraashoo kibbooch giyaaneenaꞌone.

Mishiraachechinaꞌo 12:6

Taatoo Heroodisi “Pheexiroosin yaach asheenaꞌo aafooch kichibona” iꞌi bi gabiti xumich, Pheexiroosi cuyee kexooch bi yoochinaa bi qanninooch gutte ginee naayinaꞌona tookkii sansalatoona qoqqaaneeꞌi beebee, tokketoo biin yeshaa tokketehe. Wotta kellechinaꞌo kellooch cuyee kexon quyee beeheete.

Mishiraachechinaꞌo 21:33

Aroochee hume ginee iraashoo giddee Phawuloosin yechiꞌi, gutte sansalatoona bi cucheyemmoyich gettiye; aroochee are uro koni bi gaata, wotta amooni bi hallito gaatoo echehe.

Mishiraachechinaꞌo 22:25

Shachoona cuchiꞌi xoobba boonoshi iyaa, Phawuloosi bi gaꞌooch neexeebeeti balle ginee iraashoon “Roomi showee ashoon nallaalloon ittoshi xoobbemmoyich, ittoshich daaggeete?” iꞌi echehe.

Mishiraachechinaꞌo 22:29

Ebich biin echeya boonoshi gabiton bekkech qajjiꞌi hammiyeete; wotta hume ginee iraashoo Phawuloosi Roomi showee asho bi tunoon ariiꞌi bi cuchiitoyich shattiye.

Mishiraachechinaꞌo 24:27

Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.

Mishiraachechinaꞌo 28:20

And ittoshin ta ceekkiito, ittoshin beegonaa ebin getonoyichiye; hini sansalatoona ta cucheto, Yeeri Israꞌeeleenaꞌoyich bi gibenikkiti gibenee naboonane” iye.

Mishiraachechinaꞌo 3:13

Abrahami, Yisaaqinaa Yaaqobinochi Nuggishoo, biyoo no qaabbechinaꞌochi Nuggishoo, bi Bushoo Yesuusin oogiihe. Tunebaani ittoshi bi qitemmoyich beshiiꞌi immiyote. Phelaaxoosi biicha bi gabaa, bi aafoochaa nookkehote.

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

1 Ximootiyoosi 6:13

Bulli mooyoyich kashoon immiibeeti Yeeri aafooch, Fantoosechi Phelaaxoosi aafoochaa iberoon miixeti Kiristoos Yesuusi aafooch,

2 Ximootiyoosi 2:9

Hini mishiraachee qaaroon ashich ta gettetoyich gondoon shuunetochoommon ta cuchemmi wottoon xuuxoon beeggaabeeto taane; tunebaani Yeerichi qaaro cucheyaachemmone.

Hibireena'o 13:3

Boonoshina tookkii cucheton shaahiree cuchetinaꞌon gabibote; xuuxee toommooch beetinaꞌon ittoshi wotta boonoshichoommon xuuxee toommooch beeton shaahiree gabibote.

Woraaferasheenaꞌo 15:12

Boonoshiyoo biich “And hiniich no waato, neen cuyi Filsixeemeenaꞌoyich beshiiree immane” iyeete. Samsooniyoo “Ittoshi qelloona ittoshi taan wuxaachemmo ittoshi tunoon wogebote” iye.