Maatiyoosi 27:15 - Kafa Linguistics Project

^15-19 Wotta Yihudee iraashoo nati natona hini baaree aabooba asheenaꞌo biishe iꞌi qollemmi ikke uroon cucheꞌi beetinaꞌo daggoochee biichi doyoo biich beetone. Arooba Barbaani getteebeeti ikke aricheti uro cucheꞌi beehe. Phelaaxoosi Ayihudee ukkireenaꞌo Yesuusin beshii boonoshi immito qanaateꞌi bi tunoon ariibeeto bi tunetoyich, dofee asheenaꞌo kiceeꞌi beetaa tiyiꞌi, “Barbaaninaa Kiristoosi getteebeeti Yesuusinoochee konin biishote? Aabi biicheyoon shunniyote?” iꞌi echehe. Aroochee Phelaaxoosi nallee gabberooch koteꞌi bi beetaa, bi mechee “Yichi xum gumona hini are uroon beeggaꞌa bi naboona oogichaꞌa xuuxoon beeggeti taane; ebich ebi xalle uro toommooch gondoon shuuneyaahine” iyaꞌa bi keno waan wochoon daachiihan.

Maatiyoosi 27:15 ပူးပေါင်းရင်းမြစ်များ

Maatiyoosi 26:5

Tunetaa “Hini baaree aaboona tunaaye; asheenaꞌo kaaroon tiijjemminaꞌone” iyeete.

Luqaasi 23:16

Ebich sheeriree biichemmo taane” iye.

Luqaasi 23:17

[Ebiyoo Beshee Baaree aabooba, cucheti ashoochee ikkoon boonoshich biisho biich doyoo bi tunetoyichiye.]

Luqaasi 23:18

Tunebaani boonoshi bulli ikkooch “Hini uroon no aafoochee wokkiibe! Barbaanin nooch biishe!” iibee cookiyeete.

Yowannisi 18:16

Tunetaa Pheexiroosi kellee maach neexee beehe. Arooba qeeshee guudoona aricheebeeti bare Yesuusichi dabboo kechi kellechich gettiꞌi Pheexiroosin giijjiye.

Yowannisi 19:16

Ebich arooba Phelaaxoosi Yesuusin boonoshi yooddemmoyich beshiiꞌi immiye.

Mishiraachechinaꞌo 24:27

Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.

Mishiraachechinaꞌo 25:9

Tunetaa Fisxoosi Ayihudeenaꞌon emirikkoyicha iꞌi, Phawuloosin “Yerusaalem hamiree hini mooyoyich ta aafoochaa taggoon qaawaa beetine?” iꞌi echehe.