Maatiyoosi 20:26 - Kafa Linguistics Project

²⁶ Tunetaa ittoshi daggooch ebiyoommon tunaaye. Ittoshi daggoochee koniyoona ‘Oogoo tunebona’ ito, wochee bushoochoommon ittoshich shuunebe.

Maatiyoosi 20:26 ပူးပေါင်းရင်းမြစ်များ

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Maatiyoosi 20:27

Wotta ittoshi daggoochee koniyoona ukkirebona ito, shiichiree guunochoommon ittoshich shuunebe.

Maatiyoosi 25:44

“Boonoshiyoo wochiree, ‘Doonocho, ne shaacetaa woyee ne shachewetaa woyee dallaawoo ne tunetaa woyee ne tubbetaa woyee ne biiyetaa woyee ne cuchetaa, aatooba beeggaꞌa neen degaano qajjoone?’ gettemminaꞌone.

Maatiyoosi 27:55

Yesuusin degoyich Galiilee showoochee biin dabbiti wodde genneenaꞌo arooch wokkii neexeechii ciinnii beeheete.

Maariqoosi 10:43

Tunetaa ittoshi daggooch ebiyoommon tunaaye; ittoshi daggoochee koniyoona ‘Oogoo tunebona’ ito, ittoshi wochee bushoo tunebe.

Maariqoosi 10:45

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheyemmoyich waataanoone” iye.

Maariqoosi 9:35

Aree hillooch Yesuusi koteꞌi aaraa gutte bi dabbeenaꞌon bi waan ceeggiye. Ceeggiꞌi, “Asho koniyoona, oogoo tunoon bi qaawigaata, bulliyee desh bi qelloon yittiiree bullichi wochee bushoo tunebe” iye.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Luqaasi 22:26

Tunetaa ittoshi daggooch ebiyoommon tunaaye. Ebich ittoshi daggoochee oogoo giishochoommon, doonjeto wotta bi wochee bushoochoommon tunebe.

Yowannisi 18:36

Yesuusi wochiꞌi, “Ta taatittine hini alemeexi tooneene. Ta taatittine hini alemeexi bi tuneto gaata, Ayihudee ukkireenaꞌoyich beshiitaa ta icheyaachemmoyich ta dabbeenaꞌo koyeshinaꞌone; tunebaani ta taatittine hini alemeexi tooneene” iye.

Mishiraachechinaꞌo 13:5

Salamiisi katemooch beebee, Ayihudeenaꞌo kiceebeeti kexooch giyiꞌi, Yeerichi qaaroon dojjiyeete. Arooba Yowannisi boonoshin deggii beehe.

2 Qorontoosi 1:24

Yeeri toommooch mullee tooꞌiyoona manjii ittoshi neexoon ariito noone; ebich ittoshina tookkaa no shuunaabeeto ittoshi emiremmoyich qaawaꞌaanalli, ittoshi mullee tooꞌiyee toommooch doonjittinoon qaawaꞌa toonoone.

2 Ximootiyoosi 1:18

Ciiree aabooba Doono Yeeri maaroon biich imbe. Efesoon ta beetaa, am shaahoon taan bi gaacheto gaata gaawichaꞌa ariibeeto neene.

Filimooni 1:13

Tawoo mishiraachee qaaroon ta getti naboona cuchaꞌa ta beetaa, ne qoodoon taan bi gaachemmoyich ta waan biin echiyoon ta shunnetaanolla,

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Pheexiroosi 5:3

Kittinnee guuphinaꞌoyich gaawe shaahiyoon tuneree bekkebotalli, boonoshin giidoona hajjiyaahote.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.