Maatiyoosi 23:8 - Kafa Linguistics Project

⁸ “Tunebaani ittoshi dojjecho getaa ceekkeyaahote. Ittoshich ikke Dojjecho baach bi beetoyich, ittoshi bulli ikke manoo ittoshine.

Maatiyoosi 23:8 ပူးပေါင်းရင်းမြစ်များ

Maatiyoosi 10:25

Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 23:10

Ittoshi Doono ikkoo, biyoo Kiristoosine; ebich doono getaa ceekkeyaahote.

Maatiyoosi 23:7

gabiyee godoochaa showooch qebonee diggiyoonaa dojjechocho getaa ceekkoonon qaawiyeete.

Maatiyoosi 26:25

Beshii immemmi Yihudi wochiꞌi, “Dojjechocho, ta tunehote?” iꞌi echehe. Yesuusi wochiꞌi, “Ne noonoona gettetine” iye.

Maatiyoosi 26:49

Yihudi bekkech Yesuus waan giddeꞌi, “Dojjechocho, diggoo neech tunebe” iꞌi shummiye.

Maariqoosi 10:51

Yesuusiyoo aaf doogoon “Amoon neech ta tuniyemmoyichiye ne qaawaabeeto?” iꞌi echehe. Aaf doogo wochiꞌi, “Dojjechocho, ta aafoon ne ciichiyemmoyichiye” iye.

Maariqoosi 11:21

Pheexiroosi shalligiꞌi Yesuusin “Dojjechocho, beeggetine? Ne uppeti balaasee mixi shuuqqetiyoche!” iye.

Maariqoosi 14:45

Yihudi shaggii bekkech Yesuus waan giddeꞌi, “Dojjechocho!” iꞌi shummiye.

Maariqoosi 9:5

Pheexiroosi tiyiꞌi Yesuusin “Dojjechocho, hiniich beemo nooch gaawiye. Ebich keejje bashoon, ikkoon neech, ikkoon Muusich, ikkoonoo Eliyaasich, bashibone” iye.

Luqaasi 22:32

Tunebaani ta toommooch ne mullee tooꞌiyoon ne qayaachemmoyich corootito taane; ta waan ne wottehooba ne maneenaꞌo mulloon kupphiibe” iye.

Yowannisi 1:38

Biin dabbiibeeti asheenaꞌon Yesuusi gubb wottee ciinniꞌi, “Amooniye ittoshi qaawiibeeto?” iye. Boonoshiyoo “Rabbo, ne beeto aabiichiye?” iꞌi echeheete. Rabbi geto “Dojjecho” getone.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 11:8

Bi dabbeenaꞌo “Dojjechocho, arooch beeti Ayihudeenaꞌo giisheche aaboyee aaf neen xaqqoona yexiree wuxiya qaawitinaꞌone; and arooch wotteree hamma inne?” iyeete.

Yowannisi 20:16

Yesuusi “Maariyame” iye. Areyoo guuddaa wottaꞌa Hibiree noonoona “Rabbuno!” iyan; ishi geto “Dojjechocho!” getone.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 3:26

Hini bi dabbeenaꞌo Yowannis waan waaꞌi, “Dojjechocho, Yoordaanoosi aachee beqach neenna tookkii beebee echeto, newoo biichon ne miixeto, ebiyoche, asheenaꞌon aacona afaallii beetone; asho bulli bi waan hammii beetone” iyeete.

Yowannisi 4:31

Ebi tunee beetaa, bi dabbeenaꞌo “Dojjechocho, maayoon mame” iꞌi ataalliyeete.

Yowannisi 6:25

Asheenaꞌo baharoyee beqach Qifirinaahaa Yesuusin daneꞌi, “Dojjechocho, hiniich ne waato aatoobane?” iyeete.

Yowannisi 9:2

Yesuusichi dabbeenaꞌo “Dojjechocho, hini uro aaf doogo tuneꞌi bi shiijjeto, koni axaaxoon shuunetenane? Biinee biin shiyitinaꞌone?” iꞌi echeheete.

2 Qorontoosi 1:24

Yeeri toommooch mullee tooꞌiyoona manjii ittoshi neexoon ariito noone; ebich ittoshina tookkaa no shuunaabeeto ittoshi emiremmoyich qaawaꞌaanalli, ittoshi mullee tooꞌiyee toommooch doonjittinoon qaawaꞌa toonoone.

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

Filimooni 1:16

Illa ebiyee damba neenna tookki bi beeyemmo guunoommon tuneyaanoon, guunoyee beshiti shucheti manoommoniye; taach shucheti manoone; neechoo wotta meenona tunebe Doonona beshoon shucheti manoone.

Yaaqobi 3:1

Ta maneenaꞌote! Dojjecho tuneti no toommooch beshe nalloo nalleyemmo bi tunoon ariibeeto ittoshine; ebich ittoshi daggoochee meetinaꞌo dojjechinaꞌo tunaayeete.

1 Pheexiroosi 5:3

Kittinnee guuphinaꞌoyich gaawe shaahiyoon tuneree bekkebotalli, boonoshin giidoona hajjiyaahote.

Yaaꞌoo 1:9

Ta ittoshi manoo Yowannisi, ittoshina tookkii, Yesuusina duꞌoon, taatittinoonaa haaꞌiyoonon qoodeyecho tuneto, Yeerichi qaaroon ta gettetonaa Yesuusichon ta miixetonoyich Fiximoosi getteebeeti buure showooch beeho.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 22:9

Tunebaani aroo “Neen ariibe! Eechiyaahine! Neechoommon, keemechi ne maneenaꞌochoommon, hini macaafooch kooreeton quyee beetinaꞌochoommonoo Yeerichi guuno taane; Yeerich baachiye ne goyinnemmo!” iye.