Maatiyoosi 26:41 - Kafa Linguistics Project

⁴¹ Gondoochi nihoo dawushooch ittoshi giyaachemmoyich, kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Maatiyoosi 26:41 ပူးပေါင်းရင်းမြစ်များ

Shoddo 119:1

Xallittinoona shaꞌee beetinaꞌo, Doono Yeerichi sheeroona hammii beetinaꞌo, diireetinaꞌone.

Shoddo 119:115

Ta Nuggishoochi geteenaꞌon ta quyemmoyich gondeenaꞌote, ta waanee wohote.

Shoddo 119:117

Ta wodemmoyich taan dege; bulli aaboon ne qociyoon quyemmo taane.

Shoddo 119:32

Wodde shalligoon taach ne immaa beetoyich, ne geteenaꞌon tuniyoyich shittemmo taane.

Maatiyoosi 24:42

“Illa ittoshi Doono amee aabooba bi woyemmo gaata ariyaachote. Ebich qaalliree quyebote.

Maatiyoosi 25:13

“Illa Ashi Bushoo woyemmi aaboonaa saatoonon ariyaano ittoshine; ebich qanniree quyebote” iye.

Maatiyoosi 26:38

Boonoshin “Ta kashe ayinoona xuuxaꞌa kech beddetine. Hiniich beebote; tokketaayi kuppheree taanna tookki quyebote” iye.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Maariqoosi 14:38

Daakkiꞌi, “Gondoochi nihoo dawushooch ittoshi giyaachemmoyich kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Luqaasi 11:4

No wotta noon xuqqitinaꞌo bullin no maarii beetoyich, no gondoon nooch maaribe! Gondoochi nihoo dachooch noon geddaahine’ ” iꞌi gettiye.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Luqaasi 22:40

Are xaaꞌooch boonoshi shaggimmona bi dabbeenaꞌoyich “Gondoochi nihoo dawushooch ittoshi giyaachemmoyich corootibote” iye.

Luqaasi 22:46

“Amoyichiye ittoshi tokketeebeeto? Gondoochi nihoo dawushooch ittoshi giyaachemmoyich tiyiree corootibote” iye.

Luqaasi 8:13

Wotta maacaa xaqqechi showooch holliti yaroomminaꞌo geto, Yeerichi qaaroon waayeꞌi bekkech emiroona deqqiibeeti asheenaꞌo getone. Tunebaani cammon yeshaaneenaꞌone; boonoshi mulloon Yeeri toommooch boonoshi tooꞌiibeeto andichalli, daabiloosi boonoshin gondoon shuuniiya bi qiiccehooba, gubb shokiree echemminaꞌone.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

1 Qorontoosi 10:13

Ashi toommooch waabeeti qiiccoyee damba bare qiicco ittoshi toommooch waataanoone; ittoshi hakkoyee beshiti qiicco ittoshi toommooch bi woyemmoyich daaggaani Yeeri gibeneetone; qiiccee toommooch beebee qiiccoocheenoo ittoshi muriccemmi kelloon ittoshich qanniyemmone.

1 Qorontoosi 16:13

Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;

1 Qorontoosi 9:27

Tunebaani bareenaꞌoyich mishiraachee qaaree ceegoon bechiichaa, diqqich qiiccee doyoochee ta muricaa qiiccoochee Yeeri taan bi bayaachemmoyich, ta ashittinoon guripphaabee taach hajjiibeeto taane.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.