Maatiyoosi 24:14 - Kafa Linguistics Project

¹⁴ Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Maatiyoosi 24:14 ပူးပေါင်းရင်းမြစ်များ

Hiziqeeli 7:10

“Ebiyoche deco! Israꞌeeli aallee aabo shaggitone; xuꞌoonaa hukkoona woddetone; geecoo diccii oogetone.

Maatiyoosi 10:7

Hamibee, ‘Shimaajji taatittine ittoshi kellooch shaggetine’ getote.

Maatiyoosi 18:19

“Wotta ittoshich gettoye: Hini showee toommoochaa ittoshi daggoochee guttoo, amee mooyonona ikke mulloona tuneꞌi boonoshi qollegaata, shimaayooch beeti ta Nihoo boonoshi qolleto bullin boonoshich tuniyemmone.

Maatiyoosi 24:3

Wotta Yesuusi Zayitee Michi guudi toommooch kotee bi beetaa, bi dabbeenaꞌo boonoshi ikkeeto bi waan giddeꞌi, “Eke nooch gete: Hini mooyo bi tunemmo aatane? Ne womonaa yemeenee ciiroonon bekkiyemmi malletoo amoone?” iꞌi echeheete.

Maatiyoosi 24:6

Ginee koyoonaa ginee woroonon waayemmo ittoshine; tunetaa keqqiyaahote. Ebi tuno echeyaachemmone. Tunebaani yemeenee ciiro battiye.

Maatiyoosi 4:23

Ebiyee gubb, Yesuusi Ayihudeenaꞌo kiceebeeti kexoochaa dojjiibee, Yeerichi taatittinee mishiraachee qaaroon gettiibee, biiyo bulliichee asheenaꞌon wodiibee, Galiilee showoo bullina guuddii beehe.

Maatiyoosi 9:35

Ebiyee gubb, Yesuusi Ayihudeenaꞌo kiceebeeti kexoochaa dojjiibee, Yeerichi taatittinee mishiraachee qaaroon gettiibee, asheenaꞌo toommooch beeti biiyo bullin wodiibee, katemoonaa gafoo bullinooch guuddii beehe.

Maariqoosi 13:10

Shiichiree mishiraachee qaaro aageteenaꞌo bullich getteyoo qaawiihe.

Luqaasi 2:1

Aroobee yemeenooch Awugisixoosi Qesaari bi taateebeeti aagetoo bulliich beeti asho haddaa bi kobereyemmoyich awaajjiye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Luqaasi 4:5

Aroochee daabiloosi Yesuusin ikke xoobooch kichiꞌi alemooch beeti taatee showoo bullin qillifee yexx bedaan beetaa bekkiihe.

Mishiraachechinaꞌo 11:28

Areenaꞌo daggoochee ikke Agaaboosi getteebeeti uro tiyiꞌi, “Alemo bulliich giidechi shaacoo giya ii beetone” iꞌi Yaafe Ayaano biich shalligichaa gettiye. Ebi keemo Qelawudoosi yemeenooba ceenniye.

Mishiraachechinaꞌo 17:31

Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.

Mishiraachechinaꞌo 17:6

Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone;

Mishiraachechinaꞌo 19:27

Illa asheenaꞌo no shuunoon hoxo qayaacheete; ebiyeenoo Isiyee showoonaa alemo bullinooch beetinaꞌo maddeebeeti ooge nuggishee Arixeemisichi yaafee kexo duppeti guudoochoommon hoxeyemmone; biyoo bi oogittinoochee kindemmine” iye.

Mishiraachechinaꞌo 20:25

“Ta ittoshi bulli daggooch guuddaabee, Yeerichi taatittineechon dojjito taane; ebiyee gubb illa ta aafoon beegaachemmo ittoshi tunoon ariibeeto taane.

Roomi 10:18

Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon, “Wocheyechinaꞌochi qaaro, alemo bullich waayeehe; boonoshi gettiti qaaro, showee tuggooch beddaahaa shaggiye.”

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:6

Ebi mishiraachoo ittoshi waan shagaa, Yeerichi wojjee iberoon waayeꞌi gaawichii ittoshi ariiti aaboochee tiijjiꞌi ittoshi daggooch bi tuniitoommon, wotta ebiyoommon alemo bulliich aafoon aafee beetone; gaminniinoo beetone.

Hibireena'o 1:6

Wotta Yeeri qaabbe bi Bushoon hini alemooch wochee bi deejjiyooba, “Yeerichi maraakeenaꞌo bulla biich goyinnebeete” iye.

Hibireena'o 2:5

Asheenaꞌo beeyemmi, gubb woyemmi andire showoon, aroo no gettaabeeti showoon maraakeenaꞌoyich hajjiyaanoone.

Yaaꞌoo 14:6

Ebiyee gubb, showee toommooch beetinaꞌoyich, aagetoo bullich, ashi yoodo bullich, baribare noonoona yibbaateebeeti asheenaꞌo bullich, ashi yaroo bullich bi gettemmi, bulli yemeenooch beddaahaa tunemmi mishiraachee qaaroon yechiti bare maraakoo shimaayoona yoobbii bi beetaa beeggeho.

Yaaꞌoo 16:14

Eboshiyoo malletoon bekkiibeeti yinneenaꞌone; hini are yinneenaꞌo showee toommeexi taateenaꞌo bulli waan kechii beetinaꞌone; boonoshi kechiibeetoo, Beshe Hakkechi Yeerichi nallee ooge aabooba tunemmi ginee koyee xaaꞌooch boonoshin kicii deeboyichiye.

Yaaꞌoo 3:10

Haaꞌiibe iyaꞌa neech ta getteti qaaroon ne quyetoyich, hini showee toommooch beeti asheenaꞌo bullin phireya, showee toommo bulliich woyemmi xuuxee aaboochee tawoo wotta neen quyemmo taane.