Maatiyoosi 26:3 - Kafa Linguistics Project

³ Arooba qeeshee ukkireenaꞌonaa showee geeneenaꞌona Qeyaafi getteebeeti qeeshee guudoochi kibbooch kiceeheete.

Maatiyoosi 26:3 ပူးပေါင်းရင်းမြစ်များ

Shoddo 56:6

Kiceeꞌi taan ottii quyeheete; ta hilloon hilleheete; ta kasheen aalliyoyich qaawiyeete.

Erimiyaasi 11:19

Tunebaani guureyooch hammiibeeti bagee baaddoon shaahiyo; boonoshiyoo “Mixon bi aafoona tookki dichibone; ebiyee bekk bi shigo shalligeyaachemmoyich, kashechinaꞌo beeti showoochee aalliibone” iꞌi ta toommooch boonoshi koceeton ta ariyaano taane.

Erimiyaasi 17:27

Tunebaani shambetee aabo yaafeeto tuniitaa bi quyeyemmoyich, shambetee aabooba shaagoon shaagiree ittoshi giyaachemmoyich ta getteton waayo ittoshi qayigaata, Yerusaalemi katemee kelleenaꞌooch qaaqqoon tuchemmo taane; qaaqqoo Yerusaalemi taatee kexinaꞌon maayemmone; tahishoo getaachemmone” itone’ gete” iye.

Maatiyoosi 26:69

Pheexiroosi kechi maach, kibbooch kotee bi beetaa, ikke shaajjetee bi waan giddaꞌa, “Ne wotta Galiilechi Yesuusina tookkaa beeto neene” iyan.

Maatiyoosi 27:27

Arooba iraashoochi ginee naayinaꞌo Yesuusin iraashoochi kibbooch daammiyeete. Echeti boonoshi guuphinaꞌo bullin bi beetooch ceeggii kiciyeete.

Maariqoosi 14:54

Arooba Pheexiroosi qeeshee guudoochi kibbooch beddaahaa wokkiibee Yesuusin dabbiye. Hammii uxeree maac giyii kellechinaꞌona tookkii koteꞌi qaaqqoon kachii beehe.

Maariqoosi 14:66

Areegaata Pheexiroosi kibbee maac deshi baata bi beetaa, qeeshee guudoochi shaajjeteenaꞌo daggoochee ikkee bi beetooch waahan.

Maariqoosi 15:16

Arooba ginee naayinaꞌo Firatoriyoo getteebeeti iraashoochi kibbooch daammiꞌi echeti boonoshi guuphinaꞌo bullin ikkooch ceeggii kiciyeete.

Luqaasi 22:55

Asheenaꞌo kibbee daggooch qaaqqoon shookkiꞌi ikkooch kotee boonoshi beetaa, Pheexiroosiyoo giyiꞌi boonoshi daggooch kotehe.

Luqaasi 3:2

Haanninaa Qeyaafina qeeshee guudeenaꞌo tuneꞌi boonoshi beehooba, Zakaariyaasichi bushoo Yowannisi barahooch bi beetaa, Yeerichi qaaro bi waan waahe.

Yowannisi 11:57

Aroyee aaf qeeshee ukkireenaꞌo, Fariseenaꞌoo biin yecha qaawiꞌi, “Yesuusi beeti xaaꞌoon ariibeeti asho bi beegaata, waaree nooch gete” itinaꞌone.

Yowannisi 18:24

Aroochee Haanni Yesuusin bi cucheetona qeeshee guudo Qeyaaf waan daachiihe.

Yowannisi 18:28

Yesuusin Qeyaaf waanee Yihudee iraashoo kibbooch daammiyeete. Showoo batt maaddoone; Ayihudeenaꞌo “Iraashoo kibbooch giyaꞌa no eeꞌegaata Beshee Baaree maayoon mamon hakkaachemmo noone” iꞌi boonoshi shattitoyich, iraashoo kibbooch giyaaneenaꞌone.