Maatiyoosi 24:6 - Kafa Linguistics Project

⁶ Ginee koyoonaa ginee woroonon waayemmo ittoshine; tunetaa keqqiyaahote. Ebi tuno echeyaachemmone. Tunebaani yemeenee ciiro battiye.

Maatiyoosi 24:6 ပူးပေါင်းရင်းမြစ်များ

Shoddo 112:7

Gonde yibbaatoo biin keqqichaachemmone; Doono Yeerin gibenoona bi mulloo manjoone.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 7:4

Taatoo Akaazichoo ishichiree gete: ‘Neen ariibe; cikkibe; shattaahine. Ebi micciꞌi cufiibeeti gutte michi xugoomminaꞌo tuneti Sooriyee taatoo Resininaa Remaliyichi bushoonoyich ne mullo keqqaaye.

Erimiyaasi 47:6

“Ittoshiyoo, ‘Hini Doono Yeerichi goraadoocho, ne cikkiyaachemmo aati wottooniye? Ne gonenooch gibe; cikkishoo kashebe’ gettemmo ittoshine.

Hiziqeeli 21:28

“Ashi bushoocho, keemoon keembe; Nuggishoo Doono Yeeri ta Amooneenaꞌonaa boonoshi naagoochonon ta gettaa beeton ishichi gete: ‘Goraado guuroyich kaacceetone; aalliyoyich yoppheetone; xeeyoochoommon waccoyichoo yoppheetone.

Maatiyoosi 2:3

Taatoo Heroodisi ishin waayeꞌi keqqiye; wotta Yerusaalem beetinaꞌo bulliyoo keqqiyeete.

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Maatiyoosi 26:54

Ishigaata, Yaafe Macaafoochaa ‘Ebi tunemmone’ getteeto aabichiree ceennehe?” iye.

Luqaasi 21:19

Kuppheꞌi ittoshi neexegaata, bulli yemeenee kashoon danemmo ittoshine” iye.

Luqaasi 21:9

Ginee woroonaa hukkee woroonon ittoshi waayehooba keqqiyaahote. Ebi bulli shiichii tuno echeyaachemmone; tunebaani yemeenee ciiro bekkech tuneyaachemmone” iye.

Yowannisi 14:1

Yesuusi daakkiꞌi bi dabbeenaꞌoyich ishichiye: “Ayini xuuxeyaahote; ittoshi mulloon Yeeri toommooch tooꞌiibote; wotta ta toommoochoo tooꞌiibote.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

2 Tasaloonqi 2:2

ikkikkeenaꞌo “Doonochi aabo waatone” getaa, kaate ittoshi shaddeyaachemmonaa ittoshi keqqaachemmonoyichiye. Nooch bekketi keemoona woyee no getteti qaaroona woyee koorii no wocheti wochoona ishichii getteto shaahiitaa ittoshich getteeto tunemmone.

Yaaꞌoo 6:4

Bare hareshoo kechiye; biyoo ceelloone; aroon yebbetoyich, asheenaꞌo boonoshinaa boonoshina ikkoo baroon wuxemmonaa diggoon showee toommoochee bi aalliyemmonoyich hakkoo ichehe; wotta ooge goraado biich ichehe.