Maatiyoosi 26:10 - Kafa Linguistics Project

¹⁰ Yesuusiyoo hini boonoshi yibbaatoon ariiꞌi boonoshich ishichiye: “Hini ureen amoyich iritii beetote? Biyoo taach deꞌe shuunoon shuunetine.

Maatiyoosi 26:10 ပူးပေါင်းရင်းမြစ်များ

Nehimi 2:18

Ta Nuggishoo gaawe aafoona taan bi ciinon, wotta taatoo taach gettiti mooyonoo boonoshich getteho. Boonoshiyoo “Tiyiree wochinnoon shuunebone” iyeete. Ebi gaawe shuunoon shuunoyich kuppheꞌi tiyiyeete.

Iyoobi 13:7

Kootoon ittoshi koottiibeeto Yeericha iiniye? Dachee yibbaatoon ittoshi yibbaateebeeto biicha iiniye?

Maatiyoosi 26:11

Girechinaꞌo bulli aaboon ittoshina tookkiiniye boonoshi beeto; tunetaa ta bulli aaboon ittoshina tookki beetaachemmo taane.

Maatiyoosi 26:9

Ebi shitto aaxxe gatiyoona kemaa girechinaꞌoyich amoyich icheyaache?” iyeete.

Maariqoosi 14:6

Tunetaa Yesuusi ishichiye: “Qayote! Hini ureen amoyich iritii beetote? Biyoo taach deꞌe shuunoon shuunetine.

Luqaasi 8:49

Yesuusi ebin getooch bi beetaa, ikke uro Ayihudeenaꞌo kiceebeeti kechi ukkiroo kexoochee waaꞌi Yaaroosin “Ne bushee qititine; illa Dojjechon iritiyaahine” iye.

2 Qorontoosi 9:8

Bulli aaboon bulli gommona ittoshich qaawiibeeto bullin daneree, gaawe shuunoo bullin woddiree ittoshi shuunemmoyich, Yeeri bi wojjoo bullin ittoshich woddiyoon hakkiye.

Galaati 1:7

Ebi are qaaro mishiraachee qaaro toonoone. Tunetaa ittoshin shuurikkoonaa Kiristoosichi mishiraachee qaaroon xummiyoonoyich shunniibeeti ikkikkeenaꞌo beetinaꞌone.

Galaati 5:12

Dokireebote iꞌi ittoshin shuurikkii beetinaꞌo dokireyoo qayaa nasheesholla geteete.

Galaati 6:17

Yesuusichi malletoo tuneti banoo ta ashittinooch beetone. Ebich ebiyee bekk koniyoona taan iritiyaaye.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

1 Ximootiyoosi 3:1

“Koniyoona kittinnee guuphon yaabii qeejjiibeeti geeno tunoon bi qaatigaata, gaaweti shuunoon qaatitone” ii beeti qaaro iberoone.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

2 Ximootiyoosi 2:21

Illa asho koniyoona ebi gonde mooyinaꞌoochee bi qelloon bi xalliigaata, aaxxe qiicoon tunemmone; bi Doonoyich diireeꞌi bi Doono biinna shuun bedo, gaawe shuunoo bullich qanniti qiicoon tunemmone.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Titoosi 3:1

Ne waan beeti kittinneenaꞌon, iraasheenaꞌonaa ukkireenaꞌonoyich hajjee beetinaꞌonaa deꞌa ii beetinaꞌona, deꞌe shuunoo bullichoo qannitinaꞌo,

Titoosi 3:14

No macceenaꞌo wotta aafaalloon tuneree boonoshi echeyaachemmoyich, boonoshich qaawiibeeti mooyo beeyemmoyich buushaarechi shuunee yeshon doyibeete.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.