Maatiyoosi 26:53 - Kafa Linguistics Project

⁵³ Ebiyoommo gaata, ta Nihoon qollo taan mawemmo neech shaahii beete? Ta qolletaa, bekkech aaraa gutte Legiyoonee maraakeenaꞌoyee beshoon taach deejjeshone.

Maatiyoosi 26:53 ပူးပေါင်းရင်းမြစ်များ

2 Taateenaꞌo 6:17

Aroochee Elisayi ishichiꞌi corootiye: “Ta Doono Yeero, bi ciinnemmoyich bi aafoon gaxxibe” iꞌi qollehe. Ebina Doono Yeeri bi aafee bushoochi aafoon gaxxiye. Biyoo qaaqqee haresheenaꞌonaa gaarinaꞌona guudi toommooch ceenniꞌi, Elisayi guudoona beetinaꞌon beeggiye.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Maatiyoosi 4:11

Areegaata daabiloosi Yesuusin qajjii hammiye. Aroochee maraakeenaꞌo giddeꞌi Yesuusin deggiyeete.

Maariqoosi 5:15

Yesuus waan shaggiꞌi, Legiyooni getteebeeti yinneenaꞌo yechiti uro wodiꞌi, bi tahoon tahee kotee beeton beeggiꞌi shattiyeete.

Maariqoosi 5:9

Arooba Yesuusi “Ne shigo konine?” iꞌi echehe. “Meeto no tunetoyich, ta shigo Legiyoono getteehe” iꞌi wochiye.

Luqaasi 8:30

Arooba Yesuusi “Ne shigo konine?” iꞌi echehe. Meeti yinneenaꞌo bi toommooch boonoshi beetoyich, hini are uro wochiꞌi, “Ta shigo Legiyoono getteehe” iꞌi gettiye.

Yowannisi 10:18

Ta shuniree qitehoani, ta shunaanoon taan wuxemmo aalloone. Qitoonaa qitoochee timonoyich hakkoo taach beetone; ta Nihoo ‘Ebin tuniibe’ itone” iye.

Yowannisi 18:36

Yesuusi wochiꞌi, “Ta taatittine hini alemeexi tooneene. Ta taatittine hini alemeexi bi tuneto gaata, Ayihudee ukkireenaꞌoyich beshiitaa ta icheyaachemmoyich ta dabbeenaꞌo koyeshinaꞌone; tunebaani ta taatittine hini alemeexi tooneene” iye.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

Yihudi 1:14

Addaamiichee tiijjiꞌi shabaattinnee shiijjeroo tuneti Henooki wotta eboshichon ishichii keemmiꞌi, “Ebiyoche, Doono Yeeri asho bulli toommooch nalliya, hukkechinaꞌo tuneꞌi boonoshi shuuneti hukkee shuunoo bullich, hukkechi axaaxechinaꞌoo bi toommooch boonoshi yibbaateti gonde mooyo bullich boonoshi bulli toommooch nalliya, wodde hume yaafeenaꞌona tookkii bi waa beetaa beego” iꞌi gettiye.