Maatiyoosi 22:3 - Kafa Linguistics Project

³ Gaarooch ceekkeetinaꞌon boonoshi kicemmoyich bi wochee bushiisheenaꞌon boonoshi waan daachiihe; tunetaa ceekketi asheenaꞌo womon shunaaneenaꞌone.

Maatiyoosi 22:3 ပူးပေါင်းရင်းမြစ်များ

Shoddo 68:11

Doono getoon beshiihe; dofee asheenaꞌo bi getoon ishichiꞌi awaajjiyeete:

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Erimiyaasi 25:4

Doono Yeerichi keemechi bi guuninaꞌo bullin wochii wochii deejjii beehe; tunebaani ittoshi elleyaano ittoshine; ebinoo mooch gedaano ittoshine.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Hosee'i 11:2

Tunebaani Israꞌeeli woddii ta ceeggemmona, woddiiꞌi ta waanee wokkiye. Ta asheenaꞌoo Baꞌaaloyich deejjoon deejjiyeete; shahalleenaꞌoyichoo ixaanoon shookkiyeete.

Hosee'i 11:7

Ta asheenaꞌo ta waanee bara wottoon qaawiyeete; gaachee danoyichoo damba cookiyeete; tunebaani boonoshin gaachemmo koniyoona aalloone.

Sofoniyaasi 1:7

Doono Yeerichi aabo shaggitone; Nuggishoo Doono Yeeri aafooch minnakanna gettaahote! Doono Yeeri bi asheenaꞌon gijjoon deejjoommon deejjiya qanniitone; Yihudee showoon boshemmi ettoon ceeggitone.

Maatiyoosi 21:34

Ebiyee gubb, woyinee aafee gooroo waataa, ‘Woyinee aafoon quyechinaꞌo waanee qoodeeree ta qoodoon deebote’ iꞌi bi guuninaꞌon quyechinaꞌo waan wochehe.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Maatiyoosi 9:15

Yesuusiyoo ishichiꞌi wochiye: “Woꞌee keno boonoshina tookkii beetaa, miyaateenaꞌo muusheneheete? Tunebaani woꞌee keno boonoshi waanee baremmi aabo woyemmone; arooba coomemminaꞌone.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Luqaasi 15:28

“Arooba qaabbe bushoo kaareꞌi ‘Kexooch giyaache’ iꞌi qajjiye. Ebich bi nihoo maaxooch kechiꞌi, ‘Hach kexooch gibe’ iꞌi qollehe.

Luqaasi 19:27

Wotta boonoshi toommooch ta taatemmoyich shunaani ta shixechinaꞌon yeshiree taach hach deebote. Ta aafoochaanoo boonoshin guuribote’ iye” iꞌi gettiye.

Yowannisi 5:40

Tunebaani kashoon danoyich ta waan womoyich shunaachote.

Mishiraachechinaꞌo 13:45

Tunetaa hini kiceeti dofee asheenaꞌon Ayihudeenaꞌo beeggiꞌi oogichii qanaateheete; naageebee, “Phawuloosi gettiti qaaro tato toonoone” iyeete.

Roomi 10:21

Tunebaani Israꞌeeleenaꞌochon, “Yeeri ‘Maaddoochee xum beddaahaa taach deꞌa getaani hukkechi asheenaꞌoyich ta kishoon yaggiyoye’ itone” iye.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

1 Saameeli 9:13

Katemooch ittoshi giyaahaa, mamoyich guudi toommeexi goyinnee xaaꞌooch bi hamaan beetaa, bekkech biin danemmo ittoshine. Deejjoon Yeeri diiremmoyich qollemmo biine; ebich bi waammi wottoon asheenaꞌo ciroona maataachemminaꞌone. Aroyee gubb ceekketi asheenaꞌo maayemminaꞌone. And kaateree hambote; biin bekkech danemmo ittoshine” iyeete.