Maatiyoosi 25:1 - Kafa Linguistics Project

¹ Daakkiꞌi Yesuusi ishichiye: “Ashi Bushoo woyemmi aabooba shimaajji taatittine ebin shaahemmine: Aashire gidiideenaꞌo boonoshi ceechoon ceechiꞌi woꞌee kenoon giijjiya kechiyeete.

Maatiyoosi 25:1 ပူးပေါင်းရင်းမြစ်များ

Shoddo 45:14

Shashechi bi tahoona taatoo waan woyemmine; gidiide bi nuucheenaꞌoo biin deennemminaꞌone.

Solomooni 1:3

Ne huutaabeeti shitto cinnechone; ne shigo ufeebeeti shittoommone; ebich gidiideenaꞌo neen shunniyeete.

Solomooni 5:16

Bi yibbaatoo oogeti shaawone; bi hullimallo macecikkitone. Yerusaalemi gidiideenaꞌote, ta shiiqqi, ta shunecho, ebiyoommone.

Solomooni 5:8

Yerusaalemi gidiideenaꞌote, ittoshin aderaa qollehoye; ta shiiqqin ittoshi danegaata, bi shunoona biiyeti ta tunoon biich getote.

Isiyaasi 54:5

Neen halliti Nuggishoo neech kenoon tunemmone; bi shigo Beshe Mawe Doono Yeeri getteehe. Israꞌeelee Yaafoo neen biishe wodiyemmone; biyoo showoo bullichi Nuggishoone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Maatiyoosi 13:24

Yesuusi bare shaahiyoon ishichiꞌi boonoshich gettiye: “Shimaajji taatittine ebiyoommine: Ikke uro bi goyooch deꞌe yaroon shookkiye.

Maatiyoosi 13:31

Wotta Yesuusi bare shaahiyoon boonoshich gettiye: “Shimaajji taatittine ebiyoommine: Asho bi goyooch shanaafee aafeen shookkiye.

Maatiyoosi 13:38

budoo alemoone. Deꞌe yaroo Yeerichi taatittinee bushiisheenaꞌone; dadaddoo gondoochi nihoo bushiisheenaꞌone.

Maatiyoosi 13:47

“Wotta shimaajji taatittine ebiyoommine: Haashe yesheenaꞌo boonoshi dabboon baharooch dufaa, dabboo haashee yaroo bulliichee yechiye.

Maatiyoosi 20:1

Wotta Yesuusi ishichiye: “Shimaajji taatittine ebiyoommine: Ikke woyinee doono bi woyinee goyee daggooch gijjoo qocee shuunemmi shuunechinaꞌon qaawooch maaddiꞌi kechiye.

Maatiyoosi 22:2

“Shimaajji taatittine ebiyoommine: Ikke taatoo bi bushoochi gaaroyich gifiroon qanniihe.

Maatiyoosi 25:7

“Areegaata gidiideenaꞌo tokketoochee tiyiꞌi boonoshi ceechoon qanniiheete.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Maatiyoosi 9:15

Yesuusiyoo ishichiꞌi wochiye: “Woꞌee keno boonoshina tookkii beetaa, miyaateenaꞌo muusheneheete? Tunebaani woꞌee keno boonoshi waanee baremmi aabo woyemmone; arooba coomemminaꞌone.

Yowannisi 18:3

Ebina Yihudi, faanusoonaa ceechoonon, ginoonaa gaachoonon yechiti ginee naayinaꞌon, wotta qeeshee ukkireenaꞌonaa Fariseenaꞌona wocheti yaafee kechi kellechinaꞌon dabbiiꞌi waahe.

Yowannisi 3:29

Woꞌee bi kenoochine; neexeꞌi waayeebeeti miyaatoo woꞌee kenoochi qaaroona oogichii emirii beetone. Illa ebina ta emiroo ceennitone.

Mishiraachechinaꞌo 20:8

No kiceeti kechi toommeexi kexooch meeti ceechoo beehe.

1 Qorontoosi 11:2

Bulli mooyona taan ittoshi gabii beetoyich, wotta ittoshich ta immeti doyoon manjiiꞌi ittoshi yechii beetoyich, ittoshin galletaabeeto taane.

2 Qorontoosi 11:2

Yeeri ittoshin bi qanaatee beetoommon, ebiyoommon ta wotta ittoshin qanaataabeeto taane. Ebiyoo shaakkeyaani gidiidechoommon ikke anaamoyich ittoshin ta immetoyichiye; aroo Kiristoosine.

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.

Yaaꞌoo 19:7

Bagoochi gaaro shaggitoyich, bi woꞌeyoo bi qelloon bi qanniitoyich emiribone; emiroona wucwucone; oogee yiiroonoo Yeerich imbone.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.

Yaaꞌoo 21:9

Aree hillooch ciireexi shabaatte naxo ceenniti shabaatte xoofeenaꞌon yechiti shabaatte maraakeenaꞌoochee ikkoo waaꞌi taan “Hach ta waan wobe! Bagoochi mechee tunemmi woꞌeen neech bekkiibona” iꞌi gettiye.

Yaaꞌoo 4:5

Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.

Yaaꞌoo 8:10

Keejjinnee maraakoo tiroon huggiye; qaaqqee conjoochoommon micciibeeti ooge xojjeno shimaayoochee kindiꞌi aacinaꞌochi keejje beereexi ikke beeroonaa aachi xuupheenaꞌonochi toommooch holliye.