Maatiyoosi 2:5 - Kafa Linguistics Project

^5-6 Boonoshiyoo ishichiyeete: “Yihudee showooch beeti Beetilehemiye; ‘Hini Yihudee showooch beeti Beetilehemi asheenaꞌote, ta macceenaꞌo tuneti Israꞌeeleenaꞌon quyemmi woraaferashoo ittoshi daggoochee kechemmone; ebich Yihudee showooch beeti katemeenaꞌoyee ittoshi katemoo cir shappaachemmone’ iꞌi Yeeri gettiton keemecho kooritone” iyeete.

Maatiyoosi 2:5 ပူးပေါင်းရင်းမြစ်များ

Halloo 35:19

Raaheeliyoo qitiyan. Efiraata daammiibeeti gommi gashooch duukkahan. Efiraati and Beetilehemi gettee beetone.

Maatiyoosi 2:1

Heroodisi Yihudee showooch taateꞌi bi beetaa, are showooch beeti Beetilehemi katemooch Yesuusi shiijjehe. Arooba xojjenee hiddechinaꞌo aabi-keyoochee Yerusaalem waaꞌi,

Maatiyoosi 2:4

Aroochee Heroodisi qeeshee ukkireenaꞌonaa Muusichi Sheeree dojjechinaꞌonon kiciꞌi, “ ‘Kiristoosi shiijjemmone’ getteeto, aabiichiye?” iꞌi echehe.

Yowannisi 7:42

Yaafe Macaafoochaa ‘Kiristoosi taatoo Daawiti yaroochee, Daawiti beebee echeti katemoo Beetilehemee kechemmone’ getteyaache?” iyeete.

Yaasi 19:15

Are showee daggooch Qaxaati, Nahalaali, Shimirooni, Idalaahinaa Beetilehemina beetinaꞌone. Bulli aaraa gutte katemeenaꞌone; ebi katemeenaꞌo bullichi guudoona gafeenaꞌo beetinaꞌone.

Woraaferasheenaꞌo 17:7

Yihudee showooch, Yihudee yoodee asheenaꞌona tookkii Beetilehemi katemooch koteti ikke gurimaashe Lewee asho beehe.

Ruuti 1:1

Wonna, Israꞌeelee showooch taatoo taatoyee shiichiꞌi, woraaferashoo qeejjiibeeti yemeenooba, ebi showooch shaacoo giyiye. Ebich Efiraati yaroo tuneti ikke uro bi mecheenaa bi bushiishoonon yechiꞌi, Yihudee showeexi Beetilehemi katemoochee tiyii, giisheche yemeenoon koteya Moꞌabee showooch hammiye. Uroochi shigo Elimeleeki, bi mechee shigo Naꞌoomi, bi gutte bushiisheenaꞌochi shigo wotta Mahilooninaa Kiliyoonina getteehe. Boonoshiyoo hammiꞌi Moꞌabee showooch koteheete.

Ruuti 1:19

Ebina gutteꞌi Beetilehemi katemooch beddaahaa hammiyeete. Beetilehem boonoshi shaggimmona, katemeexi asheenaꞌo bulli boonoshin beeggiꞌi worganeheete. Genneenaꞌoo “Hini Naꞌoomine?” iibee bunneeheete.

Ruuti 2:4

Areegaata Boꞌaazi Beetilehemi katemoochee ebi bi maayo qecceebeeti budooch waahe. Shuunechinaꞌon “Doono Yeeri ittoshin gaachebe” iye. Boonoshiyoo “Doono Yeeri neen diiribe” iyeete.

Ruuti 4:11

Ebi iitee xaaꞌooch koteti geeneenaꞌonaa bare asheenaꞌo bullina ishichiyeete: “Eeha, miixoo noone. Doono Yeeri ne woraashiti ureen no qaabbechi Yaaqobich meeti bushiishoon shiyeti Raaheelinaa Liyinoommon tuniibe. Doono Yeeri Efiraati yaroochee neen gaanniibe. Beetilehemi katemooch ne shigo aricheto tunebe.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.