Maatiyoosi 26:61 - Kafa Linguistics Project

⁶¹ “Hini uro ‘Yeerichi yaafee kexon happiichi keejje qemona baroon hagon hakkiyoye’ itone” iyeete.

Maatiyoosi 26:61 ပူးပေါင်းရင်းမြစ်များ

Halloo 19:9

Boonoshiyoo “Bekk ikibe! Iibbittinoona hiniich beeya waati hini uro nallee nallecho tuneya qaawiibeete? And boonoshi toommooch tuniiya no gabitoyee beshoon ne toommooch tuniyemmo noone” iyeete. Looxin xuqqii hittiittilliiꞌi, shaaqqoon yexxii tiicha beddiyeete.

1 Taateenaꞌo 22:27

Aroochee, ‘Taatoo, “Diggoona ta wottemmi wottoon, ebi uroon cuyee kexooch gedote; dapphe koshonaa aaconoyee besh amoonolla biich immaahote” itone’ getote” iye.

2 Taateenaꞌo 9:11

Aroochee Yehi, ginee iraashoo tuneti bi nuucheenaꞌo waan wotteꞌi bi waammona, boonoshiyoo biich, “Mooyo bulli diggoone? Ebi geyecho ne waan bi waato, aakkiyane?” iꞌi echeheete. Biyoo, “Ebi uroon, bi yibbaatoonoo ariibeeto ittoshine” iye.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Maatiyoosi 12:24

Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.

Maatiyoosi 26:62

Aree hillooch qeeshee guudo tiyiꞌi Yesuusin “Ebi ne toommooch miixee beetinaꞌoyich noonoo wochaachemmo neene?” iꞌi echehe.

Maatiyoosi 26:71

Ishichiꞌi tiyii kecha kellooch bi hammimmona, bare shaajjetee ciinnaꞌa arooch beetinaꞌoyich “Hini uro Naazireetechi Yesuusina tookkii beetone” iyan.

Maatiyoosi 27:40

“Yaafee kexon happiichi wochiree keejje qemona haggeshocho! Eke ne qelloon wodiibe! Yeerichi Bushoo ne gaata, masqalee toommoochee kindibe!” iyeete.

Maatiyoosi 27:5

Arooba Yihudi birewoon yaafee kexooch duppiichii kechii hammii bi kishoona taaqqee qitiye.

Maariqoosi 14:58

“ ‘Ta hini ashi kishoona hakketi yaafee kexon happiichi ashi kishoona hakkeyaani bare yaafee kexon keejje qemona haggemmo taane’ iꞌi bi getaa waayeto noone” iyeete.

Maariqoosi 15:29

Aroona besheebeeti gommechinaꞌo boonoshi qelloon shuurikkiibee naageheete. “Eeh, yaafee kexon happiichi wochiree keejje qemona haggeshocho!

Luqaasi 23:2

“Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Yowannisi 9:29

Yeeri Muusich bi geton no ariibeeto noone; tunebaani hini uro amoochee bi waato gaatoona ariyaano noone” iyeete.

Mishiraachechinaꞌo 17:18

Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete.

Mishiraachechinaꞌo 18:13

Giddiiꞌi, “Hini uro ‘Ayihudee sheeroon qayiichi bare gommona Yeerich maddebote’ iꞌi asheenaꞌon dawushii beetone” iyeete.

Mishiraachechinaꞌo 22:22

Phawuloosi Aageteenaꞌochon tiijjiꞌi bi gettimmi wottoon, asheenaꞌo bi yibbaatoon waayee beeheete; ebin waayeꞌi bekkech boonoshi qaaroon oogichiꞌi, “Ebiyoommi uro showee toommoochee aallebe! Ebiyoommi uro kashoona beeyi bedaache!” iibee cookeeheete.