Maatiyoosi 20:34 - Kafa Linguistics Project

³⁴ Yesuusi ariqqeꞌi boonoshi aafoon bi kishoona yechiye. Boonoshi aafo bekkech ciinniye; aroochee Yesuusin dabbiyeete.

Maatiyoosi 20:34 ပူးပေါင်းရင်းမြစ်များ

Shoddo 119:67

Taan ne sheeraani beehooba muriccaa beehoye; tunebaani and ne qaaroon quyaabeeto taane.

Shoddo 119:71

Ne qociyoon ta doyemmoyich bi tunetoyich, taan ne sheerito taach gaaweto tunetone.

Shoddo 145:8

Doono Yeeri ariqqechonaa maarechonane; kaaroyich nibbechone; wodde shoodechone.

Maatiyoosi 14:14

Yesuusi markabeechee kindiibee dofee asheenaꞌon beeggiꞌi bi maacoona ayiniye. Boonoshi daggooch beeti biiyechinaꞌon wodiihe.

Maatiyoosi 15:32

Ebiyee gubb Yesuusi bi dabbeenaꞌon bi waan ceeggiꞌi, “Hini asheenaꞌo taanna tookkii boonoshi koteto, hanaach keejje qemone. Boonoshi maayemmo aalletoyich, taan oogichii ayinikkitone. Gommoochaa maraateree boonoshi dihaachemmoyich, abete kashoona boonoshin daachiyoon shunaache” iye.

Maatiyoosi 20:33

“No Doonocho, no aafoon ne ciichiyemmoyichiye” iyeete.

Maatiyoosi 21:1

Ebiyee gubb, Yesuusinaa bi dabbeenaꞌona Yerusaalem katinniꞌi, Zayitee Michi guudooch beeti Beetifaagi katemooch shaggiyeete. Arooba Yesuusi bi dabbeenaꞌoochee gutteenaꞌon ishichiꞌi wochehe:

Maatiyoosi 8:15

Tiyiꞌi bi kishoon yechiye; ureechi achee gaamoo bekkech aqqehe; tiyaa maayoon Yesuusich giddiihan.

Maatiyoosi 9:29

Arooba Yesuusi “Mulloon ta toommooch ittoshi tooꞌitoommon ittoshich tunebe” iꞌi boonoshi aafoon yechiye.

Maatiyoosi 9:36

Dofee asheenaꞌo qiddaalli bagoochoommon dego mucceꞌi boonoshi iriteyoon beeggiꞌi bi maacoona miccii ayiniye.

Maariqoosi 7:33

Yesuusi uroon dofee asheenaꞌo daggoochee ikke badd kichiꞌi bi kishee yapheroon uroochi waamooch giijjiye. Wotta cudon kushitee (kuujjii) bi heciyoon shafehe.

Luqaasi 18:43

Hini are aaf doogo bekkech ciinniye; aroochee Yeerin galleteebee Yesuusin dabbiye. Asheenaꞌo bulliyoo ebin beeggiꞌi Yeerin galleteheete.

Luqaasi 22:51

Tunebaani Yesuusi “Qayote, beddiye” iꞌi uroochi waamon yechii wodiihe.

Luqaasi 7:13

Doono Yesuusiyoo ureen ciinniꞌi ayiniye; biinoo eeppaahine iꞌi goggiihe.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.