Maatiyoosi 25:5 - Kafa Linguistics Project

⁵ Woꞌee keno yagitoyich, boonoshi bullin geepphiro yeshaa tokketeheete.

Maatiyoosi 25:5 ပူးပေါင်းရင်းမြစ်များ

Solomooni 3:1

Xum xumoon ta beeroochaa, ta shiiqqin sharaataa beehoye; biin sharaatehoye; tunebaani daneyaane taane.

Solomooni 5:2

Ta tokketeti taane; tunebaani ta mullo qaallitone; ta shiiqqi ishichiibee kelloon bi qofon waayeho: Biyoo, “Ta manee ta shiiqqeene, amee bacholla ne achooch aalli ta daabbicheene, kelloon taach qechibe. Ta qello doshoona, ta qelli eexo aqqee googgoona oqqitone” iye.

Solomooni 5:3

Ta tahoon shootteti taane; illa wochi tahebote? Ta baatoon macheti taane; illa wochi kiiniibote?

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Maatiyoosi 24:48

Tunetaa are gonde wochee bushoo ‘Ta doono kaate wotteyaachemmone; yagemmone’ ii bi mulloona gabiꞌi,

Maatiyoosi 25:19

“Meeti agenoyee gubb hini wochee bushiisheenaꞌochi doono wottee waaꞌi, ‘Ta gijjoon amoon tuniitote?’ iꞌi echehe.

Maatiyoosi 25:4

Tunetaa mullechinaꞌo boonoshi ceechoonaa wotta qulloona bare ceechee zayitoonon yechiꞌi kechiyeete.

Maatiyoosi 25:6

“Xumi gutte qellimooch ‘Ebiyoche, woꞌee keno waa beetone; keyiree giijjibote’ immi cookoon waayeheete.

Maatiyoosi 26:40

Aroochee keejje bi dabbeenaꞌo waan wotteꞌi bi waahaa, tokketeꞌi beetinaꞌon danehe. Pheexiroosinoo “Illa taanna tookkii ikke saatoonona tokketeyaanoon kuppheꞌi quyoon hakkaachote?

Maatiyoosi 26:43

Guttinnoon wotteꞌi bi waahaa, geepphirona daadeeꞌi tokketee boonoshi beetaa danehe.

Luqaasi 1:21

Ebi bulli tunemmi wottoon asheenaꞌo Zakaariyaasin quyee beeheete; “Yaafee kechi maacooch amoyich yagiye?” iꞌi shaammiyeete.

Luqaasi 12:45

Tunetaa are wochee bushoo ‘Ta doono kaate waataachemmone; yagemmone’ ii bi mulloona gabiꞌi, bi doonoyich maddeebeeti anaaminaꞌonaa maacheenaꞌonon yexooch, mamonaa uyonooch, mashoochoo bi giyigaata,

Luqaasi 18:8

Ittoshich gettoye: Boonoshich kaateree nallemmone. Tunebaani Ashi Bushoo waahooba, showee toommoochee boonoshi mulloon bi toommooch tooꞌiiꞌi biin quyee beetinaꞌon danehe?” iye.

Luqaasi 20:9

Yesuusi hini shaahiyoon dofee asheenaꞌoyich ishichiꞌi getooch giyiye: “Ikke uro woyinoon bi budooch bechiye; aree hillooch goyi shiimeree quyemminaꞌoyich quyiichii bare showooch hammiꞌi yagiye.

Roomi 13:11

No wodee aabo, mulloon Kiristoosi toommooch no tooꞌiiti aaboyee beshoon and no waan katinnitone. Ebich tokketoochee no tiyemmi saato and shaggito bi tunoon, yemeenoon ariibote.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.