Maatiyoosi 22:11 - Kafa Linguistics Project

¹¹ “Tunebaani taatoo ceekkeeti asheenaꞌon beegga gaaree kexooch giyiꞌi, asheenaꞌo daggooch gaaree tahoon taheyaani ikke uroon beeggiye.

Maatiyoosi 22:11 ပူးပေါင်းရင်းမြစ်များ

2 Taateenaꞌo 10:22

Aroochee Yehi yaafeeti tahee ukkiroyich, “Baꞌaaloyich goyinnee beetinaꞌo bullich tahoon kichi deebe” iye. Ebich kichiꞌi boonoshich deebiye.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Shoosho 5:22

Ebi tuno qayigaata, noon ciiroona duppetine, no toommoochoo oogichaa kaaretine, getone.

Sofoniyaasi 1:12

Arooba, ceechoon yeshiree Yerusaalemin boshemmo taane. Michii beetinaꞌon, boonoshi qelloon gibenee beetinaꞌon, boonoshi mulloonoo ‘Doono Yeeri gondoon tuneba deꞌe mooyon tuniyaache’ ii gabii beetinaꞌon naxemmo taane.

Maatiyoosi 13:30

Dadaddoo teepphoona tookki kashe; qecci goorooba qeccechinaꞌon “Dadaddoon shiichiree macibote; qiriree qaaqqoona michibote; teepphoon wotta ta gotooch gedote” gettemmo taane’ iꞌi gettiye” iye.

Maatiyoosi 22:10

Ebina are wocheyechinaꞌo gommooch kechiꞌi boonoshi daneto bullin, gondeenaꞌonoo, deꞌeenaꞌonoo kiciyeete; gaaree kexooch gaarechinaꞌo ceenniyeete.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 5:3

are shimaajji no kexon taheechi shokkaachoon tuneyaachone.

Galaati 3:27

Kiristoosina tookkii ikkotteꞌi afaalleeti ittoshi bulli Kiristoosin taheto ittoshine.

Efesooni 4:24

Ibere cadiqittinoonaa yaafittinoona Yeerin shaahoyich halleeti andire ashoon tahebote.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 19:8

Bagoochi woꞌechoo muttee tuppoochee cicii yokketaa shippeti, wacciibeeti xalle tahoon bi tahemmoyich ichehe” iye. Ebi are muttee tuppoochee cicii yokketaa shippeti taho yaafeenaꞌo shuuneti cadiqee shuunee shaahiyoone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.