Maatiyoosi 26:39 - Kafa Linguistics Project

³⁹ Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Maatiyoosi 26:39 ပူးပေါင်းရင်းမြစ်များ

Halloo 17:3

Abraamiyoo bi baroona showooch guufehe. Yeeriyoo biich ishichiye:

2 Saameeli 15:26

Tunebaani taanna emiraano bi tunegaata, biich gaaweto tuneꞌi bekketon tuniibe; tawoo ebin deꞌoyich qannito taane” iye.

1 Kiinoo 21:16

Daawiti kaama ciinniꞌi, Doono Yeerichi maraakoo Yerusaalemi toommooch goraadoon kaaccii yechiꞌi shimaayoonaa showoonochi daggooch neexeꞌi bi beetaa beeggiye. Aroochee Daawitinaa ogoogeenaꞌona dookoon taheꞌi showooch baroona guufeheete.

Isiyaasi 50:5

Nuggishoo Doono Yeeri ta waamon qechitone; tawoo hukkecho toono taane; gubboo wotteyaano taane.

Isiyaasi 53:12

Bi kashoon qitooch beshiiꞌi bi immitoyich, gonde shuunechinaꞌona tookkii bi haddeetoyich, ogoogeenaꞌona tookki bi qoodoon qoodeyemmone; hakkechinaꞌona tookkishoo kecoon qoodeyemmone. Biyoo meetinaꞌochi axaaxoon shaaggiye; xuꞌechinaꞌoyichoo maaggehe.

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Haddoo 14:5

Aroochee Muusinaa Haroonina kiceeti Israꞌeelee iitoo bulli aafooch baroona showooch guufeheete.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Maatiyoosi 20:22

Tunetaa Yesuusi wochiꞌi, “Ittoshi qollemmon ariyaachote. Ta uchemmi xuuxee xoofoochee uyon hakkehote?” iye. Boonoshiyoo wochiꞌi, “Eeha hakkemmo noone” iyeete.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 26:42

Wotta guttinnoon hammiꞌi corootiibee, “Ta Nihoocho, hini xuuxee xoofoon uyo taach bi qaawiigaata, ne daaggoo tunebe” iye.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Luqaasi 17:16

Yesuusin galleteebee bi baatooch baroona guufehe. Hini are uroo Shamaaree ashoone.

Yowannisi 11:41

Asheenaꞌoo xaqqoon tiijjiyeete. Yesuusi kaama wottee ciinniꞌi, “Ta Nihoocho, taachon ne waayetoyich neen galletehoye.

Yowannisi 14:31

Tunebaani Nihoo Yeerin ta shunon alemo ariyemmoyich, Nihoo Yeeri ‘Tuniibe’ bi ito bullin shuunaabeeto taane. “And tibote; hiniichee hambone” iye.

Yowannisi 18:11

Yesuusi Pheexiroosin “Ne goraadoon bi gonenooch wochibe; Nihoo Yeeri taach bi immiti xuuxee xoofoochee uchaayote?” iye.

Yowannisi 5:19

Ebich Yesuusi wochiꞌi boonoshich ishichiye, “Iberoon ittoshich gettoye: Nihoo Yeeri tuniibeeto bullin bi Bushoo wotta biichoommon tunii beetone; ebich Nihoo Yeeri tuniitaa bi beeggitonalli, Bushoo bi qelloona amoonolla shuunoon hakkaache.

Yowannisi 5:30

Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.

Mishiraachechinaꞌo 10:25

Pheexiroosi shaggiꞌi kexooch bi giyimmona, Qorineloosi biinna daneꞌi tiyii bi baatooch dihiꞌi goyinnehe.

Filipphisiyoosi 2:8

Bi qelloon giishiihe; qitooch beddaahaa, ebiyoo masqalee toommooch yooddeꞌi qitooch beddaahaa, Yeerich deꞌa iye.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.