Maatiyoosi 23:34 - Kafa Linguistics Project

³⁴ Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Maatiyoosi 23:34 ပူးပေါင်းရင်းမြစ်များ

2 Taateenaꞌo 21:10

Doono Yeeriyoo bi guuninaꞌo tuneti keemechinaꞌona ishichiye:

2 Kiinoo 24:21

Tunebaani boonoshi bi toommooch koceeheete; taatoochi getoona Doono Yeerichi yaafee kechi addibaaboochaa xaqqoona yexxiꞌi biin wuxiyeete.

Shaahiyoo 11:30

Cadiqe ashi shuunee aafo kashoon daniihe; asheenaꞌon kiciibeeto ariyechone.

Erimiyaasi 26:8

Erimiyaasiyoo asho bullich bi gettemmoyich Doono Yeeri biich gettiton bi ciichiyee, qeesheenaꞌo, keemechinaꞌonaa asho bullina biin yechiꞌi, “Qitemmo neene.

Erimiyaasi 36:26

Koorechi Baaruukinaa keemechi Erimiyaasinon boonoshi yechemmoyich, taatoochi bushoo Yerahimeelin, Azirelichi bushoo Seraayinaa Abidelichi bushoo Shelemaayinoyich taatoo gettiye; tunebaani Doono Yeeri boonoshin aachiye.

Maatiyoosi 10:23

Arooba ikke katemoochaa ittoshin boonoshi duꞌiigaata, bare katemooch maxxebote. Iberoon ittoshich gettoye: Ashi Bushoo waammi wottoon Israꞌeelee showeexi katemoo bulliich bedaachemmo ittoshine.

Maatiyoosi 13:52

Biyoo “Illa shimaajji taatittineecha ta dabboo tuneti sheeree dojjecho bulli, bi kiciti qiicoochee andire mooyonaa geene mooyonon kichiibeeti doonoommone” iye.

Maatiyoosi 23:31

Ishigaata, keemechinaꞌon wuxitinaꞌochi bushiishoo ittoshi tunoon ittoshi qelloona miixee beetote.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Yowannisi 20:21

Yesuusi wochinnoon “Diggoo ittoshich tunebe. Nihoo Yeeri taan bi wochetoommon ta wotta ittoshin wochaabeeto taane” iye.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 11:27

Aroobee yemeenooch keemechinaꞌo Yerusaalemee Antsooka hammiyeete.

Mishiraachechinaꞌo 12:2

Yowannisi manoo Yaaqobin goraadoona wuxiihe.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 14:19

Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete.

Mishiraachechinaꞌo 15:32

Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 5:40

aree hillooch mishiraachechinaꞌon boonoshi waan ceekkiiꞌi, arengoona xoobbiyeete. “Yesuusichi shigoona guttinnoon yibbaateyaahote” iꞌi gawukkiyeete.

1 Qorontoosi 2:6

Kiristoosi toommooch mullee tooꞌiyoona kupphetinaꞌo daggoochaa no yibbaataabeeto, ibere shalligoonalli, hini showeexi ashi shalligoon woyee boonoshi oogoochee kindemmi hini showee iraasheenaꞌochi shalligoon toonoone.

1 Qorontoosi 3:10

Yeeri taach bi immiti wojjoona ariyechi gimbenyoo kexon hagga bi baashoommon baashito taane; baroo aree toommooch echeton ceechiya haggii beetone. Tunebaani haggiibeeto bi qelli qelloona aree toommooch aabichiree bi haggemmo gaata, bi qelloon ariibe.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

Hibireena'o 11:37

xaqqoona yexaa qitiyeete; magaazoona kappheeheete; goraadoona qitiyeete; bulli mooyon mucceebee, iritoon beeggiibee, xuuxeebeenoo bagoonaa emmishoonochi daroon taheꞌi guuddiyeete.

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.