Maatiyoosi 26:55 - Kafa Linguistics Project

⁵⁵ Arooba Yesuusi dofee asheenaꞌoyich “Bokkoon yeshoommon taan yecha goraadoonaa yeelloonon yechiꞌi waahote? Yaafee kexooch bulli aaboon kotaꞌa dojjaa ta beehooba, taan yeshaano ittoshine.

Maatiyoosi 26:55 ပူးပေါင်းရင်းမြစ်များ

Maatiyoosi 21:23

Ebiyee gubb, Yesuusi yaafee kexooch giyiꞌi dojjii bi beetaa, qeeshee ukkireenaꞌonaa showee geeneenaꞌona bi waan giddeꞌi, “Hini mooyinaꞌon ne tuniibeeto, amee ukkirittinoon danaꞌaaniye? Hini mooyinaꞌon ne tuniyemmoyich konine neen wocheto?” iꞌi echeheete.

Maatiyoosi 26:47

Yesuusi ishin yibbaatee bi beetaa, bekkech aaraa gutteexi ikkoo Yihudi shaggiye. Biinna tookkii dofee asheenaꞌo goraadoonaa yeelloonon yechiꞌi waaheete. Boonoshiyoo qeeshee ukkireenaꞌonaa showee geeneenaꞌona waanee wochetaa waatinaꞌone.

Maariqoosi 10:1

Yesuusi aroochee tiyii Yihudee showooch shaggiꞌi, wotta aroochee Yoordaanoosi aachee beqach hammiye. Wochinnoon meeti asheenaꞌo bi waan kiceemmona aafichoommon boonoshich dojjii beehe.

Maariqoosi 12:35

Yesuusi yaafee kexoochaa dojjiibee ishichiꞌi echehe: “Muusichi Sheeree dojjechinaꞌo ‘Kiristoosi Daawitichi bushoone’ iꞌi amoyichiye boonoshi gettiibeeto?

Luqaasi 19:47

Ebiyee gubb, qemi qemona asheenaꞌoyich yaafee kexoochaa dojjii beehe; tunebaani qeeshee ukkireenaꞌo, Muusichi Sheeree dojjechinaꞌonaa Ayihudee ukkireenaꞌona Yesuusin wuxiya qaawii beeheete.

Luqaasi 20:1

Ikke areddoon Yesuusi yaafee kexooch giyiꞌi dofee asheenaꞌoyich dojjiibee Yeerichi mishiraachee qaaroon gettii bi beetaa, qeeshee ukkireenaꞌonaa Muusichi Sheeree dojjechinaꞌona showee geeneenaꞌona tookkii bi waan giddeꞌi,

Luqaasi 4:20

Bi shemmetoyee gubb macaafoon qoddiꞌi kellechoyich immiichii kotehe. Ayihudeenaꞌo kiceebeeti kexooch beetinaꞌo bulli biin manjiiꞌi boonoshi ciinnii beetaa,

Yowannisi 7:14

Baaree shabaattee daggooch Yesuusi yaafee kexooch hammiꞌi asheenaꞌoyich dojjooch giyiye.

Yowannisi 7:28

Ebich Yesuusi yaafee kexoochaa dojjiibee bi qaaroon oogichiꞌi ishichiye: “Taanoo ariibeeto ittoshine; amoochee ta waato gaata ariibeeto ittoshine. Ta, ta qelloona waataano taane; tunebaani taan wocheto gibeneetone; ittoshi biin ariyaano ittoshine.

Yowannisi 8:2

Haree maaddoona wotta yaafee kexooch wotteꞌi hammiye. Asheenaꞌo bulli bi waan waaheete. Koteꞌinoo boonoshich dojjiye.

Yowannisi 8:20

Yesuusi eboshi bullin bi gettito, yaafee kexooch beeti gijjee kicee qiicee gaꞌoochaa dojjiibeeniye. Tunebaani bi aabo shagaano bi tunetoyich, koniyoona biin yeshaanoone.