Maatiyoosi 24:5 - Kafa Linguistics Project

⁵ Meetinaꞌo ‘Taane Kiristoosi’ getibee ta shigoona waaree meeti asheenaꞌon muriciyemminaꞌone.

Maatiyoosi 24:5 ပူးပေါင်းရင်းမြစ်များ

Erimiyaasi 14:14

Aroochee Doono Yeeri taach ishichiye: “Keemechinaꞌo kootoon ta shigoona keemmiyeete; boonoshin wocheyaano taane; boonoshich getaano taane; boonoshich yibbaateyaano taane; koote yaaꞌoon, duube qaaxoon, boonoshi mullee dawushoon ittoshich keemmii beetinaꞌone.

Erimiyaasi 23:21

“Ta wocheyaanoon ebi keemechinaꞌo wocciyeete; boonoshich ta getaanoon keemoon keemmiyeete.

Erimiyaasi 23:25

“ ‘Gummeto taane; gummeto taane’ iibee ta shigoona koote keemoon keemmiibeeti keemechinaꞌo mooyon waayeto taane.

Erimiyaasi 37:9

“Doono Yeeri ishichiye: ‘Baabloonee ginee naayinaꞌo noon qayi hammemminaꞌone’ geti ittoshi qelloon dawushiyaahote; wotta hamaachemminaꞌone.

Maatiyoosi 24:11

Meeti koote keemechinaꞌo tiyemminaꞌone; meetinaꞌonoo muriciyemminaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Yowannisi 5:43

Ta, ta Nihoochi shigoona waato taane; tunebaani ta yibbaatoon iberiyaano ittoshine. Baroo bi shigoona bi waagaata, bi yibbaatoon iberiibeeto ittoshine.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Yowannisi 8:28

Ebich Yesuusi boonoshich “Ashi Bushoon kichii ittoshi yoodiyooba, ta aroo ta tunoon, wotta ta gettaabeeto ta Nihoo gettiton baachalli, ta qelloona amoonolla ta tuniyee qayon arooba ariyemmo ittoshine.

1 Yowannisi 2:18

Ta shuni bushiisheenaꞌote! Hini yemeenee ciiroone; ebich “Kiristoosina koyecho woyemmone” getaa ittoshi waayetoommon, andolla meeti Kiristoosina koyechinaꞌo tiyitinaꞌone. Ebina yemeenee ciiro bi tunoon ariibeeto noone.

1 Yowannisi 2:22

“Aroo Kiristoosi toonoone” iꞌi Yesuusin nookkee beetoyee damba koottiibeeto, konine? Nihoo Yeerinaa Yeerichi Bushoonon nookkeebeeto aroo Kiristoosina koyechone.

1 Yowannisi 4:3

Wotta Yesuus Kiristoosi meenona bi womon nookkeebeeti ayaano bulli Yeer magecho toonoone. Ebiyoo Kiristoosina koyechi ayaanoone. Aroo woyemmone getaa waayeto ittoshine; andolla hini showee toommooch beetone.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.