Maatiyoosi 20:2 - Kafa Linguistics Project

² Shuunechinaꞌon daneꞌi, ikke diinaaree shumaayoon imma echee kuxxiꞌi boonoshin bi goyo beetooch daachiihe.

Maatiyoosi 20:2 ပူးပေါင်းရင်းမြစ်များ

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

2 Kiinoo 34:3

Bi taateti shimittinnee natooba, batt busheebee, bi qaabbechi Daawitichi Nuggishoyich maddooch giyiye. Aaraa guttinnee natooba, Yihudee showoonaa Yerusaaleminon guudi toommeexi goyinnee xaaꞌeenaꞌoochee, Asheeri misileenaꞌoochee, qiicaa shuuneeti nuggisheenaꞌonaa ukkaa shuuneeti misileenaꞌonoochee xalliyooch giyiye.

Dojjecho 12:1

Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!

Maatiyoosi 18:28

“Tunebaani are uro kechii hammiibee, bi waanee balle diinaaroon eretteti ikke bi nuuchoona daneꞌi, ‘Ta hiishoon qoce’ iꞌi bi qettoona yechiye.

Maatiyoosi 20:1

Wotta Yesuusi ishichiye: “Shimaajji taatittine ebiyoommine: Ikke woyinee doono bi woyinee goyee daggooch gijjoo qocee shuunemmi shuunechinaꞌon qaawooch maaddiꞌi kechiye.

Maatiyoosi 20:13

“Woyinee doono wochiꞌi boonoshi daggoochee ikkoyich ishichiye: ‘Ta xiboocho, neen xuꞌaano taane. No yibbaateto, ikke diinaaroona toone?

Maatiyoosi 20:3

“Guttinnoon keejje saatooch kechiꞌi shuunaalli asheenaꞌo gabiyee godooch neexee beetinaꞌon beeggiye.

Maatiyoosi 20:9

“Aroochee aaraa ikke saatooch waatinaꞌo giddeꞌi boonoshi qelli qelloona ikke diinaaroon deqqiyeete.

Maatiyoosi 22:19

Eke taach qaraxo qocheebeeti gijjoon bekkiibote” iye. Boonoshiyoo ikke diinaaroon biich deebiꞌi bekkiiheete.

Maatiyoosi 9:37

Arooba bi dabbeenaꞌon “Qecceyemmi maayo woddoone; tunebaani qeccii kicechinaꞌo giishecheenaꞌone.

Maariqoosi 12:15

Tunetaa Yesuusi boonoshi noonee noocon ariiꞌi, “Amoyich taan muriciiya qaawii beetote? Eke ikke diinaaroon taach deebi bekkiibote” iye.

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Luqaasi 10:35

Deco haraa gutte diinaaroon kichii iibbee kechi doonoyich immiꞌi, ‘Hini uroon gaawichiree shiimebe; hini ta immeti gijjoo bedo qayigaata, ne kichito bullin ta wottehooba qoccemmo taane’ iichii hammiye.

Luqaasi 20:24

“Eke taach ikke diinaaroon bekkiibote” iye. Boonoshi bekkiitaa, “Hini gijjee toommooch beeti malletoonaa kooreeti shigoona konichone?” iꞌi echehe. Boonoshiyoo “Qesaarichone” iyeete.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Yaaꞌoo 6:6

Kashechi awudde halleenaꞌo daggoochee qaaro “Ikke diinaaroyich ikke kobbaye teepphoo, ikke diinaaroyich keejje kobbaye sheqoo tunebe; tunebaani zayitee mixonaa woyinee qomboonochi achooch shaggaahine” bi getaa waayeho.

1 Saameeli 2:18

Bushoo Saameeliyoo muttee tuppoochee shippeti efoodoon taheꞌi, Doono Yeeri aafooch maddee beehe.

1 Saameeli 2:26

Bushoo Saameeli Doono Yeerinaa ashoona naadeebee, neexoon daakkiibee, diccii beehe.

1 Saameeli 3:1

Bushoo Saameeli Eeliyee desh tuneꞌi Doono Yeerich maddee beehe. Aroobee yemeenooch Doono Yeerichi qaaro oogeti aaxxoone. Wodde kaalloon yaaꞌoo bekkeyaanoone.

1 Saameeli 3:21

Doono Yeeriyoo aroyee aaf bi bekketoommon, Saameelich Shiloohaa bekkeebee biich yibbaatee beehe. Saameeli yibbaatoon Israꞌeeleenaꞌo bulli elleꞌi waayee beeheete.