Maatiyoosi 24:31 - Kafa Linguistics Project

³¹ Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Maatiyoosi 24:31 ပူးပေါင်းရင်းမြစ်များ

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 67:7

Yeeri noon diiriye; showee toommooch beeto bulli biin shattemmone.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 13:5

Boonoshiyoo showee tuggooch beddaahaa beeti, wohi showoochee waa beetinaꞌone; Doono Yeeri boonoshin, bi kaaroon bi bekkiyemmi ginee qiiceenaꞌo tuniiꞌi, showoo bullin aalliyoyich waa beetone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Isiyaasi 42:10

Doono Yeerich andire shoddoon shoddebote; bi galletoon showee toommo bulliichaa shoddebote. Baharee toommona shaꞌee beetinaꞌo bulli, baharee daggooch beeti halleenaꞌo bulli, galletebote. Baharee gashooch, buure showoonaa arooch beetinaꞌonote, shoddebote.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 60:4

“Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Zakaariyaasi 14:5

Ittoshiyoo guudon gutta keexxiꞌi Atsel shaggiti bamboona woccemmo ittoshine. Yihudee taatoo Uziyaahi yemeenooba showoo qewetaa ittoshi wocoommon woccemmo ittoshine. Ta Nuggishoo Doono Yeeri woyemmone. Yaafeetinaꞌo bulliyoo biinna tookki woyemminaꞌone.

Zakaariyaasi 2:6

Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.

Zakaariyaasi 6:5

Maraakoo taach “Eboshi neexee boonoshi maddeebeeti, showoo bullichi Doono Yeeri aafoochee kechii waabeeti, shimaajji awudde yongeenaꞌone.

Zakaariyaasi 9:10

Doono Yeeri ishichiye: “Gaarinaꞌon Efreemee showoochee, ginee haresheenaꞌon Yerusaalemee, aalliyemmo taane. Ginee koyee maꞌoonoo tiichemmo taane. Ittoshi taatoo diggoon aageteenaꞌoyich awaajjemmone. Bi taatittino, baharoochee baharooch bedo, Efiraaxisi aacoochee showee tuggooch bedo, tunemmone” iye.

Zakaariyaasi 9:14

Doono Yeeri boonoshi toommoochaa bekkemmone; bi shangoo xeeyoochoommon awureyemmone. Nuggishoo Doono Yeeri tiree qaaroon waayiyemmone; deshi-waani yubee yongoona hammemmone.

Maatiyoosi 13:41

Ashi Bushoo bi maraakeenaꞌon deejjemmone; asheenaꞌoyich xugo tunee beetinaꞌonaa hukkoon shuunee beetinaꞌo bullinon bi taatittinee daggoochee macemminaꞌone;

Maatiyoosi 24:22

Ebi aabeenaꞌo qaminaan gaata, koniyoona wodoon hakkaacheshone; tunebaani kaachetinaꞌoyicha getaa ebi are aabeenaꞌo qaminnitinaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 24:32

“Wotta balaasee mixoochee malletoon beegote. Balaasee mixo quummiꞌi atee bi waajjegaata, arooba qaawoo womon ariibeeto ittoshine.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Maariqoosi 13:27

Tawoo maraakeenaꞌon wochemmo taane; boonoshiyoo hamiree awudde kelloona showee tuggoochee, shimaayee tuggoocheenoo Yeeri kaaccitinaꞌon kicemminaꞌone” iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 11:52

Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Roomi 10:18

Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon, “Wocheyechinaꞌochi qaaro, alemo bullich waayeehe; boonoshi gettiti qaaro, showee tuggooch beddaahaa shaggiye.”

Efesooni 1:10

Ebiyoo yemeeno bedaa tuniiya bi gabiti mooyo, shimaayoonaa showoonooch beeto bulli ikkoo tuneree Kiristoosich bi hajjeyemmoyichiye.

Yibbaatoo 30:4

Showee tuggooch beddaahaa ne shacetaanona, ne Nuggishoo Doono Yeeri ebi aroochee neen kicemmone; aroochee neen deebemmone.

Yibbaatoo 4:32

“Ittoshi Nuggishoo Doono Yeeri ittoshin Gibitsee kichii deebiꞌi bi hajjee ashoon bi tuniihooba, kupphe bi kishoonaa giidechi bi mochoonon bekkiiꞌi Gibitseenaꞌon aabichiꞌi xuuxooch bi duppito gaata beeggito ittoshine. Biyoo worganikkiti malletoonaa gaakkechi mooyonon tuniiꞌi boonoshin keqqichiye; ittoshicha iinoo boonoshina koyehe. Aroyee gubb, Siini guudoochaa qaaqqee daggoochaa ittoshich bi yibbaatee beetaa waayehote; tunebaani and beddaahaa kashoona beeto ittoshine. Doono Yeeri ashoon bi hallitoochee tiijjiꞌi and beddaahaa, ebiyoommi mooyo tunee ariibeete? Showee toommo bulliich guuddii ittoshi qaawitaanona, ittoshi Nuggishoo Doono Yeeri ittoshich tuniitoommi mooyon tuniiti bare nuggishoo beemon waayeto koninolla daneyaachemmo ittoshine.

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

2 Tasaloonqi 2:1

Andoo no maneenaꞌote! No Doono Yesuus Kiristoosi wottee womichonaa bi waan no kiceyeechonon ittoshin no qollaabeeto,

Hibireena'o 12:19

Tiree qaaroon, Yeerichi yibbaatee qaaroonoo waayeheete. Are Yeerichi qaaroon boonoshi waayeti hillooch Yeeri daakkiree bare qaaroon bi getaachemmoyich qolleheete.

Yaaꞌoo 1:20

Ta qanne kishooch ne beeggeti shabaatte xojjenoonaa aachoochee shuuneeti shabaatte maqirajjoonochi maacee mooyo ebine: Shabaatte xojjeneenaꞌo geto, shabaatte kittinnee guuphinaꞌochi maraakeenaꞌone; shabaatte maqirajjeenaꞌo geto wotta, shabaatte kittinnee guuphinaꞌo getone.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 7:1

Aroyee gubb showeechi awudde kelloona neexeti awudde maraakeenaꞌon beeggeho. Boonoshiyoo showee toommooch tuneba baharee toommooch, amee michi toommoochoo yongo yongeyaachemmoyich awudde kelloona yongeebeeti yongeenaꞌon yechii bajjiyeete.

Yaaꞌoo 8:2

Aroochee Yeeri aafooch neexeebeeti shabaatte maraakeenaꞌon beeggeho; shabaatte tiroo boonoshich ichehe.