Maatiyoosi 26:24 - Kafa Linguistics Project

²⁴ Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Maatiyoosi 26:24 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Shoddo 55:15

Gonde mooyo boonoshi daggooch, boonoshi kexoochoo bi beetoyich, qitoo boonoshich shage; kashoona beechi maash hambeete.

Shoddo 55:23

Tunebaani Yeero, gondeenaꞌon maash daachiyemmo neene; ashi kashee kichechinaꞌonaa dachechinaꞌona boonoshi eeni qatonolla beetaachemminaꞌone. Tunebaani ta, neen gibenehoye.

Daaneeli 9:26

Shichaa gutte kaallee shabaatte natoyee gubb, Huutteton wuxemminaꞌone; amolla biich echeyaachemmone. Woyemmi taatoochi ginee naayinaꞌo are katemoonaa yaafee kexonon aalliyemminaꞌone. Bi ciiroo ambamboochoommon diqqoona woyemmone; Yeeri gettiti ginoonaa aalloona ciirooch beddaahaa tunemmone.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Maatiyoosi 18:7

Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo!

Maatiyoosi 26:31

Arooba Yesuusi bi dabbeenaꞌoyich ishichiye: “ ‘Yeeri “Qiddoon xoobbemmo taane; bageenaꞌo shacemminaꞌone” iꞌi gettitone’ getaa kooreetone; ebich hanaach xum ittoshi bulli taan qajjemmo ittoshine.

Maatiyoosi 26:54

Ishigaata, Yaafe Macaafoochaa ‘Ebi tunemmone’ getteeto aabichiree ceennehe?” iye.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

Maariqoosi 14:21

Ashi Bushoo biicho bi kooreetoommon qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata biich gaawiye” iye.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Luqaasi 22:22

Ashi Bushoo shiichiꞌi bi maaccetoommon qitemmone; tunebaani biin beshiiree immemmi are uroyich woowo!” iye.

Luqaasi 24:46

Boonoshich ishichiye: “ ‘Kiristoosi xuuxoon beeggemmone; bi keejje qemooba qitoochee tiyemmone.

Yowannisi 17:12

Boonoshina tookkaa showee toommooch ta beehooba, taach ne immeti ne shigoona ta boonoshin quyeto taane, shiweto taane. Yaafe Macaafooch kooreeto ceennemmoyich, aalloyich kaacheti are uroyee damba koniyoona aalleyaanoone.

Yowannisi 19:24

Ebich ginee naayinaꞌo boonoshinaa boonoshina “Ixoo kuxaa konich bi kechemmo gaata, beegonalli keexxaayone” iyeete. Ebi bi tuneto, “Ta taheenaꞌon boonoshinaa boonoshina qoodeeheete; genje ta tahoochoo ixoon duppiyeete” ii beeti Yaafe Macaafee qaaro bi ceennemmoyichiye. Ginee naayinaꞌoo tuniito ebiniye.

Yowannisi 19:28

Ebiyee gubb, Yesuusi mooyo bulli ceenon ariiꞌi, Yaafe Macaafee qaaro ceennemmoyich “Shachewehoye” iye.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

1 Qorontoosi 15:3

Wotta taach icheti bulliyee beshe mishiraachee qaaroon beshii ittoshich immeto taane. Ebiyoo Yaafe Macaafooch bi kooreetoommon, Kiristoosi no axaaxoyicha iꞌi qitiye; duukkehe; Yaafe Macaafooch bi kooreetoommon, keejje qemooba qitoochee tiyiye.