Maatiyoosi 21:3 - Kafa Linguistics Project

³ Asho koniyoona tiyiꞌi ittoshin ikke mooyon bi getigaata, ‘Doonoyich qaaweetinaꞌone’ getote. Bekkech areenaꞌon ittoshich gawukkemmone” iye.

Maatiyoosi 21:3 ပူးပေါင်းရင်းမြစ်များ

1 Taateenaꞌo 17:9

“Tiyiree, Sidooni gaꞌooch beeti Tsarefaata hami kotebe. Ebi aroochaa ikke xuume ure neech bi maanjemmoyich getteto taane” iye.

Iziri 1:1

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosi mullo tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 1:5

Yihudinaa Biiniyaaminochi yoodee yaree ukkireenaꞌo, qeesheenaꞌo, Leweenaꞌo, boonoshi mulloon Yeeri shuurikkitinaꞌo bulliyoo, Yerusaalem beeti Doono Yeerichi kexon hagoyich, hamma tiyiyeete.

Iziri 7:27

Yerusaalem beeti Doono Yeerichi kexo ebiyoommon bi gaawemmoyich, ebiyoommi mooyon taatoochi mullooch kotiiti, taatoo aafooch, bi mikkirechinaꞌonaa hakkechi bi naayinaꞌo bullinochi aafoochoo bi ariqqoon taach bekkiiti, no qaabbechinaꞌochi Nuggishoo Doono Yeeri diireebe. Tawoo, ta Nuggishoo Doono Yeeri gaawe aafoona taan bi ciinnitoyich, kuppheho; Israꞌeeleenaꞌo daggoocheenoo yaree ukkireenaꞌo taanna tookki boonoshi hammemmoyich kiciyo.

Shoddo 24:1

Showoonaa arooch ceennito bullina Doono Yeerichone; showoonaa showee toommeexi asho bullina biichone.

Maatiyoosi 21:2

“Ittoshi aaf beeti gafooch hambote. Arooch tipheeꞌa beeti kureenaa biinna tookkii beeti bi bushoonon danemmo ittoshine; areenaꞌon biishiree taach deebote.

Maatiyoosi 21:4

Ebi bi tuneto, “Tsiyooni asheenaꞌoyich ‘ittoshi taatoo gaꞌi deꞌo tuneꞌi kureen yebbee, kureechi bushoon yebbee, ebiyoche, ittoshi waan waa beetone’ getote” getaa keemechona getteeto bi ceennemmoyichiye.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 3:35

Nihoo Yeeri bi Bushoon shunnii beetone; bullin biich hajjiitone.

Mishiraachechinaꞌo 17:25

Wotta aroo kashoon, hiinnoonaa bulli mooyonon asheenaꞌo bullich immiibeeto bi tunetoyich, biich shappito aalloone; ashi dego biich qaawiyaache.

2 Qorontoosi 8:16

Ittoshin gaachoyich no gabaa beetoommon Titoosiyoo wotta ebiyoommon ittoshich bi gabemmoyich tuniiti Yeeri galleteebe.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

1 Saameeli 10:26

Saaꞌooliyoo bi kexooch, Gibaaha hammiye. Yeeri boonoshi mulloon shuurikkiti, giidechi ginee naayinaꞌo biin dabbii hammiyeete.